САНАЦИЈА НА ПОКРИВОТ НА УЧИЛИШТЕТО „ДИМКАТА АНГЕЛОВ-ГАБЕРОТ“ КАВАДАРЦИ

18 Јун 2019 by Општина Кавадарци in Проекти

Општина Кавадарци во склоп на програмата за комунална изградба реализира и проекти за подобрување на условите во образованието.

Веднаш по завршувањето на учебната година општината преку ангажираната фирма започна со реализација на проектот за санација на покривот на зградата на Основното општинско училиште „Димката Ангелов-Габерот“ од Кавадарци. Предвидено е да се изврши замена на старат ќерамида, како и да се санираат оштетувањата на дрвената граѓа на целата површина на покривот.

Со вој проект општината ќе изврши значајна интервенција за подобрување на условите во образовните институции.

Зградата на училиштето е најстариот образовен објект во Кавадарци изграден на почетокот од триесеттите години на минатиот век во која без прекин цели 87 години се образуваат генерации кавадаречки деца.

САНИРАЊЕ НА ДЕЛ ОД ТРОТОАРОТ НА УЛИЦАТА „7 СЕПТЕМВРИ“

17 Јун 2019 by Општина Кавадарци in Улици и тротоари

Комуналната изградба се одвива со несмален интензитет. Општината работи на реализација на проектот на тротоарот на улицата „7 Септември“. Се реконструира потегот од „Музеј-Галерија Кавадарци“ до салата „Партизан“.

Според проектот, на овој дел се врши поплочување на тротоар од павер елементи на површина од 900м², а на делот до коловозот постојниот тротоар се пренамени во паркинг со корисна површина од 1.000 квадратни метри, каде ќе се изведе асфалтиран паркинг со нивото на улицата.

Претходно се отстраниа дотраените и оштетени плочи од тротоарот и се подготви подлогата, се ископа ров за нова подземна инсталација за јавното улично осветлување и за операторот „Телеком“, а се санираа и испакнатите корени на дрворедот.

Со овој зафат општината ќе санира еден од најкористените тротоари во градот кој води од центарот кон градскиот парк „Љупчо Шкартов“.

Целта е да се уреди овој простор и да биде многу побезбеден како за пешаците, така и за одвивање на сообраќајот.

ОБЈАВА број 04/2019 за давање во закуп на недвижни ствари по пат на ЕЛЕКТРОНСКО ЈАВНО НАДДАВАЊЕ

12 Јун 2019 by Општина Кавадарци in Актуелни информации / Огласи и соопштенија

Врз основа на член 24, 25, 26, 27, 28, 29, 36, 37, 38, 39 и 67 од Законот за користење и располагање со стварите во државна сопственост и со стварите во општинска сопственост („Службен весник на РМ“ број 78/15, 106/15, 153/15, 190/16, 21/18, 101/19), Одлука за давање во закуп на недвижни ствари на кп.бр.2700 КО Марена во сопственост на Општина Кавадарци по пат на електронско јавно наддавање бр.08-2790/19 од 30.05.2019 година донесена од страна на Совет на Општина Кавадарци („Сл.гласник на Општина Кавадарци“бр.37/19), Извештај за процена на недвижен имот бр.01-40 од 17.05.2019 година изработен од Трговец поединец за вештачење и процена Д-р Анастас Ѓорги Џуровски ТП Ресен и наш деловоден број 13-504/36 од 27.05.2019 година, Комисијата за недвижни и движни ствари сопственост на Општина Кавадарци, објавува:

ОБЈАВА број 04/2019

за давање во закуп на недвижни ствари по пат на

ЕЛЕКТРОНСКО ЈАВНО НАДДАВАЊЕ

1.ПРЕДМЕТ НА ЕЛЕКТРОНСКО ЈАВНО НАДДАВАЊЕ

Предмет на електронското јавно наддавање е давање во закуп на недвижни ствари – објекти сопственост на Општина Кавадарци, кои се даваат во закуп согласно Одлука за давање во закуп на недвижни ствари на кп.бр.2700 КО Марена во сопственост на Општина Кавадарци по пат на електронско јавно наддавање бр.08-2790/19 од 30.05.2019 година донесена од страна на Совет на Општина Кавадарци („Сл.гласник на Општина Кавадарци“бр.37/19).

Градоначалникот Митко Јанчев потпиша договори во вредност од 60 000 000 денари

10 Јун 2019 by Општина Кавадарци in Актуелни информации

Градоначалникот на Општина Кавадарци Митко Јанчев потпиша договори за неколку важни проекти кои ќе бидат помогнати од Влада на Република Северна Македонија. Првиот проект е изградба на атмосферска канализација и водовод во с.Сопот, вториот проект е велосипедско -пешачка патека од с.Ваташа до Моклиште и тампонирање на полски патишта кои водат кон обработливи земјоделски површини. За сите проекти Владата ќе учествува со околу 60 000 000 денари.

ЈАВНОТО ИЗВЛЕКУВАЊЕ ЗА СУБВЕНЦИОНИРАЊЕ НА ВЕЛОСИПЕДИ ЗА 2019 ГОДИНА

10 Јун 2019 by Општина Кавадарци in Актуелни информации

На ден 10.06.2019 година со почеток во 12:00 часот во просториите на Општинската Сала во зградата на Општина Кавадарци, ќе се одржи ЈАВНО ИЗВЛЕКУВАЊЕ за субвенционирање на граѓаните на подрачјето на Општина Кавадарци за купување на Велосипед за 2019 година.

Се повикуваат граѓаните кои што имаат поднесено барање за субвенционирање на велосипеди за 2019 година да присуствуваат на ЈАВНОТО ИЗВЛЕКУВАЊЕ.