ТАМПОНИРАНА ПОВРШИНАТА ЗА АСФАЛТИРАЊЕ НА ПАРКИНГОТ ПОД ХОТЕЛ „БАЛКАН“

22 Авг 2019 by Општина Кавадарци in Улици и тротоари

Реконструкцијата и проширување на паркингот на улицата „Благој Крстиќ“ под хотел Балкан продолжува.

Градежната механизација денеска поставуваше тампон и го нивелираше теренот на улицата „Тошо Велков-Пепето“ на вкупна површина од 1850 м². Општината овде гради нов асфалтиран паркинг, а ќе асфалтира и два крака од улицата „Тошо Велков-Пепето“, ќе ги обнови и пристапните скали помеѓу хотелот и дуќаните кои водат од плоштадот до паркингот.

Општината Кавадарци со ова ќе го подобри и зголеми капацитетот на јавниот паркинг простот, и ќе урбанизира запуштен простор во најстрогиот центар на градот.

ИНФОРМАТИВНИ ТАБЛИ НА НОВИТЕ СЕМАФОРСКИ КОНСТРУКЦИИ

22 Авг 2019 by Општина Кавадарци in Сообраќај

Општина Кавадарци преку ангажираната оператива на фирмата „Метал Апостолов“ работеше на зацврстување на конструкцијата на новите лантерни на семафорите каде треба да се постават соодветни сообраќајни знаци.

Службите на општината задолежни за сообраќајот изготвиа информативни табли со кои ќе ги известуваат возачите за приортитетните правци, како и за поважните објекти, институции и локации во градот.

Со ова целосно ќе се заокружи проектот за реконструкција на седмафорите на раскрсниците кај, Домот на културата, старат автобуска и пред училиштето „Гоце Делчев“.

ПАРТЕРНО УРЕДУВАЊЕ НА „ПАРКОТ НА РЕВОЛУЦИЈАТА“

22 Авг 2019 by Општина Кавадарци in Проекти

Ангажираната оператива на фирмата „Пирамид билдинг“ од Скопје започна со реализација на проектот за партерно уредување на дел од „Паркот на револуцијата“.

Проектот во оваа фаза опфаќа санирање на пристапните скали од улицата „7 Септември“, како и поплочување на патеката од скалите до спојот со улицата „Борис Кидрич“.

Целокупната површина се уредува со бехатон коцки, за кои најпрвин се поставија рабници како и тампон.

Со овој проект општината ќе санира значен дел од пристапот и патеките до најниското плато на паркот, каде значаен број граќани минуваат дел од веремто во одмор и рекреација.

ОД УТРЕ НОВ ПРИВРЕМЕН РЕЖИМ НА СООБРА НА КРУЖНИОТ ТЕК КАЈ ВВ „ТИКВЕШ“

21 Авг 2019 by Општина Кавадарци in Актуелни информации

Ангажираната фирма „Градба промет“ денеска продолжи со асфалтирањето на сообраќајно-комуналниот проект-Кружен тек кај ВВ „Тиквеш“. Се работеше на поставувањето на финиот (втор слој) асфалт на „Западен булевар“ на делот од коловозната лента од страната на Винарската визба „Тиквеш“.

Општината информира дека утре 22 август 2019 година, оваа страна од улицата „Западен булевар“ ќе биде ставена во сообраќај. Оперативата се префрла на коловозната лента од страната на старата бензинска на „Мак петрол“.

Се известуваат возачите дека од утре во наредните денови коловозната лента од страната на старата бензинска на „Мак петрол“ нема да биде во функција до завршување на асфалтирањето на кружниот тек.

Општината апелира до сите учесници во сообраќајот за време на асфалтирањето на кружниот тек да се придржуваат кон времениот режим на сообраќај.