Категорија: Актуелни информации

Денес на влезовите градскиот зелен пазар во Кавадарци од страна на полициски службеници, заедно со волонтери на Црвениот крст, преставници од ЈП паркинг и ,,Мој Општинар,, беше реализирана превентивна акција со делење на едукативни флаери во кои се содржани препораките за носење заштитна опрема, држење социјална дистанца и други препораки за заштита и превенција од Корона вирусот. Оние граѓани и продавачи на тезгите кои во пазарот влегуваа без заштитна опрема беа предупредувани и им беа на лице место поделени заштитни маски.Бројот на лицата кои немаа заштитна опрема беше многу мал. Помеѓу оние лица кои поминаа низ градскиот пазар и кои ги почитуваа препораките за носење заштитна опрема беше и Градоначалникот на Општина Кавадарци г-дин Митко Јанчев.

Едногласно, советот на општина Кавадарци денеска го усвои кварталниот извештај за извршување на буџетот во првиот квартал од тековната година. Советот денеска за прв пат заседаваше преку видео врска поради актуелната состојба со корона кризата. Активни на онлајн врската беа сите советници.

На денешната онлајн седница се поништи одлуката со која беше дадена согласност за отпочнување постапка за задолжување на општина Кавадарци пред Светска банка за реализација на капиталниот проект – изградба на зелен пазар и нова одлука за домашно задолжување на општина Кавадарци за финансирање на овој проект.

„Пазарот ни е крупен и значање проект, а со неговата изградба ќе добиеме и дополнителни 140 места за паркирање “ рече градоначалникот Митко Јанчев.

На седницата беа усвоени и измени и дополнувања  на повеќе општински програми. Во врска со измените на програмата за активностите на општината во областа на спортот, градоначалникот Јанчев информираше дека се врши укинување на 50% од средствата за спортските клубови.

„Поради укинување на сите спортски активности во овој период ги укинуваме и ние средствата за клубовите. Но веднаш штом се продолжат активностите тие средства повторно ќе ги вратиме на клубовите“ појасни Јанчев.

Тој исто така информираше и дека општината нема потрошено речиси ниту денар за справување со корона кризата, бидејќи трошоците за дезинфекција и набавка на средства и опрема за заштита се покриени од општествено одговорни компании.

Градоначалникот Јанчев и претседателот на советот Сакалиев упатија благодарност до сите компании кои донираа за општината и полесно справување со состојбите поради кризата со Ковид 19.

На седницата едногласно беше донесена одлука со која угостителите се ослободија од плаќање надоместок за користење на јавни површини. Оваа одлука се однесува за ослободување од надоместокот за април и мај, поради нивното неработење во време на епидемија. Доколку е потребно и понатамошно ослободување, рече градоначалникот, повторно ќе биде донесена ваква одлука.

„Угостителите се најмногу погодени од оваа криза. Со оваа мерка даваме придонес во задржување на вработените“ рече Јанчев.

На денешната 40-та редовна седница едногласно беа усвоени и извештаите за работењето на ЈП Комуналец, МХЕЦ Лукар и ЈП Паркинг.

Денеска сите граѓани кои влегуваа и излегуваат од Градскиот зелен пазар од северната страна задолжително мораа да поминат низ ДЕЗИНФЕКЦИОНЕН ТУНЕЛ. Истиот има функција целосно да ги дезинфицира сите кои поминуваат овде а мораа да го сторат тоа, зашто друг премин нема.
Тунелот испушта водена прашина во која има еколошки био раствор кој пак ги неутрализира бактериите и вирусите. Идејата е да се обезбеди максимална заштита на лугето.
Општина Кавадарци-Локална Самоуправа го организира фукционирањето на тунелот со помош на Општествено одговорните компании Графичко студио Нова-М Дизаин, Авто Сервис AВТОМИТО, Пиљара Green House а електрониката ја изработи и донира Др.Димитрија Анѓелков професор во СОУ„Киро Спанџов Брко„-Кавадарци
На страната кај улицата „7 Септември„ беше организрани дезинфицирање на класичен начин со намески еко средства.

Земјоделците кои не се регистрирани земјоделци а кои обавуваат земјоделски активности, можат да се пријават на телфонскиот број 13 300 најдоцна до 20 часот денес, за да можат непречено да работат за време на полицискиот час.

Почитувани, 

Согласно Записникот од Дваесеттиот состанок на Главниот координативен кризен штаб за обезбедување целосна координација во врска со спречување на внесување и ширење на Коронавирус COVID-19 , одржан на 6ти април 2020 година, точка 5, Кризниот штаб на Општина Кавадарци го донесе следниот заклучок: 

– Согласно владините мерки за online работа и достава на продукти од маркети, достава на храна од ресторани и слично, тобака , како и такси превоз, се повикуваат сите заинтересирани правни субјекти да се пријават во Општина Кавадарци , за добивање на дозвола за работа за време на полициски час. 

Во прилог е Пријавата која е потребно да ја пополнат сите заинтересирани правни субјекти најдоцна до петок 10.04.2020 година до 12 часот. 

Пополнетата Пријава да се испрати на opshtina@kavadarci.gov.mк

Пријава за online достава