Phone: Address:

Вести

    All Blog Posts

    Одбележани 79 години од стрелањето на дванаесетте Ваташки младинци

    Одбележани 79 години од стрелањето на дванаесетте Ваташки младинци

    16 Јун 2022 by Општина Кавадарци in

    Денеска пред споменикот на дванаесетте Ваташки младинци, Градоначалникот Митко Јанчев заедно со членови на нивните семејства, советници од општинското собрание, пратеници и други делегации, достојно ја одбележаа 79 годишнината од нивното стрелање и им оддадоа почит за нивната храброст и непокорност.

    Не е ова далечна историја па да ја заборавиме, да ја избришат. Нема! Затоа што во мислите остануваат зверските мачења од бугарскиот фашистички окупатор на дванаесетте ваташки младинци. Затоа што нивните семејства уште се живи и секоја година се потсетуваат на тој кобен 16 јуни. И затоа што ова е еден од најголемите злосторства во времето на Втората светска војна во Македонија.

    „Смртта стана немоќна пред нашата младост исправена, пред очите наши загледани уште тоа утро во иднината”.

    Овие зборови се напишани на нивниот споменик да сведочат за овој крвав злочин.

    И затоа! Никогаш да не ги заборавиме страдањата кои македонскиот народ ги доживеал во таа четиригодишна окупација и да се гордееме со сите оние борци и сите храбри луѓе што помагале во тие времиња, за слобода на македонскиот народ.

    Да не се повтори!

    Вечна им слава!

    1
    2
    3
    4
    5
    6
    7
    8

    Листа на баратели за субвенционирање на велосипеди за 2022 година

    Листа на баратели за субвенционирање на велосипеди за 2022 година

    9 Јун 2022 by Општина Кавадарци in /

    Записник од одобрени и одбиени барања во рамките на предвидениот Буџет и критериумите по повикот за имплементација на мерките за субвенционирање на граѓаните на подрачјето на општина Кавадарци за купување велосипеди за 2022 година.

    Ј А В Е Н  ПОВИК до евидентирани невработени лица за вклучување во Програмата Општинско – корисна работа

    Ј А В Е Н  ПОВИК до евидентирани невработени лица за вклучување во Програмата Општинско – корисна работа

    6 Јун 2022 by Општина Кавадарци in

    Врз основа на Договорот за соработка помеѓу Агенцијата за вработување на РСМ (АВРСМ), и Договорот за соработка Програмата за развој на Обединетите нации (УНДП)  и Општина Кавадарци, во рамките на Оперативниот план за активни програми и мерки за вработување и услуги на пазарот на трудот за 2022 година усвоен од Владата на Република Северна Македонија, Програмата Општинско – корисна работа финансирана од Буџетот на Агенцијата за вработување на РСМ, на ден 06.06.2022 година се објавува:

    Ј А В Е Н     П О В И К
    до евидентирани невработени лица за вклучување во
    Програмата Општинско – корисна работа

    Се повикуваат сите евидентираните невработени лица кои се заинтересирани да се вклучат во програмата Општинско-корисна работа, проект “Сервис за негуватели на лица со попреченост, лични асистенти за средношколци со попреченост и Волонтери за помош на Центарот за достава на храна ,,Банка за храна” до социјално ранливи категории”  за работно ангажирање со скратено работно време од 9 (девет) месеци заради стекнување на вештини и постепено вклучување на пазарот на труд, да се пријават во Агенција за вработување- Центар за вработување Кавадарци.

     

     

    ПОВТОРНА Јавна Презентација и Јавна Анкета По Детален урбанистички план за УЕ 6, Блок 6.2, ,,Автобуска станица” КО Кавадарци град

    ПОВТОРНА Јавна Презентација и Јавна Анкета По Детален урбанистички план за УЕ 6, Блок 6.2, ,,Автобуска станица” КО Кавадарци град

    31 Мај 2022 by Општина Кавадарци in

    Врз основа на член 35 од Законот за просторно и урбанистичко планирање (Сл.Весник на РМ бр.199/14, 44/15, 193/15, 31/16, 163/16, 64/18 и 168/18), и член  50 точка 4 од Законот за локална самоуправа (,,Службен весник на РМ” бр.5/02), член 113, став 20 од Статутот на Општина Кавадарци, и донесената Програма за изменување и дополнување на Програмата за изработка на урбанистички планови во Општина Кавадарци за Програма за изработка на урбанистички планови во Општина Кавадарци за 2020 година, глава IV, точка 22, Градоначалникот на Општина Кавадарци го дава следното:

    С О О П Ш Т Е Н И Е

    За организирање на ПОВТОРНА Јавна Презентација и Јавна Анкета

    По Детален урбанистички план за УЕ 6, Блок 6.2, ,,Автобуска станица” КО Кавадарци град, Општина Кавадарци

     

    Граници на планскиот опфат се :

    –  на север границата се движи во источен правец долж осовината на сервисната улица Бул. „Кочо Рацин“,при тоа истата представува граница на урбана единица 6, како што е

    планирана со Измена и дополнување на ГУП на Град Кавадарци и населбите Ваташа и Глишиќ, 2016 – 2026, сѐ до почетната точка 2.

    –  на исток границата започнува од точка 2 и се движи во јужен правец долж осовината на улица  „Орце  Николов“,  при  тоа  сечејќи  ги  КП 16473/1  и  КП 16453,  се  до најисточната точка 1;

    –  на југ границата  се  движи  во  западен  правец  при  што  поминува  низ  оска  на  улицата „Охридска“, се до најјужната точка 7;

    –  на  запад  границата  се  движи  долж  осовината  на  сервисната  улица „Илинденска“.

    Површината на планскиот опфат изнесува 1,47 ха.