Автор: Општина Кавадарци

Хуманитарното Здружение  Lions klub  „Тиквеш“ донираше  6 радио станици за Територијалната против пожарна единица Кавадарци. Донацијата ја примиа градоначалникот Митко јанчев и командирот на ТППЕ Александар Чадамов.

Радио станици ќе се користат за непречена врска меѓу пожарникарите при интервенции за гаснење на пожари. Донацијата покрај радио станици се состоеше и од мајци за целиот состав на Противпожарната територијална едница Кавадарци. Ова нова опрема ќе биде добредојдена за членовите на противпожарниот тим, за поефикасно дејствување.

Градоначалникот Митко Јанчев, се заблагодари на  донаторите, притоа акцентирајќи го значењто на ова единица за интервенција при пажар. Јанчев истакна „Ако само се направи ретроспектива во какви услови работеше пред една година, а каква е состојбата сега, напредокот на целата ТППЕ, не може ниту да се спореди. Со вложување на средства на Локалната самоуправа и неколкуте донации кои ги имаше, единицата  доби одлични услови за престој и чување на техниката и возилата со кои располага и стана вистински пример како треба да изгледа една територијална едница од ваков тип“.

Претседателот на  Lions klub  Тиквеш Мишо Митрев, кажа дека тие и понатаму ќе продолжат да прават добри дела, на субјекти како нашата ТППЕ и на индивидуалци кои се социјално загрозени. Впрочем затоа и постои нивното здружение. Тие досега покажале дека вредат, а заедницата  на повеќе наврати тоа им го потврдила.

На донацијата се заблагодари Александар Чадамов командир на кавадаречката територијална против пожарна единица

Неодамна отвореното лизгалиште во рамките на Спортскиот центар „Јасмин“ секојдневно го оправдува своето постоење. Идејата на градоначалникот Јанчев да се отвори лизгалиште со двојна намена како јавна површина за одвивање настава по физичко воспитување и како комерцијален објект секојднево се потврдува како издржан и одржлив проект.

Денеска стотина ученици од ООУ „Димката Ангелов-Габерот“ од Ваташа имаа час по физичко воспитување методска единица лизгање.

Задоволни и насмеани детски лица, на вештачкиот мраз под отворено небо ги совладуваа основите на лизгањето. Вакви часови до крајхот на првото полугодие че одржуваат и учениците од вишите одделенија од сите кавадаречки училишта. Инаку идејата на Јанчев се слушна и кај соседите

па на барање на неготинчани и децата од соседниот град ќе имаат можност за настава по лизгање.

Инаку во вечерните часови кога лизгалиштето работи комерцијално во просек има до 800 лизгачи.

Идејата на Јанчев ја подржаа и општествено одговорните компании „Кожувчанка“ и „Црна река Петрол“ кои ја набавиа опремата за вештачки мраз и лизгалиштето.

Пред влезот на ООУ „Тоде Хаџи Тефов“ Дедо мраз и градоначалникот на општината Митко Јанчев на учениците од 1 до 5 одделени им доделија новогодишни пакетчиња. На средбата присуствуваа наставници, ученици од дручите паралелки како и родители на учениците. Со него беше и Баба мразица.

Градоначалникот Јанчев на децата им посака среќна нова година, успех во училиштете, а воедно потсети и на неговата заложба за грижа за децата во создавањето на подобри услови за функционирање на општинските образовни институции. Во знак на благодарност децата на Јанчев му врачиа новогодишна честитка изработене и потпишана од нив.

И овде децата се претставиа со пригодна новогодишна програма.

Градоначалникот  на Oпштина Кавадарци м-р. Митко Јанчев ја започна традиционалната пред новогодишна посета на општинските основни училишта.

Почнувајќи од денесак Дедо мраз во име на градоначалникот и општината на учениците од нижите паралелки им додели новогодишни пакетчиња.

Централната приредба во ООУ „Гоце Делчев“ се одржа во холот на училиштето, каде пред доделувањето на слатките новогодишни пакети за гостите и присутните  беше организирана кратка пригодна програма во која дцата пееа и играа на традиционалните новогодишни и божиќни песни. Најмладите се потрудија да подготват соодветна новогодишна програма со која на убав, позитивен начин, со насмеани лица посакаа остварување на детските желби.