Автор: Општина Кавадарци

Општината Кавадарци ја продолжува радицијата за време на „Тиквешки гроздобер“ да се игра женска кожарка во чест на трагично загинатите кошаркарки на ЖКК „Тиквеш“ сестрите Елизабета и Антоанета Китеви.

Годинава на турнирот учествуват екипите на ЖКК „Пелистер“ од Битола, ЖКК „Крива Паланка“ и домаќинот екипата на ЖКК „Трокал“.

Турнирот во име на Општината за отворен го прогласи претседателот на Советото г. Ристо Сакалиев кој во обраќањето уште еднаш ја потврди определбата на општината овој турнир да продолжи да опстојува, а потенцираше дека ова е само дел од сеопштата заложба на Советот градоначалникот за поддршката на локалниот спорт.

Улицата „Илинденска“ повторно беше „пистата“ за трката на келнери. На нејзиното второ издание во рамките на „Тиквешкиот гроздобер“ учествуваа четворица натпреварувачи, по двајца од Кавадарци и Гевгелија.

Првото место го освои Иван Стевановиќ од кафетеријата „Де факто“ од Гевгелија, втор беше неговиот колега Илија Петров од кавадаречката кафетерија „Рома“, а третото место го освои вториот келнер ог гевгелискиот „Де факто“ Марјан Стефанов.

Скромен број учесници, но трката беше возбудлива и интересна.  Натпреварувачите испишаа дел од гроздоберскат историја , додека оние од публиката што ја гледаа уживаа.

Штандот на Средното општинско земјоделско шумарско училиште „Ѓорче Петров“ од Кавадарци е местото каде официјално започна годинашниот „Тиквешки гроздобер“ 2019 година.

Преку презентација на производи од грозје произведено на лозовите насади на училиштето, идниоте млади земјоделци, лозари, винари, агрономи се претставуваат перд посетителите на годинашниот гроздобер.

Во деновите на гроздоберските свечености посетителите на овој штанд ќе имаат можност да дегустираат вино, ракија и производи од грозје произведени од самите ученици.

Иднината на кавадаречкото лозарство се претставува пред јавноста како вовед во деновите на гроздоберот.