Помошникот државен секретар Филип Рикер и амбасадорката Кејт Мари Брнз во посета на Општина Кавадарци

25 Јул 2019 by Општина Кавадарци in Настани

Денес во посета на Општина Кавадарци беа Филип Рикер, вршител на должност помошник државен секретар на САД за Европа и Евроазија и амбасадорката Кејт Мари Брнз.

Причина за посетата на Општина Кавадарци беше средбата со градоначалникот м-р Митко Јанчев. Работната средба се случи во кабинетот на градоначалникот а изјави за медиумите не беа предвидени.

Честа да се биде домаќин на високи политички претставници како што е г-дин Рикер е огромна и од големо значење за Општина Кавадарци.

Ова е и прва средба на градоначалникот со новата амбасадорка Кејт Мари Брнз.

НОВ АСФАЛТ НА ПАРИНКГОТ НА УЛИЦАТА „ТИКВЕШКО ВОСТАНИЕ“

25 Јул 2019 by Општина Кавадарци in Проекти

Кавадарци доби уште еден ревитализиран простор за паркирање. Денеска оперативата на фирмата „Коле Транс“ од Штип изврши асфалтирање со нов асфалт на паркингот на улицата „Тиквешко востание“ кај поранешната стоковна куќа.

На површина од 800 квадратни метри се постави нов асфалт на платото над подземната гаража. Реализацијата на овој проект е донација фирмата „Коле транс“.

Со овој зафат Општина Кавадарци обезбедува подобри услови за паркирање во строгиот центар, веднаш до зградата на општината.

ОПШТИНАТА И ВАРДАРСКИОТ ПЛАНСКИ РЕГИОН ЌЕ ЈА РЕНОВИРААТ „ВИНСКАТА КУЌА“

25 Јул 2019 by Општина Кавадарци in Актуелни информации

Во Кабинетот на градоначалникот на Кавадарци м-р Митко Јанчев, денеска беше потпишан договорот со изведувачот за реконструкција на објектот „Винска куќа“ во градскиот парк.

Проектот опфаќа: замена на кров, поставување на нова плоча, нова челична конструкција, изолација на ѕидови, како и зајакнување на надворешните ѕидови, поставување на нова електрична инсталација и партнерно уредување. Изведувач е фирмата „Баџак инженеринг“ од Скопје.

Градоначалникот Јанчев истакна дека со овој проект Кавадарци ќе се промовира во Регионален центар за развој на винскиот туризам во Вардарскиот плански регион (ВПР).

„Ова е исклучително значаен, логичен и природен момент за градот и општината кои се центар на лозарството. Проектот го реализираме во соработка со Центарот за развој на ВПР, кој аплицираше до Министерството за локална самоуправа – Бирото за регионален развој. Вкупната сума на проектот изнесува 7 549 639 денари од кои нашето учество е 3 096 460 денари со одлука на совет, а преостанатите 4 453 179 денари се од Бирото. Овој зафат на општината е врз основа на проектот ,,Унапредување и промоција на вински туризам во Вардарски плански регион преку инфраструктурно уредување на регионале вински центар-Винска куќа Кавадарци“, истакна Јанчев.

АСФАЛТИРАН ДЕЛ ОД УЛИЦАТА „БЕЛ КАМЕН“

24 Јул 2019 by Општина Кавадарци in Улици и тротоари

Оперативата на фирмата „Коле транс“ од Штип го реализира проектот за асфалтирање на дел од улицата „Бел Камен“.

Според проекто од програмата за комунална изградба на општина Кавадарци, во оваа фаза се проби и оформи нова делница од улицата во должина од 110 метри.

Претходно ЈП „Комуналец“ изврши интервенција на подземната мрежа и инфраструктура. Пота следеше тампонирање, поставување на рабници и денешното асфалтирање.

Општината преку проектот ќе им овозможи на жителите од овој дел на Кавадарци побезбеден и урбанизиран пристап до нивните домов, а воедно и ќе ја подобри уличната мрежа во градот.

НОВИ ПОТПОРНИ ЅИДОВИ ЗА СТАБИЛИЗАЦИЈА НА ЗЕМЈИШТЕТО НА НЕКОЛКУ УЛИЦИ

24 Јул 2019 by Општина Кавадарци in Проекти

Оперативата на ангажиртаната фирма „Стоун форм“ од Гевгелија ги изведува градежните работи за изградба на нови потпорни ѕидови на неколку улици во Кавадарци.

На барање на жителите од улиците „Његош“, „Коле неделковски“ и ул. „Смаилица“, Општината во рамките на програмата за комунална изградба релизира три потпорни ѕидови.

Со реализацијата на овој проект на наведените улици се изврши: оформување и пробивање на улиците.

Овој проект има за цел статичка стабилизација на земјиштето, како и подобрена безбедност на домовите на околните индивидуални станбени објекти.