СРЕДБА НА ПРЕТСТАВНИЦИ ОД СОВЕТИТЕ НА ПОВЕЌЕ ОПШТИНИ ВО КАВАДАРЦИ

21 Дек 2018 by Општина Кавадарци in Настани

Претставници од советите на Општините: Чаир, Карпош, Куманово, Струмица, Свети Николе, Велес, Валандово и Кавадарци денеска имаа работна средба за вмрежување на советници, а со поддршка на членовите на тимот на Проект: Зајакнување на општинските совети на УНДП.

Средбата се одржа на иницијатива на Претседателот на општинскиот Совет на Кавадарци Ристо Сакалиев. Тема на средбата беше размена на искуства и практики во локалната самоуправа на национално ниво, споредено со други регионални и меѓународни позитивни практики кои се применуваат во системите на локална самоуправа и децентрализација во духот на соработка и вмрежување меѓу учесниците – општинските советници и претставниците на УНДП и Вардарскиот Плански регион.

На присутните им се обрати градоначалникот на Кавадарци м-р. Митко Јанчев. Тој говореше за начинот на функционирање на општина Кавадарци, клучни предизвици и постигнувања во работата, со посебен осврт на активностите на општинскиот Совет. Градоначалникот зборуваше и за фунционирањето на Општината, посебно за искуствата и позитивните страни од проектот „Мој Општинар“. Јанчев ги запозна присутните и со другите форми на финкционирање на општинската администрација, за позитивните искуства од зголемената наплатата на даноците, санирањето на комунални проблеми, како и за решавање на проблемите од долгорочен и краткорочен карактер.

Претседателите на Советоте и дригите присутни се интересираа за начинот на елеминирање на административните и бирократски бариери во Општината Кавадарци која за една година е пример во Македонија, како партиските и други разлики, се надминуваат за сметка на ингреесите на граѓаните.

ПОДОБРУВАЊЕ НА ЈАВНОТО УЛИЧНО ОСВЕТЛУВАЊЕ

21 Дек 2018 by Општина Кавадарци in Актуелни информации

Општината Кавадарци перманентно спроведува активности за одржување и унапредување на системот за Јавно улично осветлување. Деновиве на повеќе локации во градот се изведуваше доградба на системот со нови столбови, сијалични места, како и замена и репарирање на постојното јавно осветлување.

Серизно засилување на јавното осветлување се спроведе на градскиот плоштад. Два нови дрвени столба и исто толку ЛЕД светилки се вградени како надоградба на мрежата на улицата „Методи Џунов-Џико“ споредна ново пробиена улица. Интервенција имаше и на локацијата на улицата „Пионерска“ пред влезот во ООУ „Тоде Хаџи-Тефов“ каде се вградиа три нови светилки. Зафат за вградување на еден столб и една светилка е извршен и на спојот на улицата „Методи Џунов-Џико“ со улицата „Киро Крстев“. Со ново јавно осветливање од 9 канделабри со лед светло се дополни паркингот кај социјалните згради.

Вакви зафати ќе се извршат и на јавното осветлување на улиците: „Борис Кидрич“, „Браќа Џунови“, ,,12 Другари“, „Диме Поп-Атанасов“, „Смаилица“ и на улицата „25 Мај“. Нови линии во мрежата ќе се изградат и на улицата „Шишка“ кај комплексот нови згради пред градскиот парк.

Сите овие активности на општината се во функција на подобрување на јавното улично осветлување, а најголемиот дел се на барање на граѓаните. Со вакви активност општината на основната улична мрежа од јавното осветлување дополнително се вградени над 200 нови светлечки места.

РЕШЕНИЕ за издавање на Б – итегрирана еколошка дозвола за ВИНАРСКА ВИЗБА ТИКВЕШ

21 Дек 2018 by Општина Кавадарци in Огласи и соопштенија

Решение

Преземи документ

ПРОБИЕНА НОВА СПОРЕДНА УЛИЦА ОД ул „МЕТОДИ ЏУНОВ-ЏИКО“

21 Дек 2018 by Општина Кавадарци in Улици и тротоари

Привршуваат работите на поплочувањето на крак од улицата „Методи Џунов-Џико“ во населбата „Брушанско маало“. Општина Кавадарци овде го реализира проектот за пробивање на споредна улица во должина од 65 метри со што им излегува во пресрет на барањата на жителите од околните куќи.

Оперативата на изведувачот фирмата „АС Машини“ по претходно извршените земјани работи оформи улица со рабници и бехатон коцки на површина од 260м². Станува збор за решавање на децениски проблем на овие граѓани, меѓу кои и на фамилијата Петрови, каде има инвалидизирано лице.

Фамилијата Петрови упатува јавна благодарност до општината и додаваат: „Фала на градаоначалникот Митко Јанчев. Конечно кај општинските власти наидовме на човечност и разбирање за нашиот проблем. После 27 години откако ја изградивме куќата, дочекавме да имаме нормален и урбанизиран пристап до нашите домови“.

Општината по трасата на новата улица спроведе и систем на јавно улично осветлување со ЛЕД светилки, а деновиве ќе се догради и пристапната патека за лицето со попреченост.

ПОПЛОЧУВАЊЕ НА ПРИСТАПЕН ПАТ КОН ТУРИСТИЧКАТА НАСЕЛБА БРУШАНИ

20 Дек 2018 by Општина Кавадарци in Улици и тротоари

Продолжената градежна сезона овозможува Општината да финишира со проекти од комуналната изградба.

Оперативата на фирмата „Градба промет“ заврши со реализација на проектот за поплочување на делница од пристапен пат кон туристичката населба „Брушани“.

На површина од 620 м² се поставиа бехатон коцки со што заврши втората фаза од поплочувањето на овој пристапен пат. За оваа намена општината од буџетот одвои близу 900.000 денари, пари обезбедени од сметката за комунална изградба.

Со овој проект општината им излегува во пресрет на стопанските субјекти кои имаат рибници во овој дел на Тиквешко Езеро, како и на граѓаните сопственици на викенд куќи на полуостровот меѓу Брушанскиот и Ресавскиот залив.