КОНЗУЛИ ВО ПОСЕТА НА КАВАДАРЦИ

15 Окт 2019 by Општина Кавадарци in Настани

Денеска попладне градоначалникот на Општина Кавадарци М-р МИТКО ЈАНЧЕВ приреди прием за конзулите на Македонија во повеќе земји во Европа и светот .
Околу 30-сетина конзули кои ја претставуваат државата во странски земји беа запознаени со економските потенцијали и проектите кои и претстојат на Општина Кавадарци. Градоначалникот Јанчев ја искористи приликата да ги покани и со тоа да придинесе за интересот околу финасирање на проектите кои Општината ги има планирано за реализација наредниот период.
-„Целта на посеатата е, да ја преставиме Општината во добро светло а истовремено да привлечеме капитал кој ќе биде вложен за подобар натамошен развој“- изјави претседателот на Регионалната стопанска комора со седиште во Кавадарци Никола Наумов.
Потоа, високите гости , со домаќините од Општина Кавадарци и Министерството за надворешни работи, посетија три стопански објекти од економската сфера на градот: „Кожувчанка“, „Слога Пром“ и ВВ „Тиквеш“, при што беа информирани за нивнито работење.

РЕКОНСТРУКЦИЈА НА УЛИЦАТА „ПОЛОШКА“

10 Окт 2019 by Општина Кавадарци in Улици и тротоари

Општината Кавадарци денеска преку ангажираната фирма „Градба промет“ од Кавадарци започна со реконструкција на дел од улицата „Полошка“.
Според проектот предвидено е во оваа фаза целосно да се реконструраат 600 метри квадратни коловозна површина, како и 320 квадратни метри тротоари. Исто така ќе бидат заменети и рабниците.
Во првата фаза се отстрануваат: стариот асфалт, рабниците и дотраените бетонските тротоари. Потоа ќе следи порамнување поставување нови рабници, тампонирање и асфалтирање на целокупната површина предвидена за ревитализација.
Овој проект е дел од кампањата (мај-октомври) за реконструкција на улици и објекти во урбаните и месните заедници во Општина Кавадарци.
Проектот се реализира во рамките на Програмата за комунална изградба, на барање на граѓаните од овој дел на Кавадарци.

РЕКОНСТРУКЦИЈА НА НОВА ДЕЛНИЦА ОД УЛИЦАТА „СТРАШО ПИНЏУР“

10 Окт 2019 by Општина Кавадарци in Улици и тротоари

Продолжува проектот МСИП, за ревитализација на главните улици во градот. Денеска Општина Кавадарци преку ангажираната оператива започна со гребење на стариот и дотраен асфалт на улицата „Страшо Пинџур“.
Ова е нова фаза од проектот за обновување на коловозот, а ја опофаќа делницата од спојот со улицата „Слога“ до Ваташката пошта. Ќе се ревитализира вкупна површина од 4.350 метри квадратни со поставување на нов завршен слој асфалт, а во реконструкцијата е опфатена и промена на старите рабници.
За време на градежните работите на оваа улица се воведува времен режим на одвивање на сообраќајот.
Општината Кавадарци апелира до возачите и сите учесници во сообраќајот да се придржуваат и да ги почитуваат правилата и новиот времен режим на движење, како би помогнале за ефикасно и квалитетно завршување на работите.

ОБЕЛЕЖАНА ХОРИЗОНТАЛНАТА СИГНАЛИЗАЦИЈА НА УЛИЦАТА „МИТО ХАЏИ-ВАСИЛЕВ“

10 Окт 2019 by Општина Кавадарци in Улици и тротоари

Општина Кавадарци преку специјализираната екипа на ЈП „Комуналец“ изврши обележување на хоризонталната патна сигнализација на улицата „Мито Хаџи-Василев“.

Според проектот со бела боја беа обележани пешачките премини, полните и испрекинати линии, како и почажувачите на правец. Се означиа и местата за паркирање кои ќе бидат дел од јавното зонско паркирање со кое ќе стопанизува неодаман формираното Јавно претпријатит „Паркинг“ Кавадарци.

Со денешното обележување на хоризонталната патна сигнализација општината успешно ревитализира уште една централна улица, како дел од проектот МСИП, за реконструкција на главните улици, во соработка цо ЕУ и Светска банка.

АСФАЛТИРАНА УЛИЦАТА „ГОЦЕ ДЕЛЧЕВ“ – СПОРЕДНА

9 Окт 2019 by Општина Кавадарци in Проекти

Оперативата на ангажираната фирма „Изолација“ од Скопје изврши асфалтирање на крак од улицата „Гоце Делчев“ на потегот до спојот со улицата „Народна младина“. На оваа делница се постави нов завршен слој (фин асфалт) на површина од 350 метри квадратни.

На оваа улица претходно беше отстранет стариот и дотраен асфалт, се поставиа и нови рабници на местото на старите.

Општината и вој проект го реализира на барање на жителите од тој дел на Кавадарци.