Вести

Врз основа на Јавниот повик со арх бр.14-6368/1 од 24.10.2023 година за избор на најдобар бизнис план во средните училишта во Општина Кавадарци, комисијата за избор нa наградените бизнис планови составена од наставници номинирани од директорите на средните училишта и членови на комисијата за еднакви можности на општина Кавадарци  ја донесе следнава одлука:

I награда -Благица Сивакова, Фросина Настова, Ивана Илова, Александра Јованова од СОУ,,Гимназија Добри Даскалов”со бизнис план за продажба и производство на органски сапун.

II награда- Надица Гелова, Ружица Илиевска и Јован Митрев од СОУ,,Киро Спанџов-Брко” со бизнис план за автомат за собирање и рециклирање на стар текстил.

III награда– Владимир Костов од СОУ Гимназија ,,Добри Даскалов” со бизнис план за фото студио.

III награда Наќе Петридов и Кирил Топчиев од СОУ ,,Гимназија ,,Добри Даскалов”-  бизнис план за компанија за обуки и образовни курсеви за програмски јазици.

• Одлука 6276-12
• Одлука 6276-13
• Одлука 6276-14

Врз основа на  член 48  од Закон за административни службеници („Службен весник на Република Македонија“ бр.27/14, 199/14, 48/15, 154/15, 5/16, 142/16, 11/18, и „Службен весник на Република Северна Македонија“бр.275/19, 14/20, 215/21 и 99/22) и Правилник за формата и содржината на интерниот оглас, начинот на поднесување на пријава за унапредување, начинот на спроведување на административна селекција и интервјуто, како и начинот на нивното бодирање и максималниот број на бодови од постапката на селекција, во зависност од категоријата на работното мест за кое е објавен интерниот оглас („Службен весник на РМ “бр.11/15 и бр.35/18 и „Службен весник на РСМ“ бр.303/20), а согласно Правилникот за систематизација на работни места во Општина Кавадарци бр.04-6196/3 од 28.11.2019 година и Правилник за изменување на Правилникот за систематизација на работните места во Општина Кавадарци бр.04-1911/1 од 26.03.2021 година, бр.04-1911/6 од 27.04.2021 година, бр.04-2567/1 од 12.04.2022 година, бр.04-2567/4 од 24.11.2022 година и бр.04-3477/1 од 25.05.2023 година,  Градоначалникот на Општина Кавадарци објавува

И Н Т Е Р Е Н  О Г Л А С  БРОЈ 03/2023

За унапредување на 3 административни  службеници во општинската администрација на Општина Кавадарци

Општина Кавадарци објавува интерен оглас за унапредување на административни службеници 3 (три) извршители и тоа : 

1.УПР 01 01 Б04 000 Раководител на Одделение за организација на Советот на општината, Сектор за правно-нормативни и општи работи…………..1 (еден) извршител;

2.УПР 01 01 В01 000 Советник за локален економски развој, Одделение за подготовка на стратешки и плански документи и подготовка на проектна документација, Сектор за локален економски развој…………..1 (еден) извршител;

3.УПР 01 01 В01 000 Советник за управување со човечки ресурси, Одделение за управување со човечки ресурси, Сектор за управување со човечки ресурси …………..1 (еден) извршител.

• Повеќе…

Согласно Планот и Програмата на Комисијата за еднакви можности на Општина Кавадарци со арх.бр.08-348/5 od 20.01.2023година (Сл. Гласник на Општина Кавадарци бр.26/23)Општина Кавадарци и Комисијата за еднакви можности објавува:

ЈАВЕН ПОВИК 

за избор на најдобар бизнис план во средните училишта во Општина Кавадарци

            Услови за учество и наградување:

1. Право на учество на јавниот повик имаат средношколци/ки од СОУ гимназија ,, Добри Даскалов” ЗШУЦ ,, Ѓорче Петров” и СОУ ,, Ќиро Спанџов-Брко”.
2. Секој апликант/ка на јавниот повик може да аплицира само со еден бизнис план, а со еден бизнис план може да учествува најмногу тим од најмногу 4 (четири) лица.
3. Бизнис плановите треба да бидат изготвени согласно Урнекот за пишување на бизнис план даден во прилог на јавниот повик

Јавниот повик е отворен до 06.11.2023 (понеделник) до 16:00 часот

Трите најдобри бизнис планови ќе бидат наградени:

I награда: 12.000 денари

II награда: 9.000 денари

III награда 6.000 денари

и дополнителна менторска поддршка од Агенцијата за вработување. Бизнис плановите ќе ги оценува стручна комисија.

Достава на бизнис планот:

Готовиот бизнис план во 1 пишан примерок може да се испрати по електорнска пошта на e-meil; kamcevamarija95@yahoo.com или во Граѓански информативен центар на општина Кавадарци  со назнака: ,,За избор на најдобар бизнис план”.

За дополнителни информации во врска со јавниот повик можете да се обратете кај координаторот за еднакви можности на општина Кавадарци  Марија Камчева на 072/218-772.

• Урнек за бизнис план

Согласно член 99 став 1 и член 122 став 4 од Законот за животна средина (Сл весник на Р.М бр. 53/2005, 81/2005, 24/2007, 159/2008, 83/2009, 48/10, 124/10, 51/11, 123/12, 93/13, 187/13, 42/14, 44/15, 129/15, 39/16, 28/18, 65/18, 99/18 и 89/22), Градоначалникот на Општина Кавадарци:

ОБЈАВУВА

Нацрт Б – Интегрирана еколошка дозвола

             Врз основа на член 124 од Законот за животна средина (Сл весник на Р.М. бр.53/2005, 81/2005, 24/2007, 159/2008, 83/2009, 48/10, 124/10, 51/11, 123/12, 93/13, 187/13, 42/14, 44/15, 129/15, 39/16, 28/18, 65/18, 99/18 и 89/22), до Градоначалникот на Општина Кавадарци е доставено барање за добивање Б – Интегрирана еколошка дозвола бр. 11-5536/1 од ДТУ „АС Машини“ дооел с. Марена –  Кавадарци.

Категорија на инсталацијата:

Прилог 2, точка 3. Подточка 3,3 Стационарни бетонски бази со вкупен капацитет на силусите за бетон поголем од 50 м3.

           Ја информираме јавноста дека сите потребни информации за нацрт за Б – Интегрирана еколошка дозвола, ќе бидат достапни во просториите на Општина Кавадарци во Секторот за урбанизам, комунални дејности и заштита на животна средина. Заитересираната јавност може да изврши увид во истата во рок од 15 дена од денот на објавување во просториите на локална самоуправа во соба број 3/2 од 9,00 до 12,00 часот.