ЈАНЧЕВ НА СРЕДБА СО ГРАЃАНИТЕ ОД УЗ „БРАЌА ЏУНОВИ“

6 Ное 2019 by Општина Кавадарци in Настани

Градоначалникот на Општина Кавадарци м-р Митко Јанчев заедно со соработниците од општината, ЈП „Комуналец“ и полицијата имаше работна средба и со граѓаните од Урбаната заедница „Браќа Џунови“.

Во воведот, градоначалникот посочи дека овие средби ги реализира со цел директно од граѓаните да ги осознае нивните реални потреби и проблеми од комуналната сфера. Подвлече дека токму на ваквите средби граѓаните ги искажуваат реалните состојби на теренот во средината каде живеат, а врз основа на тие сознанија општината ја планира комуналната изградба за наредната година.

Општа констатација меѓу присутните граѓани беше дека во изминатите две години градоначалникот Јанчев преку општината реализираше низа значајни проекти кои го подигнаа стандардот на живеење во оваа централна Урбана заедница.

Во приоритетите за наредната година беа посочени повеќе комунални потреби пред се во делот на интервенции на повеќе улици кои досега не биле третирани во Програмата за комунална изградба.

Побара преасфалтирање на оштетениот дел од ул. „Браќа Џунови“ од старат градинка до улицата „Слога“, оформување паркинг на просторот помеѓу старите згради под зградата на општината, како и воведување на еднонасочен сообраќај на повеќе улици во оваа урбана средина каде поради централната поставеност најмногу се чуствуваат проблемите со прекумерниот сообраќај, а пред се непрописното паркирање.

Сите предлози на граѓаните ќе бидат вградени во Програмата за комунална изградба за 2020 година.

ЗАВРШЕН ПОТПОРНИОТ ЅИД НА УЛИЦАТА „ЌИРО АРСОВ“ ВО ВАТАША

5 Ное 2019 by Општина Кавадарци in Урбанизам и Комунални дејности

Армирано-бетонскиот ѕид за стабилизација на земјиштето на дел од улицата „Ќиро Арсов“ во Ваташа денеска беше финализиран. Ангажираната оператива на фирмата „Градба промет“ ги спроведе завршните работи на овој проект на Општина Кавадарци
Ѕидот е со должина од 12 метри, а со неговата изградба општината ќе создаде услови за по безбедна комуникација и отстранување на евентуална опасност, на оваа споредна улица околу која гравитираат повеќе индивидуални станбени објекти..
Ѕидот се гради во склоп на програмата за комунална изградба, на барање на жителите од Ваташа.

ПРОДОЛЖУВА ИЗГРАДБАТА НА НОВИОТ МОСТ ВО ВАТАША

5 Ное 2019 by Општина Кавадарци in Улици и тротоари

Продолжува изградбата на новиот мост на реката Луда Мара на излезот од Ваташа. Ангажираната оператива на струмичката фирма „Жикол“ деновиве заврши со оформувањето на споредниот пристап од улиците „Ферчо Поп-Ѓорѓиев“ и „Илчо Димов“, на новиот мост од регионална улица „Страшо Пинџур“, со што се оформи ново сообраќајно решение за присташ на околните куќи.
Во истовреме се одвиваат и градежни работи на поставување на рабници на коловозот на потегот од новиот мост до спојот со ул.„Вано Гурев“ во правец на центарот на Ваташа. На самиот мост денеска се монтираа завршните банкини на десната страна од оградата.
Овој мост е од исклучителна важност, бидејќи се наоѓа на регионалниот пат Кавадарци-Мушов Гроб, по кој се одвива интензивен патнички и товарен сообраќај.

ОБНОВЕН АСФАЛТОТ НА ОБИКОЛНИЦАТА „СЕВЕРЕН БУЛЕВАР“

5 Ное 2019 by Општина Кавадарци in Улици и тротоари

Обновувањето на асфалтот на обикоплницата „Северен булевар“ е во завршна фаза. Градежната механизација на ангажираната оператива ги поставува завршните метри од новиот асфалт на оваа прометна регионална улица.

Овој зафат е на барање на општината, а се однесува на отстранување на пропустите и оштетувањата на сфалтот кои настанаа во текот на употребата.

Новото асфалтирање е на товар на изведувачот

ЧЕШКИОТ АМБАСАДОР ТОМАН ВО КАВАДАРЦИ

4 Ное 2019 by Општина Кавадарци in Настани

Во Општина Кавадарци престојуваше Чешкиот амбасадор во Македонија Мирослав Томан. Тој во кабинетит се сретна со Градоначалникот на Општина Кавадарци М-р Митко Јанчев, при што разговарале за можностите за развивање на соработката со Јужноморавската област во Чешка , каде се одгледува квалитетно грозје и работат неколку Винарии.