РАСЧИСТУВАЊЕ НА ПРОСТОРОТ ЗАД „ОФИЦЕРСКАТА ЗГРАДА“

4 Окт 2019 by Општина Кавадарци in Актуелни информации

Општината Кавадарци продолжува со акцијата за отстранување на диво поставените лимени гаражи од јавно-прометните површини. Деновиве се спроведува расчистувањето на просторот зад „офицерската зграда“ на улицата „7^–^ми Септември“.

Овој јавно-прометен простор се наоѓа на улицата „Крсте Мисирков“, каде предмет на отстранување од узурпираниот простор се 11 лимени гаражи. По спроведувањето на целата акција и расчистувањето тој простор ќе биде уреден и претворен во паркинг за возоилата на станарите од тој дел на Кавадарци.

ПОСТАВЕНИ НОВИ РАБНИЦИ НА УЛИЦАТА „ГОЦЕ ДЕЛЧЕВ“-СПОРЕДНА

4 Окт 2019 by Општина Кавадарци in Проекти

Општина Кавадарци преку оперативата на ангажираната фирма поставува нови рабници на крак од улицата „Гоце Делчев“. Рабниците се поставуваат на местото на старите, оштетени и дотраени.

Во наредната фаза ќе следи асфалтирање на оваа улица на потегот до спојот со улицата „Народна младина“. На оваа делница ќе се посатви нов завршен слој со фин асфалт на површина од 350 метри квадратни.

И овој проект општината го реализира на барање на жителите од овој дел на Кавадарци. Изведувач на работите е фирмата „Изолација“ од Скопје.

НОВИ РАБНИЦИ НА УЛИЦАТА „МИТО ХАЏИ-ВАСИЛЕВ“

4 Окт 2019 by Општина Кавадарци in Проекти

Продолжуваат градежните работи за ревитализација на улицата „Мито Хаџи-Василев“. Градежната оператива деновиве работи на отстранување на старите и дотраени рабници и поставување на нови. Претходно беше отстранет стариот и истрожен асфалт на дел од коловозната лента.

По поставувањето на нвоите рабници ќе уследи завршната фаза со поставување на завршен фин слој асфалт.

Носител на договорната обврска е градежната фирма „Бетон“ од Скопје.

Финсниските средства се обезбедени преку Одлука за долгорочно домашно задолжување на Општина Кавадарци, преку потпишување на Договор за под-заем со Министерството за финансии, во рамки на средствата обезбедени со Проектот за подобрување на општинските услуги финансиран со заем од Меѓународната банка за обнова и развој – Светска банка, а со цел финансирање на капитални инвестициони проекти, МСИП.

ЕСЕНСКИ ПАНАЃУР 2019

3 Окт 2019 by Општина Кавадарци in Актуелни информации

Општина Кавадрци ги информира граѓаните на Кавадарци и регионот дека, традиционалниот „Есенски панѓур 2019“ ќе се одржи во деновите 11, 12 и 13 Октомври (петок, сабота и недела).

Штандовите на излагачите на панаѓурот ќе бидат поставени на булеварот „Никола Минчев“ на потегот од спојот со булеварот „Македонија“ кај семафорире, до спојот со „Северен Булевар“-обиколница, како и на платото од новиот „Зелен пазар“ кај „судска палата“.

Се известуваат граѓаните, како и жителите на булеварот „Никола Минчев“ на ден 10.10.2015год. (четврток) најдоцна до 14:00 часот да ги отстранат своите автомобили од улицата како би го ослободиле просторот за поставување на тезгите на излагачите на есенскиот Панаѓур 2019 година.

Воедно се известуваат сите граѓани дека наведенат делница од булеварот „Никола Минчев“ ќе бидат целосно затворена за сообраќај, во деновите на одржувањето на есенскиот панаѓур.

ПРОДОЛЖУВА ПРОЕКТОТ ЗА РЕКОНСТРУКЦИЈА НА ГЛАВНИТЕ УЛИЦИ ВО КАВАДАРЦИ

2 Окт 2019 by Општина Кавадарци in Проекти

Општината Кавадарци во рамките на проектот МСИП, за ревитализација на главниоте улици, денеска преку ангажираната оператива започна со гребење на стариот и дотраен асфалт на улицата „7^-ми Септември“.

Ова е втора фаза од проектот заз обновување на коловозната површина на улицата, а се однесува за асфалтирање на потегот од Домот на културата до раскрсницата со улиците „Цано Поп-Ристов“, „Браќа Џунови“ и ул.„Блажо Алексов“ кај мостот.

За време на изведувањето на рзботите на оваа улица се воведува времен режим на регулација на сообраќајот.

За таа цел се апелира до возачите и сите учесници во сообраќајот да се придржуваат и да ги почитуваат правилата и новиот времен режим на движење, како би помогнале за поефикаснио поквалитетно завршување на работите.