Вести

ПОДГОТОВКА ЗА АСФАЛТИРАЊЕ НА ДЕЛ ОД УЛИЦАТА „БРАЌА МИЛАДИНОВИ“

10 Јун 2020 by Општина Кавадарци in Улици и тротоари

Општината Кавадарци преку ангажираната оператива на фирмата „Градба промет“ работи на реализација на комуналниот проект за обновување на асФалтната подлога на дел од улицата „Браќа Миладинови“.

Денеска се изведуваа звршните работи од подготовката пред поставување на новиот асфалт. Претходно беше извршено гребење на стариот и оштетен асфалт.

Со овој проект општината ќе обнови коловозна површина од 1.250м², на делницата од спојот со улицата „Киро Крстев“ до спојот со улицата „Методи Џунов-Џико“.

Јавен повик за влкучување на невработени лица со ниски квалификации во проекти од инфраструктура и заштита на животната средина на локално ниво

10 Јун 2020 by Општина Кавадарци in Актуелни информации / Огласи и соопштенија

Се повикуваат сите невработени заинтересирани лица да се пријават за извршување на јавни работи за потребите на Општина Кавадарци според Јавниот повик на Агенцијата за вработување на Република Северна Македонија.

Јавен повик

41 седница на советот на општина Кавадарци

27 Мај 2020 by Општина Кавадарци in Актуелни информации

41 седница на советот на општина Кавадарци: Родителите ослободени од плаќање надомест за градинка за април и мај

Родителите чии деца посетуваат градинка се ослободени од плаќање на надоместок за април и мај, вака денеска едногласно одлучи советот на општина Кавадарци. Одлуката беше донесена во рамки на 41-та седница која се одржа онлајн, поради здравствените протоколи.

Градоначалникот на Кавадарци, Митко Јанчев, ја поздрави донесената одлука од советниците и посочи дека ќе биде од големо значење за семејствата.

Едногласно советот на денешната седница донесе и одлука за основање на јавна општинска установа, локален вински музеј за регионот Тиквеш, а беа назначен и членови на управниот одбор и на органот за внатрешна контрола. Средствата за основање на музејот и почеток со работа се обезбедени од основачот, општина Кавадарци во износ од 300.000,оо денари.

На седницата беа донесени и одлуки за примање донации во корист на општината, а едногласно, без дискусии беше усвоен и извештајот за работењето на ЈП Комуналец во изминатите три месеци. Беа донесени и измени на одлуката за зонско паркирање и за утврдување на тарифа на цени по зони за зонското паркирање и план за заштита и спасување на подрачјето на општина Кавадарци.

„Од 1 јуни се надеваме дека комуникацијата ќе биде полесна. Сакам да ве информирам дека активно се реализира комуналната изградба во општина Кавадарци и дека општината и ЈП Комуналец се во добра финансиска кондиција“ рече во своето обраќање до советниците, градоначалникот Јанчев.

ЈАВЕН ПОВИК За ангажирање на архитекти во Советодавното тело – Комисија на Општина Кавадарци за придонес во утврдувањето на идниот урбанистички развој на територијата на Општина Кавадарци

27 Мај 2020 by Општина Кавадарци in Актуелни информации / Огласи и соопштенија

Врз основа на член 50 став 1 точка 16 од Законот за локална самоуправа (“Сл. Весник на РМ” бр.05/2002) и член 114 од Статутот на Општина Кавадарци (“Сл. Гласник на Општина Кавадарци” бр.08/05, 14/10, 24/10 и 38/19), Градоначалникот на Општина Кавадарци објавува

ЈАВЕН ПОВИК

За ангажирање на архитекти во Советодавното тело – Комисија на Општина Кавадарци за придонес во утврдувањето на идниот урбанистички развој на територијата на Општина Кавадарци

Се повикуваат сите заинтересирани дипломирани архитекти да земат учество во Советодавното тело – Комисија на Општина Кавадарци Локална Самоуправа, за придонес во утврдувањето на идниот урбанистички развој на територијата на Општина Кавадарци, за наредниот 10-годишен период “Кавадарци 2030година”.

Целта на јавниот повик е да се поттикнат истакнати архитекти да учествуваат во идното урбанистичко планирање на Градот Кавадарци во наредните 10 години.

Се очекува заинтересираните архитекти, со нивните искуства, знаења и идеи да придонесат заеднички да се утврди идниот економски, социјалeн, културeн и спортски развој во насока на подигање на животниот стандард на повисоко ниво на сите граѓани во Општина Кавадарци.

Со Советодавното тело – Комисија ќе раководи Градоначалникот на Општина Кавадарци.

Учеството на архитектите во Советодавното тело ќе биде на доброволна основа без надоместок.

Советодавното тело ке се состанува најмалку 2 (два) пати месечно, а по потреба и повеќе пати во месецот.

Заинтерсираните лица потребно е да достават Пријава на следната адреса: Општина Кавадрци, ул. Плоштед Маршал Тито бб со назнака “За ангажирање на архитекти во Советодавното тело – Комисија на Општина Кавадарци за придонес во утврдувањето на идниот урбанистички развој на територијата на Општина Кавадарци” или дирекно во архива на Општина Кавадрци соба бр.20.

Рокот за пријавување е до 15.06.2020 година.

По завршувањето на рокот за пријавување по јавниот повик, пријавените кандидати ќе бидат повикани.

Општина Кавадарци

Градоначалник

м-р Митко Јанчев

Пријава

СЕ ГРАДИ НОВ ПАРКИНГ ВО „АНОТ“

21 Мај 2020 by Општина Кавадарци in Проекти

Набргу јавниот паркинг во градот ќе добие нови четириесеттина паркинг места. Денеска оперативата на ангажираната фирма „Градба промет“ од Кавадарци работеше на шалување на одводната решетка за зафаќање на атмосферската и површинската вода од идниот паркинг на просторот од некогашниот „Ан“ кај паркот „Полана“.

Според проектот на површина од 1.100 квадратни метри се гради плато за паркинг на автомобили каде ќе се постават бехатон плочки. Досега Општината преку ангажираната оператива спроведе расчистување на теренот со проширување на влезот од улицата „Лазо Мицев“,порамнување и тампонирање.

Паркингот во ноќните часови ќе биде осветлен со Јавно улично осветлување за што е поставена нисконапонска мрежа за десет метални канделабри со висина од 4 метри за ЛЕД светилки секоја со јачина од 40 вати.

Новиот паркинг простор ќе го намали недостигот од паркинг места особено во пазарните денови.