ЗАПОЧНА АСФАЛТИРАЊЕТО НА КРУЖНИОТ ТЕК КАЈ ВВ „ТИКВЕШ“

19 Авг 2019 by Општина Кавадарци in Улици и тротоари

Ангажираната фирма „Градба промет“ денеска започна со асфалтирањето на сообраќајно-комуналниот проект-Кружен тек кај ВВ „Тиквеш“. Општината овде гради современо сообраќајно решение за експресно одвивање на сообраќајот по регионалната улица „Западен Булевар“.

Оперативата работи на поставувањето на порамнителниот (прв слој) асфалта, а според динамиката на работите асфалтирањето ќе се одвива во наредните пет денови.

Овој „турбо“ кружен тек се наоѓа на раскрсницата на улиците „Западен булевар“ со ул. 8 „Септември“, зафаќа површина од 3000м², а согласно стандардите е со комплетна сообраќајна и комунална инфраструктура на целосно ново јавно улично осветлување и хорти културно уредување.

Општината Кавадарци инвестира 17,5 милиони денари, пари од буџетот за комунална изградба.

Општината апелира до сите учесници во сообраќајот за време на асфалтирањето на кружниот тек да се придржуваат кон времениот режим на сообраќај, и во целост да ги почитуваат сообраќајните правила и прописи.

ПРОШИРУВАЊЕ НА КОЛОВОЗОТ КАЈ КРУЖНИОТ ТЕК КАЈ МОСТИ НА „7 СЕПТЕМВРИ“

19 Авг 2019 by Општина Кавадарци in Улици и тротоари

Активностите за реконструкција на улицата „7 септември“ се одвиваат непречено. Денеска ангажираната оператива работеше на проширувањето на дел од коловозната лента на кружниот тек на мостот кај Јаворот. Се прошируваше спојот меѓу улиците „7 Септември“ и „Цано Поп-Ристов“, односно локацијата каде неодамна општината во еколошка акција пренесе две зимзелени дрва и ги засади во тревникот над кејот.

Со ова проширување ќе се обезбеди подобра прегледност, поголем проток и зголемена безбедност на сите учесници во сообраќајот.

ПОПЛОЧУВАЊЕ НА УЛИЦА ВО СЕЛО БРУШАНИ

19 Авг 2019 by Општина Кавадарци in Проекти

Општина Кавадарци преку ангажираната фирма „Патио монт“ од Кавадарци реализира проект од комуналната инфраструктура во селото Брушани.

Се работи на улица во должина од 160 метри веднаш до новата селска црква. Проектот опфаќа: трасирање и порамнување на улицата, тампонирање, поставување на рабници и поплочување со павер елементи. Бехатон плочките ќе се редат на површина од 400 метри квадратни.

Со овој проект општината го подобрува стандардот на живеење во ова село кое прераснува во туристичка населба на брегот на езерото „Тиквеш“.

Царовска: Продолжуваме да инвестираме во градинки, Кочани, Неготино, Кисела Вода и Кавадарци добија грант од Светска банка за нови објекти

16 Авг 2019 by Општина Кавадарци in Актуелни информации

Кочани, Неготино, Кисела Вода и Кавадарци се првите четири општини од вкупно 17 коишто ќе градат нови градинки со грант од Проект финансиран од Светска Банка, со кој се подобрува пристапот до услугите за згрижување и воспитание на деца. Министерката за труд и социјална политика Мила Царовска и градоначалниците Николчо Илијев, Тони Делков, Филип Темелковски и Тодор Ефремов, овластен преставник на градоначалникот Митко Јанчев, денеска ги потпишаа договори за грантот чија вкупна вредност само за градежните работи на четирите објети изнесува 220.700.000,00 денари. Вкупниот капацитет на градинките е 552 деца, и се очекува да бидат изградени и опремени до средината на 2021 година.

„Продолжуваме да создаваме повеќе простор во градинките којшто е неопходен за раниот развој на децата кои се иднината на нашата држава. Нашата цел е само со поддршката од Светска банка до јуни 2024 година да обезбедиме 7.500 нови места во градинките. Истовремено работиме на подготовка на проекти за останатите 13 апликации кои се избрани на првиот јавен повик, и во следните неколку месеци очекуваме и со овие општини да потпишеме договори за грант“, рече министерката Царовска на потпишувањето на договорите за грантовите.
Царовска ги повика општините да изготват квалитетни проекти и да аплицираат за изградба на нови градинки бидејќи инвестирањето во раниот детски развој треба да биде приоритет на државата и на локланите самоуправи. Следниот јавен повик за доделување на грантови за градинки се очекува да се распише во средината на идната година.

Oд мај 2017 до мај годинава МТСП инвестираше во изградба, реконструкција и опремување на вкупно 31 објект за детска заштита. Во тек е изградба и опремување на уште 12 објекти. Министерството за труд и социјална политика продолжува да ги подобрува условите и квалитетот во детската заштитa. Истоврмено ги јакнеме професионалните компетенции на кадарот и го враќаме достоинството на професијата воспитувач со зголемувањето на платите во просек за 16%.

Линк mtsp.gov.mk

ОБНОВЕНИ КОШ КОНСТРУКЦИИТЕ НА САЛАТА „ЈАСМИН’

16 Авг 2019 by Општина Кавадарци in Актуелни информации

На иницијатива на тимот „Мој општинар“ и градоначалникот, општината Кавадарци реализираше проект за подобрување на условите за рекреација на теренит на ЈП „Јасмин“.
Преку донација беа префарбани трите кош конструкции каде се поставиа 4 нови табли и шест обрачи со мрежичи.
Донатор е општествено одговорната фирма „Метал Апостолов“ од Кавадарци, која донираше и една кош конструкција за Територијалната против пожарна единица од Кавадарци, бидејќи пожарникарите имаат задолжителна физичка подготовка.