Phone: Address:

Автор: Општина Кавадарци

    ИЗГРАДЕНИ СКАЛИ НА КРАК ОД УЛИЦАТА „25-ТИ МАЈ“

    ИЗГРАДЕНИ СКАЛИ НА КРАК ОД УЛИЦАТА „25-ТИ МАЈ“

    20 Сеп 2019 by Општина Кавадарци in

     

    Успешно е завршен проектот од комуналната изградба на улицата „25-ТИ Мај“. Оперативата на фирмата „Градба промет“ ги изгради пристапните скали кои поврзуваат две нивоа на оваа улица веднаш до потпорниот ѕид.

    Со ова се комплетираа градежните активности. Претходно општината избрши пробивање на улицата со асфалтирање. По што уследи изградба на крак над потпорниот ѕид, со рабници и бетонска подлога на коловозот, а завршната фаза беше изградбата на пристапните скали.

    Општината и овој проект го реализираше на барање на граѓаните од овој дел на Кавадарци. Сега повеќето индивидуални станбени објекти имаат урбанизиран и безбеден пристап за возила и пешаци.

    DSC_0002
    DSC_0003
    DSC_0005
    DSC_0006
    DSC_0009
    DSC_0012

    Во функција нова „метларка“ и бунари за технолошка вода

    Во функција нова „метларка“ и бунари за технолошка вода

    20 Сеп 2019 by Општина Кавадарци in

    Ново возило, „метларка“ со голем капацитет набави ЈП „Комуналец“. Со ова возило ќе се чистат булеварите и поголемите улици. Во функција се и бунарите за технолошка вода кои ќе се користат за потребите на Комуналец, но и за потребите на земјоделците од Кавадарци.

    Овие новини денеска пред јавноста ги презентираа градоначалникот Митко Јанчев и директорот на Комуналец, Ѓоко Попицов.

     

     

    ПОСТАВЕНА УРБАНА ОПРЕМА НА ОДМОРАЛИШТЕТО КАЈ ТУРИСТИЧКОТО БИРО

    ПОСТАВЕНА УРБАНА ОПРЕМА НА ОДМОРАЛИШТЕТО КАЈ ТУРИСТИЧКОТО БИРО

    19 Сеп 2019 by Општина Кавадарци in

    Проектот за урбано уредување на запуштениот простор кај Туристичко информативното биро на улицата „7-ми Септември“ полека се заокружува.

    Општината деновиве поставува урбана опрема, клупи и канти за отпадоци.

    Комуналниот проект се реализираше на иницијатива на градоначалникот м-р. Митко Јанчев. Станува збор за површина од 250 метри квадратни која беше запуштена и несредена.

    По извршената ревитализација, овој дел од градскиот плоштад има плато во три нивоа, опремено со урбана опрема, а истиот се наменува за одмор на граѓаните.

    ПОПЛОЧУВАЊЕ НА ПАРКИНГ ЗАД ЗГРАДАТА ВО ВАТАША

    ПОПЛОЧУВАЊЕ НА ПАРКИНГ ЗАД ЗГРАДАТА ВО ВАТАША

    19 Сеп 2019 by Општина Кавадарци in

    Ангажираната градежна оператива на фирмата „Градба промет“ од Кавадарци, денеска започна со реализација на уште еден комунален проект на општината, во Ваташа.

    Се поплочува паркингот позади зградата во центарот на селото. Според проектот на површина од 400 метри квадратни ќе се постават бехатон коцки.

    Со урбанизацијата на тој простор, жителите од овој дел на Ваташа ќе добиат уредено место за паркирање без кал и прашина.

    ПОПЛОЧУВАЊЕ НА УЛИЦАТА „ПЕРО ВИДЕВ“ ВТОРА ФАЗА

    ПОПЛОЧУВАЊЕ НА УЛИЦАТА „ПЕРО ВИДЕВ“ ВТОРА ФАЗА

    18 Сеп 2019 by Општина Кавадарци in

    Оперативата на фирмата „АС-Машини“ од Кавадарци започна со реализација на комунален проект за поплочување на улицата „Перо Видев“ во Ваташа.

    Ова е втора фаза од реконструкцијата на оваа улица, на потегот од „Грковата чешма“ до спојот со улицата „Данко Дафков“.

    Денеска на таа делница се поставуваше тампон, по што ќе уследи поплочување со бехатон коцки на вкупна површина од 1.000 метри квадратни.

    Со овој проект, кој општината го реализира на барање на граѓаните, ќе се обезбеди подобар пристап и комуникација на жителите од тој дел на Ваташа.