Автор: Општина Кавадарци

Во рамките на реализацијата на програмата за комунална изградба, општината Кавадарци започна со проектот за изградба на дел од тротоарот на улицата „Дисанска“.

Се работи на подготовка, тамопнирање и полочување на површина од 500м², со приоритет на страната каде се наоѓаат индивидуалните станбени објекти.

Изведувач на работите е кавадаречката фирма „Ас Машини“ која согласно проектот покрај поплочувањето треба да вгради и 220 метри големи и мали ивичници.

За оваа намена општината инвестира 1.050.000 денари. Парите се обезбедени од буџетот, сметка за комунална изградба.

По реализацијата на овој проект, општината на овој дел од улицата ќе обезбеди понормални услови за движењето на пешаците во овој дел на населбата „Парк“.

Општина Кавадарци во определбата за посовремено решавање на проблемот со собирањето на сметот од домаќинствата поставува подземен контејнер.

Во соработка со донаторот фирмата „Метал Апостолов“ на југо-источната страна од градскиот плоштад на ќошот од улицата „Благој Крстиќ“ се поставува подземен контејнер со три комори. Соред проектот во контејнерот ќе има прегради за собирање на смет од домаќинствата, како и за собирање на отпад за рециклирање.

Овој систем на прибирање на смет во развиоените земји е широко распространет и покажува повеќе предности, пред се од екологијата.

Општината во наредниот период контејнерот пробно ќе го предаде во употреба на граѓаните, а позитивни искуства и резултати ќе влијаат на понатамошното градење на вакви контејнери за смет во градот.

Општина Кавадарци го реализираше проектот со редовното крпење на ударните дупки. Со оваа кампања беа санирани  800м² оштетувања на улиците во Кавадарци и во селата Сопот и Марена .

Преку акцијата се „закрпиа“ нај опасните оштетувања пред се на регионалните улици, каде сообраќајот се одвива со најголем интензитет.

Општината за оваа намена инвестираше 720.000 денари од буџетот. Со санирањето на оштетувањата на асфалтот на улиците кои настана во зимскиот период, општината создава минимум услови за побезбедно одвивање на сообраќајот.

Механизацијата и работниците на фирмата „Павер трејд“ од Кавадарци работата на поплочување на тротоар на булеварот „Моша Пијаде“. Станува збор за делница од спојот на булеварот со улицата „Индистриска“ па до спојот со „Западен булевар“ кај новиот кружен тек.

По оформувањето на тротоарот со поставување на рабници во должина од 140 метри, целата траса беше тампонирана. Ќе следи поставување на павер елементи на површина од 300 м². За оваа намена се инвестирани 380.000 денари од општинскиот буџет.

Со изградбата на овој тротоар општината ќе создаде побезбедни услови за движење на пешаците кој го гористат овј простор што гравитира кон поголемо индустриско и населено подраќје од градот.

Согласно програмата за комунална изградба општината Кавадарци работи и на комунално уредување по месните заедници.

Оперативата на фирмата „Павер трејд“ е ангажирана на поплочување на пристапна улица во викенд населбата „Модри стени“ на брегот од Тиквешкото Езеро во ресавскиот залив.

Се работи на поставување павер елементи на пристап од локалниот асфалтен пат Кавадарци-село Брушани кон викенд населбата. Овде ќе се постават бехатон коцките на површина од 500 квардати, во должина од 150 метри.

Со изградбата на оваа улица поголем број на соспственици на викенд куќи крај езерото ќе имаат урбанизиран пристап без кал и прашина. За овој проект општината од буџетот издвои 600.000 денари, пари од комуналната сметка.