Во тек е редовното кастрење на дрворедите кое Општина Кавадарци го реализира преку Јавното претпријатие „Комуналец“.

Станува збор за активност на организационата единица „Паркови и зеленило“, а се работи на интервенција на дрворедите со кастрење на обраснати гранки, како и отстранување на сувите и дотраените гранки кои се потенцијална опасност за пешаците и возачите.

Со оваа акција на општината се опфатени булеварите „Моша Пијаде“ и „Никола Минчев“ како и улиците: „Илинденска“, „Вишешница“, „Блажо Алексов“ и „Димката Габерот“.

Покрај ЈП „Комуналец“ во акцијата како помагатели со механизасија и работна рака се вклучени и општествено одговорните компании: „ EVN“, „Кожувчанка“ и „Матал Апостолови“