НОВ ПАРКИНГ ПРОСТОР НА БУЛЕВАРОТ „НИКОЛА МИНЧЕВ“

13 Апр 2020 by Општина Кавадарци in Улици и тротоари

Општина Кавадарци во рамките на комуналната изградба по пат на донација од општествено одговорни фирми: „Кожувчанка“, „Градба промет“, „ЈА-МИ“ и „АС Машини“, изгради нов паркинг простор покрај булеварот „Никола Минчев“.

Со поставувањето на хоризонталната и вертикална патна сигнализација се заокружи изградбата на паркингот кој се протега на површина од 950 метри квадратни. Претходно на локацијата беа поставени бехатон коцки, се изврши расчистување, ископ на земја, порамнување и тампонирање како подготовка за поплочувањето.

Со изградбата на овој паркинг општината го зголеми бројот за дополнители 60 нови паркинг местата во градот. Паркингот кој се наоѓа во зелената зона ќе биде во функција на граѓаните од тој дел на Кавадарци, како и за потребите на новиот зелен пазар кој се наоѓа во непосредна близина.

Со овој проект општинта урбанизираше простор кој со години беше запуштен. Од таа површина се отстранија непрописно поставените лимени гаражи, се расчисти шутот и се исчисти од обраснати грмушки и трева.

Соопштение до земјоделците за издравање на итна дозвола

10 Апр 2020 by Општина Кавадарци in Актуелни информации

Земјоделците кои не се регистрирани земјоделци а кои обавуваат земјоделски активности, можат да се пријават на телфонскиот број 13 300 најдоцна до 20 часот денес, за да можат непречено да работат за време на полицискиот час.

Соопштение од МЗШВ: Известување за правила за движење за сите земјоделци кои не се евидентирани во Единствениот регистар на земјоделски стопанства (ЕРЗС)

ПРОДОЛЖУВА ИЗГРАДБАТА НА „СКЕЈТ ПАРКОТ“ НА СПОРТСКИОТ ЦАНТАР „ЈАСМИН“

10 Апр 2020 by Општина Кавадарци in Проекти

Општината Кавадарци преку ангажираната оператива, продолжи со реализација на проектот за изградба на „Скејт парк“. На површина од 770 квадратни метри, досега се изгради бетонско плато со финална обработка до мазен сјај.

Деновиве се постави металната заштитна ограда, а паралелно се работи и на поплочувањето на патеката околу него. Следно ќе биде поставена урбаната опрема, како и канделабрите со рефлектори, кои ќе овозможат користење на скејт паркот и во вечерните часови.

Најдоцна за две недели треба да започне и поставувањето на елементите и тоа: рампа (Bank Ramp), централен комбиниран елемент (Funbox + Grindbox 2/3 + rail 2/3), потоа Кутија за стругање (Grindbox 1), како и Кутија за стругање (Grindbox 2).

Од реквизитите кавадаречкиот скејт парк ќе има и Четвртина цевка (Quarter Pipe), како и Права шина профил (Straight rail profile).

РЕКОНСТРУКЦИЈА НА СОБЛЕКУВАЛНИТЕ НА СРЦ „ЈАСМИН“

10 Апр 2020 by Општина Кавадарци in Проекти

Општина Кавадарци преку ангажираната оператива, деновиве започна со реконструкција на објектот Соблекувална на фудбалскиот терен на СРЦ „Јасмин“.

Според проектот предвидена е реконструкција на внатрешноста на објектот за што општината ќе одвои 700.000 денари. Реконструкцијата ќе опфати замена на прозорците од западната страна, потоа на внатрешните врати, како и реконструкција на санитарниот јазол и просториите со тушеви за спортистите.

Овој е прв посериозен зафат на објектот кој беше изграден на почетокот од осумдесеттите години од минатиот век како соблекувална за потребите на неколку фудбалски екипи од градот кои се натпреваруваа во пониските лиги.

Минатата година со донација на Ротаракт клубот на млади ротаријанци од Кавадарци беше рекоснтруиран покривот како и прозорците.

Со неговата реконструкција општината дополнително ќе ги подобри инфраструктурните услови за спорт и рекреација на граѓаните.

ПРИЈАВА за online работа и достава на продукти од маркет / достава на храна од ресторани и слично / тобака / такси превоз на територијата на Општина Кавадарци

7 Апр 2020 by Општина Кавадарци in Актуелни информации

Почитувани,

Согласно Записникот од Дваесеттиот состанок на Главниот координативен кризен штаб за обезбедување целосна координација во врска со спречување на внесување и ширење на Коронавирус COVID-19 , одржан на 6ти април 2020 година, точка 5, Кризниот штаб на Општина Кавадарци го донесе следниот заклучок:

– Согласно владините мерки за online работа и достава на продукти од маркети, достава на храна од ресторани и слично, тобака , како и такси превоз, се повикуваат сите заинтересирани правни субјекти да се пријават во Општина Кавадарци , за добивање на дозвола за работа за време на полициски час.

Во прилог е Пријавата која е потребно да ја пополнат сите заинтересирани правни субјекти најдоцна до петок 10.04.2020 година до 12 часот.

Пополнетата Пријава да се испрати на opshtina@kavadarci.gov.mк

Пријава за online достава