Автор: Општина Кавадарци

Општина Кавадарци  и Јавното претпријатие „Комуналец“ денеска промовираа нови возила во возниот парк. Во присуство на градоначалникот Митко Јанчев, раководството на „Комуналец“ и раководители од општинската администрација на јавноста и беа претставени две нови возила. Се работи за камиони од брендовите „Ивеко“ „камион кипер за носење на разен материјал и други градежни зафати на ЈП Комуналец и за нова цистерна за перење на улиците- автоматизирана со бренер „Форд“.

Градоначалникот Јанчев денеска промовираше мобилна станица за производство на асфалт. Во било кој период од годината ке се произведува асфалтен материјал  за санирање на ударни дупки и други оштетувања на патиштата. Сега и старата асфалтна подлога ќе може да се рецилира и со додавање на потребните материјали поворно да се става во функција.

Во изјавата градоначалникот истакна „За прв пат ваква мобилната база за правење на асфалт се промовира токму во Кавадарци. Таа е прва во Македнија. За еден месец машината ќе биде ставана во функција, а нам како општина преку Јјавното претпријатие ќе ни овозможи 12 месеци во секакви услови, непрекинато правење на потребните количини на асфалтна маса за крпење на ударните дупки и помали интервенции на теренот. Стариот асфалат ќе може повторно да се употребува и да се рециклира и да се прави и нов асфалт. Машината е во вредност од околу 1 милион денари. Со нејзиното ставање во функција ќе се работи далеку попродуктивно и многу поекономично“ вели градоначалникот Митко Јанчев.

Оперативата на фирмата „Лабино трејд-Констракшн“ од Гостивар го реализира комунално еколошкиот проект за формирање на пешачка патека.

Спојувањето на улиците  „Страшо Пинџур“ и „4 Мај“ станува реалност. На овој дел од „Желков дол“ се оформува пешачка патека со покривање на коритото на долот со тампон.

Деновиве ангажираната фирма работи на шалување на пристапните скали од улицата „Страшо Пинџур“, откако претходно во бетонираното корито на долот, беа поставени две линии на пластични корогирани цевки со профил фи-600мм, како и шахта за зафаќање на атмосферските води.

Долж делницата предвидена за пешачка патека ќе бидат поставени бехатон коцки, а новоформираната пешачка патека општината ќе постави 7 канделабри од јавното улично осветлување.

Од проектот на Општина Кавадарци за ревитализација на Противпожарниот дом, останува само уште делот за хортикултурно уредување на стопанскиот двор.

Согласно овој значаен проект општината изврши целосна реконструкција на внатрешноста, како и на фасадата на зградата на Територијалната против пожарна едница Кавадарци. Се изгради современа гаража со пет дела каде се паркираат против пожарните возила,дворот е целосно урбанизиран и поплочен и бетониран, подигната е метална ограда, а поставено е и ново јавно осветлување околу и на самиот објект.

После извршените интервенции објектот и локацијата на против пожарниот дом  се оформиа во современ урбанизиран простор, кој обезбедува оптимални услови за престој и работа на пожарникарите, како и за чување на опремата.

Општината како и општествено одговорните компании и невладини орган изации во изминатиот период за противпожарната служба донираа, оптема за пожарникарите, возила за различни интервенции, срдства за радио комуникација и други потреби за осовременување на ТПП единица.

Општина Кавадарци преку оперативата на ангажираната фирма „Лабино трејд-Констракшн“ од Гостивар го реализира комунално еколошкиот проект за формирање на пешачка патека.

Согласно проектот се работи на спојување на улиците  „Страшо Пинџур“ и „4 Мај“. На овој дел од долот ќе се оформи пешачка патека со покривање на коритото. Проектот опфаќа поставување на две линии на пластични корогирани цевки со профил фи-600мм, шахта како и решетка за зафаќање на атмосферските води. Освен комуналната, покривањето на оваа делница од „Желков дол“ ќе има и еколошка функција, со што ќе се спречи фрлањето на отпад во коритото на долот.

Долж новоформираната пешачка патека општината ќе постави и 7 канделабри од јавното улично осветлување, за непречено движење на пешаците во ноќните часови.

Овој проект ќе им овозможи на граѓаните значително скратување на патот, како и побезбедно движење помеѓу  улиците „4 Мај“ и „Страшо Пинџур“.