Денес пожарникарите од ТППЕ на Кавадарци вршат обновување на урбаната опрема на детските игралишта.
По налог на градежниот инспектор на Општина Кавадарци денес се врши рушење на дивоградба лоцирана на кејот на реката Луда Мара. По 15 години соочување со проблем , сега ова место ќе им биде достапно на пешаците со оспособување на тротоарот. Градоначалникот Митко Јанчев се залага за решавање на проблеми со кои жителите на Општина Кавадарци се соочуваат долги години. Во изминатиот период беа решени неколку проблеми кои сега се во функција на граѓаните.
Денес се започна со поставување на средства за смирување на сообраќајот со ширина од 1 метар и висина од 8 сантиметри на следните локации:
– ул.Словенска на две локации
– ул.Љубашка на една локација,
– ул.Ѓоре Брушански на две локации,
– ул.Ресавска на една локација,
– ул.Јован Планински на една локација,
– ул.Пиринска на една локација,
– ул.14ти Мај на две локации,
– ул.16ти Јуни на две локации,
– ул.Ќиро Спанџов на една локација,
– ул.Браќа Џунови на една локација,
– ул. Ѓорѓи Соколов на две локации,
– ул.Орце Николов на две локации,
– на влезот во с. Сопот и
– на ул.Партизанска во с.Марена на две локации.
Се реализира проект за пробивање и асфалтирање на краци на ул.Црноречка. Изведувач на проектот е Градба промет и е планирано во текот на наредната недела проектот целосно да се реализира. Првиот крак е со должина од 200 метри а вкупно сите краци ќе бидат во должина од 500 метри.
Денес се започна со реконструкција на ул.Даме Груев. Инвеститор и изведувач на проектот е ЈП Комуналец. Со реконструкцијата се предвидува промена на водоводна линија ф110, промена на фекална линија ф315 и промена на атмосферска линија ф250 со должина од 200 метри. На крајот ќе се постават и приклучоци за сите куќи на оваа улица. По завршување на овој проект ќе се започне со реализација на проект за асфалтирање на улицата.
