Вести

Со постсвувањето на рабниците, оперативата на ангажираната фирма „АС машини“ од Кавадарци започна со реализација на втората етапа од поплочувањето на делница од пристапниот пат до црквата во селото Возарци.

Во наредните денови најпрвин ќе се оформи контурата на патот во должина од 270 метри на делница од постојниот плочник до капијата на црковниот двор. Паралелно ќе се врши и поплочување со бехатон коцки на површина од 800 метри квадратни.

Минатата година во исто време опоштината преку ангажираната фирма поплочи површина од 400 метри квадратни, во правец на црквата и тоа на потегот од спојот со локалниот пат кон браната на „ХЕЦ „Тиквеш“.

Со овој зафат општината во целост ќе го поплочи пристапниот пат до селската црква. Општината и овој проект го реализира на барање од граѓаните од селото Возарци.

Нови 500 метри квадратни асфалтирана улица се дел од градската улична мрежа на Кавадарци. Оперативата на ангажираната фирма „Градба промет“ изврши асфалтирање на улицата „Стив Наумов“.

Во склоп на овој комунален проект на општината и ЈП „Комуналец“ претходно беше извршена реконструкција на водоводната и канализационата мрежа, по што уследи подготовка, поставување на рабници и тампонирање на целата површина  на реконструираниот дел од улицата.

И овој проект е реализиран на барање на жителите од тој дел на Кавадарци.

Денеска започнаа подготвителните работи за отстранување на старата и дотраена коловозна површина на крак од улицата „Прилепска“.

Општината во склоп на реализација на програмата за комунална изградба, преку ангажираната оператива на фирмата „АС машини“ од Кавадарци изврши отстранување на старата бетонска подлога.

Според проектот ќе се продолжи зо нивелирање и подготовка на деницата за бетонирање.

Реконструкцијата се спроведува нба барање на жителите кои живеат веднаш до Противпожарниот дом од неговата западна страна.

Општина Кавадарци преку ангажираната оператива на фирмата „Градба промет“ успешно реализираше уште еден комунален проект.

Денеска беше реализирана последната фаза- асфалтирање на улицата „Егејска“ од спојот со улицата „Љубашка“ под „строто Ангро“, до спојот со улицата „Пелистерска“.

Претходнои овде се отсртани старата и дотраена коловозна површина и се поставија нови рабници.

Реконструкцијата е на барање на жителите од овој делк на Кавадарци.