ДО КРАЈОТ НА ГОДИНАТА ЌЕ СЕ РЕАЛИЗИРААТ ЗАЕДНИЧКИ КАПИТАЛНИ ИНФРАСТРУКТУРНИ ПРОЕКТИ

29 Јун 2018 by Општина Кавадарци in Настани

Градоначалникот на Кавадарци м-р Митко Јанчев оствари средба со Министерот за Транспорт и врски Горан Согарески. Во кабинетото на Јанчев, тие во подолг и сеопфатен разговор дискутираа за неколку важни прашања поврзани со патната инфратстура во и околу градот и Општината, изградба на нова обиколница, изведба на фекална и атмосферска канализација, изведба на мрежа на водоснабдување, како и поврзување на Кавадарци со крак од магистралниот гасовод и за други прашања од интерес на граѓаните. Во рамките на работната средба Јанчев и Сугарески извршиа увид во работите на „Западен булевар“.

Во изјава за медиумите градоначалникот Јанчев истакна: „Заеднички со министерот констатиравме дека имаме доста врзани проекти од капитално инфраструктурно значење, за кои очекувам и се надевам дека ќе се движат во посакуваниот правец. Овие работи се дел од поголемиот проект со кој ќе се доградат 1.200 метри булеварско решение на влезот од Росоман како продолжување на постојниот булевар со 4 ленти, комплетна инфраструктура, осветлување. За ова ќе бидат потрошени околу 60 милиони денари“. Тој посочи дека нареднен проект ќе биде реконструкција на обиколнинцата „Севереен булевар“. Според градоначалникот Јанчев овие два капитални проекти во многу ќе го подобрат вбезбедносниот и визуелниот момент на двата значајни влезови во градот од правец на Скопје преку Росоман и од правец на автопатот преку Неготино.

РЕКОНСТРУКЦИЈА НА ДЕЛ ОД ТРОТОАРОТ НА УЛИЦА „ДИМКАТА АНГЕЛОВ-ГАБЕРОТ“

29 Јун 2018 by Општина Кавадарци in Урбанизам и Комунални дејности

Комуналната изградба во општината продолжува. Оперативата на изведувачот „Ас Машини“ од Кавадарци започна со земјаните работи за реконструкција на дел од тротоарот на улицата „Димката Ангелов-Габерот“ во Кавадарци.

Во наредната фаза ќе следи поставување на тампон како подлога за поплочување со павер елементи на површина од 450м².

Со овој проект се ревитализира дел од тротоарот на потегот од спојот со улицата „Нов Белград“ во правец кон мостот „Белка“.

За оваа намена општината ќе инвестира 520.000 денари од општинскиот буџет, сметка за комунална изградба.

ИЗГРАДБА НА ТРОТОАР ВО СЕЛО СОПОТ

29 Јун 2018 by Општина Кавадарци in Урбанизам и Комунални дејности

Механизацијата на изведувачот „Павер трејд“ започна со реализација на проектот за изградба на тротоар во селото Сопот.

Со овој проект епфатен крајниот дел од улицата која води кон фудбалското игралиште. На должина од стотина метри се поставуваат рабници и се изведуваат земјените работи за поставување на павер елемнти за изградба на тротоар.

За оваа намена општината инвестира 416.658 денари. Парите се обезбедени од сметката за комунална изградба од буџетото на општината.

Со овој зафат ќе се изгради тротоар со површина од 270м². По реализацијата на проектот жителите на селото Сопот кој гравитираа кон овој дел ќе добијат урбанизиран простор за непречено и побезбедно движење.

ИЗВЕСТУВЊЕ ЗА ОТСТРАНУВАЊЕ НА ДИВО ПОСТАВЕНИ ЛИМЕНИ ГАРАЖИ

26 Јун 2018 by Општина Кавадарци in Огласи и соопштенија

Почитувани :

Општина Кавадарци продолжува со акцијата за оплеменување на просторот во урбаните заедници. Во оваа фаза од проектот општината ќе работи на оплеменување на просторот помеѓу зградите „Бел Камен“, каде ќе превземе активности за отстранување на лимените гаражи од јавни површини.

Станува збор за просторот помеѓу улиците: „Западен булевар“ – „Ѓуро Салај“ – „Игман“, каде има диво поставени лимени гаражи.

За таа цел се известуваат сите иматели на лимени гаражи истите да ги отсранат во рок на 8 дена од денот на објавувањето на ова известување.

Доколку имателите на лимените гаражи не постапат соодветно на ова известување, лимените гаражи ќе бидат отстранети од страна на ЈП „Комуналец“ Кавадарци, а надоместокот за отстранување ќе биде на сметка на имателите на гаражи.

Ви благодариме за соработката.

Општина Кавадарци

кабинет на Градоначалник

М-р Митко Јанчев

НОВА АТМОСФЕРСКА КАНАЛИЗАЦИЈА НА УЛИЦАТА „ПИОНЕРСКА“

26 Јун 2018 by Општина Кавадарци in Урбанизам и Комунални дејности

Општината Кавадарци во рамките на комуналната изградба реализира проект за подобрување на опфатеноста на градот со атмосферска канализација.

Фирмата „Стентон градба“ од Битола која е изведувач на работите започна со градежни активности за поставување нова атмосферска канализација на улицата „Пионерска“.

Се работи за целосно нова линија во должина од 265 метри на потегот од раскрсницата со улицата „Ресавска“ каде новата линија че се спои со постојната атмосферска канализација, а во правец на ООУ „Тоде Хаџи-Тефов“.

За овој проект општината инвестира 1.060.473 денари, а парите се обезбедени од буџетот.

Со реализација на овој проект ќе се опфатат површинските води во овој дел на градот, со што при обилни врнежи ќе се намали количината на дождовна вода која се слева кон центарот.