Предновогодишните посети на градоначалникот Јанчев во основните училиште продолжуваат.

На вториот ден од програмата Јанчев во придружба на Дедо Мраз ги посети училиштата „Тошо Велков-Пепето“ и „Страшо Пинџур“. И во двете образовни установи домаќините приредиа кратка програма исполнета со песна и игра посветени на престојните новогодишни и божикни празници. Во двете училишта ученици на гостинот му врачиа новогодишни честитки изработени од нивните раце.

Дедо Мраз и градоначалникот во името на општината на учениците од прво до петто одделение им додели новогодишни пакетчиња.

Посебни емоции предизвика средбата на Дедо Мраз и градоначалникот Јанчев со децата од специјалната паралелка во основното училиште „Страшо Пинџур“. И овде домаќините подготвија програма посветена на нова фодина, а особена радост покажаа кон дедо мраз и подароците.