ПАРТЕРНО УРЕДУВАЊЕ ВО УЗ „КУЛА“

9 Окт 2019 by Општина Кавадарци in Урбанизам и Комунални дејности

Проектот на општината Кавадарци за партерно уредување во Урбаната заедница „Кула“ продолжува. Сувото и пријатно време овозможува непречена реализација на проекти согласно Програмата за комунална изградба.

Деновиве оперативата на кавадаречката фирма „Градба промет“ работи на подготовка на теренот за партерно уредување на просторот околу комплексот згради што се наоѓаат кај спојот на булеварите „Никола Минчев“ со „Кочо Рацин“.

На оваа локација под хотелот „Уни Палса“ 1, се подготвува изградба на сообраќаен пристап, пешачки патеки и тротоари. Претходно беа паоставени и нови тенки рабници, по што треба да уследи тампонирање и поплочување.

Општината сега заокружува поголема комунална кампање на овој простор, од каде претходно се отстраниа лимени гаражи, се расчисти отпад и шут, се кастреше бујна вегетација, се прошири и преасфалтира паркинг, и се изградинов, се огради спортски терен и се изврши хорти културно уредување.

СЕ АСФАЛТИРА УЛИЦАТА „МИТО ХАЏИ-ВАСИЛЕВ“

8 Окт 2019 by Општина Кавадарци in Проекти

Градежните работи за ревитализација на улицата „Мито Хаџи-Василев“ се во последната фаза. Денеска ангажираната оператива работеше на нанесување на завршен фин слој асфалт, на потегот од раскрсницата со улицата „Илинденска“ до спојот со улица „Пионерска“ над гимназијата. Одвивањето на работите го следеше и градоначалникот м-р Митко Јанчев.

Носител на договорната обврска е градежната фирма „Бетон“ од Скопје.

Градежната оператива претходно работи на отстранување на старите и дотраени рабници и поставување на нови, а беше отстранет стариот и истрошен асфалт на дел од коловозната лента.

Финсниските средства се обезбедени преку Одлука за долгорочно домашно задолжување на Општина Кавадарци, преку потпишување на Договор за под-заем со Министерството за финансии, во рамки на средствата обезбедени со Проектот за подобрување на општинските услуги финансиран со заем од Меѓународната банка за обнова и развој – Светска банка, а со цел финансирање на капитални инвестициони проекти, МСИП.

ЗАПОЧНА РЕАЛИЗАЦИЈАТА НА ПРОЕКТОТ ЗА ПОДИГАЊЕ НОВИ ЗЕЛЕНИ ПООВРШИНИ

8 Окт 2019 by Општина Кавадарци in Урбанизам и Комунални дејности

Денеска Општината Кавадарци преку службата Мој општинар и ЈП „Комуналец“ започна со реализација на проектот за подигање на нови зелени површини на повеќе локации во градот. Планот и динамиката беа одредени на состанок со градоначалникот Јанчев на чија идеја се реализира овој еколошки проект.

Просторот на „Западен Булевар“ кај СЦ „Јасмин“ е првата локација на која се почна со реализацијата. Откако ќе се расчисти теренот, ќе се постави систем за наводнивање, ќе се посее трева и ќе се засади дрворед.

Планот опфаќа повеќе локации на кои што ќе се изврши хортикултурно уредување: ул.„Илинденска“, кејот во Ваташа, Булевар „Цветан Димов“, ул, „Блажо Алексов“, просторот околу градинката кај ООУ „Гоце Делчев“, како и на улиците „Ѓоре Брушански“, ул.„Слога“ и ул.„Калница“ паркче во УЗ „Страшо Пинџур“. Проектот треба да бидат завршен во тековната година.

ВОЗАРЦИ ЌЕ ДОБИЕ ДЕТСКА ГРАДИНКА

8 Окт 2019 by Општина Кавадарци in Проекти

Изградбата на детска градинка во село Возарци влегува во завршна фаза. Деновиве се работи на фасадата, завршните молеро-фарбарски работи, поставување на керамиката и санитаријата, внатрешното осветлување со еколошки штедливи ЛЕД светилки, како и пристапот и влезовите во објектото.

Проектот предвидува изградба на детска градинка со преадаптација на дел од просторт на поранешната амбуланта, кој по реконструкцијата ќе функционира двонаменски.

Градинка ќе има капацитет за прифаќање на 25 до 30 деца. На површина од осумдесеттина квадратни метри ќе располага со: занимална, просторија за персоналот, чајна кујна и санитарен јазол. Преостанатиот простор од објектот ќе ја има функцијата на амбуланта.

Овој проект општината го реализира на барање на жителите од Возарци. Со негова реализација се обезбедуваат подобри услови за граѓаните во делот на згрижување на децата од предшкослата возраст, како и во примарното здравство. Проектот во оваа урбана средина ќе го подигна уште повеќе и онака добриот стандард за живеење.

АСФАЛТИРАНА УЛ.„7-ми СЕПТЕМВРИ“

7 Окт 2019 by Општина Кавадарци in Проекти

Реализиран уште еден дел од Проектот МСИП, за реконструкција на главните улици во Кавадарци.

Општината Кавадарци преку ангажираната оператива во текот на викендот ја асфалтираше улицата „7^-ми Септември“ на потегот од спојот со „Илинденска, до мостот кај „Јаворот“. Нов завршен (фин) слој на асфалт беше поставен и на раскрсницата на улиците „Илинденска“- „Мито Хаџи-Василев“ – „7^-миСептември“.

За целосно заокружување на проектот, веднаш по асфалтирањето специјализираната екипа на ЈП „Комуналец“ изврши обележување на пешачките премини, полните и испрекинати линии, како и означувањето на паркинг местата за хоризонтална патна сигнализација.