ВО КАВАДАРЦИ ПРЕТСТАВЕНА „БАНКАТА ЗА ХРАНА“

7 Јун 2018 by Општина Кавадарци in Настани

Во организација на општина Кавадарци Сектор за локален економски развој претставување на Банката за храна пред кавадаречките бизнисмени. Градоначалникот Митко Јанчев во своето обраќање нагласи: „Мотото е 0% гладни. За жал храна се фрла во големи количини, наместо тоа со малку хуманост може да се искористи, бидејќи сеуште има луѓе кои страдаат за храна“. Притоа нагласи дека општината ќе обезбеди магацински простор каде ќе се складира храната која ќе биде донирана за сиромашните, а општината Кавадарци покрај возилото ќе обезбеди и просторија.

Претставникот на Банката за храна, Душко Христов се осврна на досегашното работење и нагласи дека секоја година со донациите во храна кои се собираат во банката се хранат секојдневно барем со по еден оброк 300 лица во 11 градови.

„Иако Кавадарци е една од најбогатите општини, сепак има гладни. Над 90 фамилии имаат потреба од помош. Наша визија е активна борба со гладот и сиромаштијата преку редуцирање на отпадот и фрлање на храна. Тука сме да ја прифатиме секоја донација на оброк. Гладот е најтежок вид на сиромаштија“ рече Христов и ги храбреше претставниците од бизнис заедницата да го донираат вишокот храна, а не да го фрлаат.

Во Кавадарци партнер на Банката за храна е еколошкото друштво “Еко живот“ кое ќе ги преземе на себе обврските околу практикувањето на ова работа.

Проектот го поздрави и градоначалникот на Прилеп, Илија Јовановски, кој исто така беше присутен на презентацијата. Рече дека ова е добар начин да им се излезе во пресрет на луѓето кои имаат потреба од храна.

Асфалтирање на улица Методи Џунов-Џико

7 Јун 2018 by Општина Кавадарци in Урбанизам и Комунални дејности

Фирмата „Изолација“ од Скопје која е носител на тендерот од проект на општина Кавадарци работеше на поставување нов слој асфалт на делница од улицата „Методи Џунов-Џико“.

Согласно проектот, на оваа улица се реконструира површина од 2340м². Откако претходно со гребење се отстрани оштетенит слој, се изврши поставување на нова асфалтна маса во должина од 380 метри.

Со овој проект општината изведе реконструкција на кај оштететниот дел од оваа улица, по која гравитира населението од населбата „Брушанско маало“.

ПРВ ПЕШАЧКИ ПРЕМИН НАЦРТАН ВО ТРИДЕМНЗИОНАЛНА ТЕХНИКА

5 Јун 2018 by Општина Кавадарци in Урбанизам и Комунални дејности

Во склоп на манифестацијата „Извиднички караван“ која се одржа во градскиот парк „Љупчо Шкартов“ во Кавадарци, ден потоа група од четворица извидници од Скопје ја реализираа и последната активност.

На постојниот пешачки премин кај ООУ „Страшо Пинџур“ тие ја обновија „пешачката зебра“ но овојпат цртајќи ја во тридеминзионална техника.

Применувајќи ја перспективата, тие со бела, црна и сива боја исцртаа пешачки премин кој од далечина кај возачите создава виртуелна слика на подигната бела линија, по што тие ја намалуваат брзината.

Акцијата на исцртување на првиот 3 Д пешачки премин на улицата „Димката Ангелов -Габерот“ ја спопнзорираше општина Кавадарц, во соработка со извидничкиот одред „Соколи“ од Кавадарци и Сојузот на извидници на Македонија.

АСФАЛТИРАН НОВИОТ КРУЖЕН ТЕК

5 Јун 2018 by Општина Кавадарци in Проекти / Реализирани проекти / Урбанизам и Комунални дејности

Оператривата на фирмата „Изолација“ од Скопје со поставувањето на вториот,т аканаречен фин слој асфалтна маса го заврши асфалтирањето на новиот кружен тек. Новото сообраќајно решение е трто од ваков вид на територијата на град Кавадарци, а се наоѓа на спојот на улицата „Блажо Алексов“ со булеварот „Видое Смилевски“, кај мостот „Белка“.

Со ова ново сообраќајно решение се создаваат услови за оптимална проточност како и безбедност на возилата и пешаците во овој дел од градот, на стариот влез во Кавадарци од правецот на Неготино.

Во наредната фаза ќе бидат поставени вертикалните сообраќајни знаци, а ќе се вцртаат и лините во бела, жолта и црна боја од хоризонталната сообраќајна сигнализација.

ЗАПОЧНА ОБЕЛЕЖУВАЊЕТО НА ХОРИЗОНТАЛНАТА ПАТНА СИГНАЛИЗАЦИЈА

4 Јун 2018 by Општина Кавадарци in Урбанизам и Комунални дејности

Општина Кавадарци започна со обележувањето на хоризонталната патна сигнализација. Во наредниот период ЈП „Комуналец“ ќе изврши обележување со бела и жолта боја на пешачките прмини, автобуските и такси стојалиштата како и на хоризонталната сигнализација на кружните текови и пред семафорите низ градските улици.

Во оваа кампања на обновување на постојната, како и вцртување на нова сообраќајна хоризонтална сигнализација ќе бидат опфатени и локалните патишта кои се под надлежност на општината.