ЗАВРШНО ПОПЛОЧУВАЊЕ НА УЛИЦАТА „ПЕРО ВИДЕВ“ ВО ВАТАША

2 Дек 2019 by Општина Кавадарци in Улици и тротоари

Оперативата на фирмата „АС-Машини“ ја спроведува завршната фаза на проектот на Општина Кавадарци на дел од улицата „Перо Видев“ во село Ваташа.

На потегот од кејот на реката Луда Мара до старата селска чешма се оформуваат тротоари, по што ќе се поставуваат павер елементи.

Претходно Општината преку ЈП „Комуналец“ долж целата траса на улицата изврши замена на старата со нова водоводна линија, по што следуваше нејзино цело поплочување.

ПРИВРШУВА ИЗГРАДБАТА НА НОВИОТ МОСТ ВО ВАТАША

28 Ное 2019 by Општина Кавадарци in Проекти

Ангажираната оператива на струмичката фирма „Жикол“ деновиве во Ваташа работи на асфалтирањето на новиот мост од регионална улица „Страшо Пинџур“. Во оваа фаза од изградбата се поставува првиот слој асфалт на споредниот пристап од улиците „Ферчо Поп-Ѓорѓиев“ и „Илчо Димов“, како и на делот од улицата „Страшо Пинџур“ од спојот со ул.„Вано Гурев“ во правец на Моклиште.

Денеска се поставуваше првиот слој на асфалт, а за утре е предвидено и поставување на завршниот фин слој, со што ќе завршат градежните работи на овој какпитален објект.

Инвестицијата е во вредност од околу 480 илјади евра, а средствата се обезбедени од буџетот на ЈП за државни патишта.

Мостот е од исклучителна важност, бидејќи се наоѓа на регионалниот пат Кавадарци-Мушов Гроб, по кој се одвива интензивен патнички и товарен сообраќај. Ова е проект со кој ќе се подобри безбедноста во сообраќајот на тој дел од општина Кавадарци. Проект е од огромно значење за жителите на Ваташа и се реализира на нивно барање.

Општината апелира до граѓаните и учесниците во сообраќајот за време на асфалтерските работи да се придржуваат на времениот режим на сообраќај, со што ќе придонесат за непречено и квалитетно одвивање на работите.

ПОПЛОЧУВАЊЕ ВО СЕЛО СОПОТ

27 Ное 2019 by Општина Кавадарци in Урбанизам и Комунални дејности

Оперативата на ангажираната фирма „Патио монт“ започна со реализација на проектот за изградба на тротора во селото Сопот. Проектото предвидува изградба на делница од тротоарот на главната улица на локација наспроти селките гробишта.
Денеска се расчистуваше и порамнуваше теренот, како подготовка за поставување на мали рабници, тампон и во завршната фаза бехатон плочки.
Проектото е во склоп на програмата за комунална изградба, а се реализира на барање на жителите од Сопот.

СО АСФАЛТИРАЊЕ НА БУЛЕВАРОТ „НИКОЛА МИНЧЕВ“ ЗАВРШИ ПРОЕКТОТ МСИП

27 Ное 2019 by Општина Кавадарци in Улици и тротоари

Ангажираната оператив во реализацијата на проектот МСИП за реконструкција на главните улици во Кавадарци продолжи со завршното асфалтирање на булеварот „Никола Минчев“.

Денеска се асфалтираше последната делница од спојот со булеварот „Македонија“ до спојот со булеварот „Моша Пијаде“ кај кружниот тек „автобуска станица“.

На оваа улица се реконструираше вкупна површина од 10.000 квадратни метри на целата должина од Обиколницата до кружниот тек кај автобуската станица.

Со асфалтирањето на булеварот „Никола Минчев“ Општината заврши со реализацијата на капиталниот проект за реконструкција на главните улици во Кавадарци со кој беа опфатени и сообраќајниците: „Северен булевар“, булевар „Моша Пијаде“ и булевар „Цветан Димов“ како и улисите: ул. „7 Септември“, ул. „Мито Хаџи-Василев“, ул. „Пано Мударов“, ул. „Тиквешко востание“, ул. „Цано Поп-Ристов“ и улицата „Страшо Пинџур“.

Финсниските средства за овој капитален проект се обезбедени преку Одлука за долгорочно домашно задолжување на Општина Кавадарци, преку потпишување на Договор за под-заем со Министерството за финансии, во рамки на средствата обезбедени со Проектот за подобрување на општинските услуги, финансиран со заем од Меѓународната банка за обнова и развој – Светска банка, а со цел финансирање на капитални инвестициони проекти, МСИП.

ПОПЛОЧУВАЊЕ НА ПРИСТАП ВО МАРЕНА

25 Ное 2019 by Општина Кавадарци in Урбанизам и Комунални дејности

Општината Кавадарци во рамките на програмата за комунална изградба реализира проект за поплочување на пристап во селото Марена.
Ангажираната оператива на фрмата „Патио Монт“ од Кавадарци деновиве работи на оформување на урбанизиран пристап. Проектот се однесува на урбанизирање на улица-споредна што ќе служи за пристап на лице со пречки во движењето. Во оваа фаза се поставиа мали рабници, по што ќе следи тампонирање, а во завршната фаза и поставување на бехатон плочки на површина од 100 квадратни метри.
Овој хуман социјален проект општината го реализира на барање на жителите од тој дел на Марена.