Во духот на христијанството и празниците кои се зад нас и кои следуваат , денеска во Спортската сала „Јасмин“ Градоначалникот Александар Панов додели 70 социјални пакети на исто толку повеќе члкени семејства корисници на социјална помош. Списокот беше изготвен од страна на Центарот за социјални работи Кавадарци, а донацијата од прехранбении пакети ја сочинуваа производи што ги подарија маркетите: Мин-екс, Дијана, Тд-Тд и Кит-Го.

Ова е четврти пат како општината и маркетите по повод новогодишните и божиќните празници ја споделуваат хуманоста со социјално загрозените семејства во општината.

Искажувајќи благодарност кон донаторите градоначалникот Панов повика на поголема хуманост Имено и познато е дека, по повод вакви празници, но и во други прилики храната ја фрламе во контејнери. За да го скратиме патот, и наместо во контејнери, сакам да апелирам, храната организирано да ја доставиме до луѓе на кои им е потребна, со посредствие на ЛС или пореку Центарот за социјални работи. На тој начин храната ќе дојде до оние на кои им е потребна, особенио сега во зимските денови. Со тоа барем на ден два би им го разубавиле животот на тие луѓе, вели Панов.

Тој посочи дека паралелно со хуманоста во 2016 општината ќе работи на создавње услови за отворање нови работни места и намалување на бројот на социјалните случаи.