Општината Кавадарци продолжува со реализација на проекти со кои се подобрува коловозот на градските улици.

Денеска ангажираната оператив започна со поставување на порамнителен слој асфалт како подготовка за завршното асфалтирање на булеварот „Никола Минчев“.

Денеска се порамнуваше потегот од спојот со обиколницата „Северен билевар“ до спојот со булеварот „Цветан Димов“ кај новиот кружен тек до зградата на Граничната полиција. Во наредните денови ќе се изврши порамнување на целата должина од Обиколницата до кружниот тек кај автобуската станица.

Општината на оваа улица ќе реконструира површина од 10.000 квадратни метри. Реконструкцијата на улицата е во склоп на проектот МСИП што општината го реализира преку ЕУ и Светска банка.