ПОПЛОЧУВАЊЕ НА ПЛАТО СО ДЕТСКИ РЕКВИЗИТИ ХА УЛИЦА „СМАИЛИЦА“

7 Мај 2020 by Општина Кавадарци in Урбанизам и Комунални дејности

Општина Кавадарци преку програмата за комунална изградба реализира проект за поплочување на зона за одмор и игра на улицата „Рајко Жинзифов“.

На површина од 100 метри квадратни се поставуваат бехатон коцки обградени со ниски рабници. Поплочувањето се врши на плато каде се поставени реквизити за игра на деца.

Во склоп на зоната е подигнат и ограден ѕид од украсни цигли. Според проекот предвидено е изградба на фонтана за ввода како и поставување урбана опрема клупи и корпи за отпадоци.

Оваа површина според планот е предвидена за одмор на граѓаните од населбата.

ИЗГРАДЕН НОВ ВЛЕЗ ВО ЗГРАДАТА НА ДОМОТ НА КУЛТУРАТА

7 Мај 2020 by Општина Кавадарци in Актуелни информации

Општина Кавадарци привршува со реализација на проектот за реконструкција и адаптација на влезот во зградата на Домот на културата „Иван Мазов-Климе“, каде се наоѓаат административните простории на градската библиотека „Феткин“, ЈП „Паркинг“ и на неколку други субјекти.

Деновиве ангажираната оператива изврши поплочување на новиот пристапен влез од северната страна. Сега главниот влез во библиотеката и останатите институции во зградата ќе биде од север, од поранешната „кино бавча“. Новата влезна врата е димензионирана да одговара на потребите на објектот.

После отстранувањето на пристапните скали, општината обезбеди проширување на патеката низ „тунелчето“, што ќе доведе до поголема фрекфенција, како и побезбеден влез на граѓаните во градскиот зелен пазар.

Паралелно со дислокацијата на главниот влез се изврши замена и на старите прозорци на скалишното јадро, каде се поставени нови ПВЦ прозорци со термапан стакло, како и лимена настрешница.

Реализирана превентивна акција во врска со вирусот Ковид 19

7 Мај 2020 by Општина Кавадарци in Актуелни информации

На влезовите на градскиот зелен пазар во Кавадарци од страна на полициски службеници, заедно со волонтери на Црвениот крст, преставници од ЈП паркинг и ,,Мој Општинар,, беше реализирана превентивна акција со делење на едукативни флаери во кои се содржани препораките за носење заштитна опрема, држење социјална дистанца и други препораки за заштита и превенција од Корона вирусот. Оние граѓани и продавачи на тезгите кои во пазарот влегуваа без заштитна опрема беа предупредувани и им беа на лице место поделени заштитни маски.Бројот на лицата кои немаа заштитна опрема беше многу мал. Помеѓу оние лица кои поминаа низ градскиот пазар и кои ги почитуваа препораките за носење заштитна опрема беше и Градоначалникот на Општина Кавадарци г-дин Митко Јанчев.

Градежни работи на пешачка патека во с.Ваташа.

6 Мај 2020 by Општина Кавадарци in Актуелни информации / Улици и тротоари

Градежната механизација е присутна на повеќе локации во општина Кавадарци. Се работи на пешачката патека во селото Ваташа, а во селото Возарци се санираат полски патишта.

Делење на едукативни флаери на влезовите градскиот зелен пазар во Кавадарци

6 Мај 2020 by Општина Кавадарци in Актуелни информации

Денес на влезовите градскиот зелен пазар во Кавадарци од страна на полициски службеници, заедно со волонтери на Црвениот крст, преставници од ЈП паркинг и ,,Мој Општинар,, беше реализирана превентивна акција со делење на едукативни флаери во кои се содржани препораките за носење заштитна опрема, држење социјална дистанца и други препораки за заштита и превенција од Корона вирусот. Оние граѓани и продавачи на тезгите кои во пазарот влегуваа без заштитна опрема беа предупредувани и им беа на лице место поделени заштитни маски.Бројот на лицата кои немаа заштитна опрема беше многу мал. Помеѓу оние лица кои поминаа низ градскиот пазар и кои ги почитуваа препораките за носење заштитна опрема беше и Градоначалникот на Општина Кавадарци г-дин Митко Јанчев.