Општина Кавадарци – Страница 147

САНИРАЊЕ НА ФАСАДА – ЗГРАДА БРОЈ 1 НА УЛИЦАТА „ФЕРДО РОСОМАНСКИ“

29 Окт 2019 by Општина Кавадарци in Проекти

Општина Кавадарци продолжува со реализација на проектот за санирање на фасадите на колективните станбени згради во централното градско подрачје, кои се утврдени како објекти од значење за пштината.

Изведувачот на работите кавадаречката фирма „Метал Апостолов“ деновиве работи на санирање на фасадата на осмата зграда, лоцирана над подземната гаража на плоштадот на ул.„Фердо Росомански“бр.1.

Акцијата започна пролетва со обнова на фасадата на дел од зградата на Домот на културата „Иван Мазов-Климе”. Продолжи со обнова на фасадите на зградите на ул. „7^-ми Септември“ бр.51 и бр.53 под полицијата, како и на зградата Стопанска банка АД Битола на ул.„7^-ми Септември“ бр.13.

На улицата „Илинденска“ се обновени фасадите на зградите „Стара автобуска“ бр.32 и кај „Тутунска банка“ бр.81. Обновена е и фасадата на зградата на ул.„Тиквешко востание“ бр.2 (казино).

Останува да се завршат фасадите на зградите на: ул. „Браќа Хаџи-Тефови“ бр.2, на ул.„Благој Крстиќ“ бр.1, зградата Водостопанство Тиквеш на ул.„Илинденска“ бр.26, на зграда бр.17 на ул. „Мито Хаџи Василев-Јасмин“,како и Општинска зграда (заден дел).

Во акцијата се опфатени вкупно 13 згради на кои се врши интервенција за санирање на сачокот, замена на олуците, како и крпење и фарбање на фасадите.

За оваа намена општината инвестира 5.361.793 денари, а парите се обезбедени од буџетот.

Одлуки за избор на кандидати по Интерен оглас бр.2/2019 на Општина Кавадарци

29 Окт 2019 by Општина Кавадарци in Огласи и соопштенија

ЗАПОЧНАА СРЕДБИТЕ СО ГРАЃАНИТЕ НА ГРАДОНАЧАЛНИКОТ ЈАНЧЕВ ЗА НОВАТА ПРОГРАМА ЗА КОМУНАЛНА ИЗГРАДБА

29 Окт 2019 by Општина Кавадарци in Настани

Градоначалникот на Општина Кавадарци м-р. Митко Јанчев со соработниците синоќа започна со традициоаналните средби со граѓаните во Урбаните и Месните заедници во рамките на подготовката на Програмата за комунална изградба 2020 година.

И годинава Јанчев првата средба ја имаше со жителите на Ваташа која се одржа во салата на Спомен домот „12 Младинци“. Во обраќањето градоначалникот потсети што се е реализирано од програмата за 2019 година. Во рекапитуларот тој ги потенцираше изградбата на кејот во селото, изградбата на новиот мост, реконструкцијата на Спомен домот како и реконструираните улици.

Во приоритетите за идната година ги посочи, изградбата на спортската сала во училиштето, пешачката патека кон „Моклиште“, спојување на кејот до мостот „Слога“, изградба на колектор од браната „Моклиште“ до Ваташа, како и продолжување со реконструкцијата на улиците.

Присутните граѓани искажаа едногласна благодарност за досега сработеното, а посочија и предлози кои треба да бидат дел од новата програма. Тие укажаа на повеќе локални комунални проблеми, а побараа приватниот партнер од малите хидро централи да ја почитува обврската за биолошки минимум на вода во коритото на Луда Мара, инсистирање за изградба на обиколницата која би ги пренасочила тешките возила од улиците на Ваташа со што ќе се намали бучавата, како и да се отстранат нерегистрираните и стари возила од сообраќајот кои се реална опасност додека сеуште се нема случено некоја трагедија, како и интервенции на јавното улично осветлување.

ПОПЛОЧЕН КРАК ОД УЛИЦАТА „КЛИНСКА“

28 Окт 2019 by Општина Кавадарци in Проекти

Општина Кавадарци во рамките на Програмата за комунална изградба реализираше уште еден проект. Градежната оператива на фирмата „РМК градба“ од Скопје, изврши поплочување на крак од улицата „Клинска“ над „Калнички дол“ со што жителите од овој дел на градот добиа уредена комуникација без прашина и кал.
Општината овде интервенираше со поставување на бехатон коцки, а претходно се изврши нивелирање и тампонирање.
Проектот се реализира на барање на жителите од овој дел на Кавадарци.

ЗАВРШИ ПАРТЕРНОТО УРЕДУВАЊЕ НА „ПАРКОТ НА РЕВОЛУЦИЈАТА“

28 Окт 2019 by Општина Кавадарци in Проекти

Ангажираната оператива на фирмата „Пирамид билдинг“ од Скопје заврши со реализација на проектот за партерно уредување на „Паркот на револуцијата“.

Денеска се поставиа последните плочки на централната патека со што завршиа градежните работи. Општината Кавадарци ја уреди целокупната површина со бехатон коцки. Обновнеа е површина од 300 метри квадратни која опфати патеки во ниското плато на паркот кон улицата „Браќа Џунови“.

Со овој проект општината ги обнови сите пристапи патеки во паркот. За заокружување на проектот ќе се преуредат зелените тревни површини на ниското плато.