Phone: Address:

Автор: Општина Кавадарци

    НОВИ КЛУПИ НА „ИЛИНДЕНСКА“

    НОВИ КЛУПИ НА „ИЛИНДЕНСКА“

    27 Мар 2019 by Општина Кавадарци in

    Општината Кавадарци постави нови клупи на улицата „Илинденска“.  Ангажираната фирма „Метал Апостолов“ според проектот изработи 40 типизирани клупи кои треба да се постават на тротоарите од двете страни на улицата.

    Деновиве 25 нови клупи се поставени во делот на „БИТ“ зоната, а преостанатите 15 ќе се наместат на потегот од „старата автобуска“ во правец на новиот центар.

    Станува збор за замена на старите со нови клупи кои се исти со оние на плоштадот. Општината согласно проектот старите клупи ќе ги репарира и ќе ги постави на повеќе локации во градот каде претходно се изврши партерно и хортикултурно уредување.

    Во наредниот период ќе се реализира и проект за поставување на нова урбана опрема на јавно прометни површини во Кавадарци .

    ПРЕПОРАКИ ОД СОВЕТОТ НА ОПШТИНАТА КАВАДАРЦИ ЗА ЗГОЛЕМЕНОТО АЕРОЗАГАДУВАЊЕ

    ПРЕПОРАКИ ОД СОВЕТОТ НА ОПШТИНАТА КАВАДАРЦИ ЗА ЗГОЛЕМЕНОТО АЕРОЗАГАДУВАЊЕ

    26 Мар 2019 by Општина Кавадарци in

    Врз основа на член 36 став 1 точка 15 од Законот за локална самоуправа (Сл.весник на РМ” бр.5/2002), член 132 став 2 од Статутот на Општина Кавадарци (,,Сл.весник на Општина Кавадарци” бр.8/05), расправајки по Извештај за аерозагадувањето во општина Кавадарци по Заклучок бр.08-805/26 донесен од Совет на Општина Кавадарци на седницата одржана на ден 19.02.2019 година,  Советот на Општина Кавадарци на седницата  одржана на ден  14.03.2019  година,  донесе

     

    З  А  К  Л  У  Ч  О  К

    за усвојување на Извештај

    за аерозагадувањето во општина Кавадарци

     

    1. СЕ УСВОЈУВА Извештајот за аерозагадувањето во општина Кавадарци по Заклучок бр.08-805/26 донесен од Совет на Општина Кавадарци на седницата одржана на ден 19.02.2019 година.
    2. Советот на Општина Кавадарци препорачува:
    • Со цел континуирано следење на состојбата со загаденоста на амбиенталниот воздух во Општина Кавадарци, при енормни загадувања покрај службите за животна средина од општината на терен да бидат вклучени и еколошките друштва на територијата на Општина Кавадарци;
    • Општина Кавадарци стратешки да превзема активности за зголемување на свеста кај граѓаните за заштита на амбиенталниот воздух со интензивирање на организирани  кампањи преку печатените и електронските медиуми;
    • Општина Кавадарци да се грижи за озеленување на што поголем број на повеке површини во град Кавадарци;
    • Во насока на намалување на загадувањето на воздухот да се апелира до   граѓаните за замена на грејните тела  со јаглен и дрва,  со енергетски ефикасни грејни тела;
    • Да се воведе посебен режим на сообракајот во Општина Кавадарци особено во деновите кога показателите од мерните станици покажуваат енормно загадување на воздухот, со овозможување на граѓаните во тие денови да користат бесплатен градски превоз.

     

    •   Заклучокот влегува во сила со денот на донесувањето, а ќе се објави во ,,Службен Гласник на Општина Кавадарци”.

    СОВЕТ  НА ОПШТИНА КАВАДАРЦИ

                                                                     Претседател,

                                                               Ристо Сакалиев

     ЈП Паркинг Кавадарци со известување до граѓаните на Општина Кавадарци

     ЈП Паркинг Кавадарци со известување до граѓаните на Општина Кавадарци

    23 Мар 2019 by Општина Кавадарци in

                                    ЈП Паркинг Кавадарци- Кавадарци

    Се известуваат жителите на Општина Кавадарци дека од понеделник 25.03.2019 година се пушта во функција “пајак“ возилото на ЈП Паркинг- Кавадарци.

    Ќе се интервенира на хаварисаните возила и ќе се врши транспорт до депото на Северен булевар.

    Исто така ќе се интервенира и на непрописно паркираните возила и возила паркирани во зелени површини.

    Се апелира до граѓаните прописно да ги паркираат своите возила на веќе обележаните паркинг места.

    Оваа одлука важи се до започнувањето  со работа на Зонско паркирање во склоп на  ЈП Паркинг – Кавадарци.

    За непрописно паркинатите возила ќе следуваат и казни од надлежните служби – стои во известувањето од кабинетот на градоначалникот на општина Кавадарци, Митко Јанчев.

    Работно време

    Подигање т.е отстранување на возила и наплатата на подигнати возила кои биле непрописно паркирани се врши Од  ДЕПО

    Понеделник -Петок 07.00 до  22.00  часот

    Сабота од 07-15 часот.

    Ценовник

    За да добиете информации во врска со ценовникот на услуги на јавните паркиралишта Паркинг Кавадарци-Кавадарци

    Подигнување и пренос на возило до Депо Пајак по налог на овластено лицеУСЛУГА ЦЕНА
    Подигнување и пренос на возило до Депо Пајак по налог на овластено лице 1500,00 ден
    Подигнување на возило од зелена површина, по налог на комунален инспектор и пренос на возилото до Депо Пајак 1500,00 ден
    Подигнување непрописно паркирано  возило по налог на овластено лице, кога сопственикот се појавува на лице место и самостојно го отстранува 1000,00 ден
    Подигање на хаварисани волила по налог на овластено лице 500,00  ден
    Лежалина на возило во депо за ден 200,00  ден

    За повеќе информации обратете се на телефонскиот број ДЕПО 072 805- 820,

    Службено лице 070 402-498

    ПРОШИРУВАЊЕ НА ЗАПАДЕН БУЛЕВАР

    ПРОШИРУВАЊЕ НА ЗАПАДЕН БУЛЕВАР

    21 Мар 2019 by Општина Кавадарци in

    Општината Кавадарци  зепочна со реализација на капиталниот сообраќајно-комунален проект за проширување на делница од транзитната улица „Западен булевар“.

    Станува збор за изградба на целосно нова делница со вкупна широчина од 16 метри кад се гради коловозна лента со широчина од 12 метри, како и тротоари од двете страни на улицата секој со широчина од 2 метри.

    Со овој проект практично се продолжува проширувањето на оваа значајна сообраќајниц од постојното решение со истите димензии од „Новата бензинска“ сега во должина од 1 километар во правец на Росоман.

    Проектот предвидува и комплетна сообраќајна и светлосна инфраструктура, со што Кавадраци ќе добие нова современа сообраќајница на влезот од северната страна од и кон автопатот кон Росоман и Скопје.