ОБЕЛЕЖУВАЊЕ НА ХОРИЗОНТАЛНАТА СИГНАЛИЗАЦИЈА НА НОВИОТ МОСТ ВО ВАТАША

6 Дек 2019 by Општина Кавадарци in Улици и тротоари

Општината Кавадцарци преку оперативата на ЈП „Комуналец“ ги обележа сообраќајните површини на новиот мост во Ваташа.
Со бела флуоресцентна боја се обележаа полните и, испрекинатите линии на пристапите и долж коловозната лента на мостот. А како дел од хоризонталната патна сигнализација се обележаа и останатите сообраќајни површини. Паралелно беа поставени и повеќе сообраќајни знаци како дел од вертикалната патна сигнализација.

ДЕЛ ОД УЛИЦАТА „ДОНЕ ПОПОВ“ СЕ ПОДГОТВУВА ЗА АСФАЛТИРАЊЕ

4 Дек 2019 by Општина Кавадарци in Улици и тротоари

Општина Кавадарци преку ангажираната оператива на фирмата „Градба промет“ работи на реализација на проект за асфалтирање на дел од улицата „Доне Попов“.
Деновиве на локацијата се поставуваа рабници во вкупна должина од 240 метри, со што се оформи улица. Следува поста-вување на тампон, а во завршната фаза и асфалтирање на коловозот, на вкупна површина од 660 квадратни метри.
Општината овој проект го реализира на барање на граѓаните а во склоп на реализација на програмата за комунална изградба финансирана од општинскиот буџет.

ЕСЕНСКО КАСТРЕЊЕ НА ДРВОРЕДИТЕ

4 Дек 2019 by Општина Кавадарци in Урбанизам и Комунални дејности

Во тек е редовното кастрење на дрворедите кое Општина Кавадарци го реализира преку Јавното претпријатие „Комуналец“.
Работите ги извршува организационата единица „Паркови и зеленило“, а се работи на интервенција на дрворедите со кастрење на обраснати гранки, како и отстранување на сувите гранки кои се потенцијална опасност за пешаците и возачите.
Во оваа фаза со акцијата на општината се опфатени улиците: „Тиквешко востание“ и „Илинденска“.
Покрај ЈП „Комуналец“ во акцијата како помагател со механизација и работна рака е вклучена и општествено одговорната компаниа: „Матал Апостолов“.

ОПШТИНАТА ГИ ОДБЕЛЕЖА ЛОКАЦИИТЕ ПОД ВИДЕО НАДЗОР

4 Дек 2019 by Општина Кавадарци in Актуелни информации

Општина Кавадарци денеска согласно важечката законска регулатива изврши обележување со известување за вршење на видео надзор на сите локации каде се поставени камерите во рамките на повикувачкиот центар.

Известувањето е јасно, поставено на видливо место и истакнато на начин што им овозможува на сите субјекти да се запознаат со вршење на видео надзорот.

Известувањето ги содржи следниве информации: Дека се врши видео надзор, За името односно називот на контролорот (одговорното лице) кое го врши надзорот, како и За начинот на кој може да се добијат информации за тоа каде се чуваат снимките од системот за видео надзор.

На овој начин исполнувајќи ја законската обврска, општината ги информира граѓаните и учесниците во сообраќајот за постоењето на видео надзорот на градските улици. Видео надзорот го поставува исклучиво во функција на регулирање на сообраќајот, за заштита на зелени површини, за заштита на урбаната опрема, заштита на пешачки патеки, сообраќајни знаци, семафори, заштита од диви депонии и се што е пропишано во законот. Овој систем функционира во согласност со законите.