ЗАПОЧНА СО РАБОТА СЕМАФОРОТ ВО ЦЕНТАРОТ НА ГРАДОТ

28 Мај 2019 by Општина Кавадарци in Сообраќај

Сообраќајниот проект за подобрување на светлечката патна сигнализација влегува во завршна фаза.

Од вчера попладне во функција е семафорското решенеи на раскрсницата на „Илинденска“ со улиците „Мито Хаџи Василев-Јасмин“ и „7 Септември“.

Со работата на целосно обновените семафори на една од најпрометните раскрсници се воведе ред во норемалното одвивање на сообраќајот.

Во наредните денови се очекува во функција да се предаде и обновениот семафор кај основното училиште „Гоце Делчев“, каде се работи на поставувањето на подземната електрична инсталација.

Првата сеопфатна реконструкција на семафорите ќе финишира многу бргу откако целосно ќе се реконструира и семафоркото решение на крстосницата на улицата „Илинденска“ со улиците „Цано Поп-Ристов“ и „Пано Мударов“ кај старат автобуска..

Изведувач на работите е фирмата „Конструктор“ од Кочани.

АСВАЛТИРАНА УЛИЦАТА „НИКОЛА КАРЕВ“

28 Мај 2019 by Општина Кавадарци in Проекти

Оперативата на фирмата „Коле транс“ од Штип асвалтираше дел од улицата „Никола Карев“ на потегот од сапојот со улицата „Ресавска“ до влезот во Основното училиште „Тоде Хаџи-Тефов“.

Според проектот се реконструира должина од 130 метри. Претходно беше отсранет стариот и дотраен асвалт, по што се изврши порамнување со тампон.

Оваа улица се реконструира на барање на жителите, а во рамките на пролетната кампања за комунална изградба.

Улицата е особено користена од учениците во училиштетео „Тоде Хаџи-Тефов“, а со нејзината реконструкција општината обезбедува поголема безбедност како за пешаците, така и за останатите учесници во сообраќајот

СЕ РЕКОНСТРУИРА КРАК ОД УЛИЦАТА „ИВО ЛОЛА-РИБАР“

28 Мај 2019 by Општина Кавадарци in Улици и тротоари

Пролетната кампања за комунална изградба во Кавадарци опфаќа интервенции и на мали и споредни улици, кои се мошне значајни за граѓаните.

Оперативата на фирмата „Павер трејд“ денекс започна со реализација на таков проект на Општина Кавадараци во строгиот центар на градот.

Се работи за реконструкција на крак од улицата „Иво Лола -Рибар“ во должина од 30 метри, непосредно до Малиот групен дом.

Најпрвин се отстрани дотраениот и оштетен асвалт, а на негово место се поставува тампон за нивелација, по што ќе уследи поплочување со павер елементи.

Општината и оваа улица ја реконструира на барање на граѓаните.

ПОДОБРУВАЊЕ НА УЛИЧНОТ ОСВЕТЛУВАЊЕ НА УЛИЦАТА „НАЌО ЛАЗОВСКИ“

27 Мај 2019 by Општина Кавадарци in Урбанизам и Комунални дејности

Паралено со реконструкцијата на тротоарите на улицата „Наќо Лазовски“ општина Кавадарци реализира и проект за подобрување на јавното улично осветлување.

Ангажираната фирма согласно проектот врѓи целосна замена на подземната електрочна инсталација, и поставува нова за дополнително осветлување.

на оваа улица се обновуваат постојните 6 ниски канделабри, а се поставуваат и анкери за дополнителни 5 нови столбови. На сите ниски столбови ќе се постават нови ЛЕД светилки.

Со овој зафат општината во многу ќе го подобри јавното уилично осветлување кое се наоѓа на улица преку која се одвива комуникацијата на учениците од ООО „Тошо Белков-Пепето“, како и градинката „Детелинка“.

ОБНОВУВАЊЕ НА ТРОТОАРИТЕ НА УЛИЦАТА „НАЌО ЛАЗОВСКИ“

27 Мај 2019 by Општина Кавадарци in Улици и тротоари

Општина Кавадарци продолжува со реализација на комуналниот проект за реконструкција на тротоарите на улицата „Наќо Лазовски“.

Денеска оперативата на фирмата „РМК-градба“ привршува со поставувањето на бехатон плочки на тротоарот од страна на градинката. Паралелно на спротивниот тротоар се подготвува подлогата за негова реконструкција. Претходно таа ги замени старите и дотраени рабници со нови.

Општината ќе ги реконструра двата тротоари со вкупна должина од 400 метри.

Со овој зафат ќе се овозможи подобрена безбедност на пешаците, пред се учениците од ООУ „Тошо Велков-Пепето“, како и зголемување на пропустна моќ на улицата особено во термините кога родителите со автомобили ги носат и ги превземаат децата од градинката.