„ПОДВИЖНА СКАЛА“ ПРОТИВПОЖАРНО ВОЗИЛО ДОНАЦИЈА ОД „МАШИНОКОП“

22 Мај 2018 by Општина Кавадарци in Актуелни информации

Против пожарната единица на општина Кавадарци во чест на Денот на пожарникарите 20 мај, доби уште една донација. Овојпат се работи за противпожарно возило скала, коа зе потребите на противпожарната единица го набави фирмата „Машинокоп“ од Кавадарци.

Возилото е наменето за интервенции при гаснење на пожари во висококатни згради, како и за спасување на луѓе при различни интервенции на високи објекти.

Со оваа донација се прошири и обнови возниот парк на ПП единицата, која претходно прими донација командно возило од фирмата „Екстра бус“.

Во наредниот период „Дрекслмајер“Македонија од Кавадарци ќе донира комплетна заштитно работна облека за персоналот.

ЗАВРШИ ИЗГРАДБАТА НА ул. „ЛАЗО АСИЈАТА“

22 Мај 2018 by Општина Кавадарци in Урбанизам и Комунални дејности

Општина Кавадарци преку оперативата на кавадаречката фирма „Ас Машини“ го реализираше проектот за пробивање и изградба на улицата „Лазо Асијата“ веднаш до „Турските гробишта“. Вкупната должина на улицата изнесува околу 200 метри и површина од 600м².

Проектот предвидуваше поплочување на површина од 400м², односно на две третини од улицата со бехатон коцки, додека површината од 200м² како дел од завршните работи се покри со бетон.

Согласно проектот, бетонот е послан на стрмниот дел на улицата од спојот со улицата „Методи Џунов-Џико“, додека павер елементите (бехатон коцки) се поставиа на нејзиниот порамен дел.

Изградбата на оваа улица е на барање на жителите од овој дел на градот. Со пробивањето на овој крак општината им излезе во пресрет, па сега пристапот до нивните домови до главната улица е скратен.

ОДБЕЛЕЖАН „ДЕНОТ НА ПОЖАРНИКАРИТЕ“

22 Мај 2018 by Општина Кавадарци in Настани

Во присуство на градоначалникот Митко Јанчев, членови на Советот на општината, претставнци на јавниот живот и на граѓани, на паркингот кај спортската сала „Јасмин“ беше изведена демонстрација на моменталана моќ на Противпожарната единица од Кавадарци, како дел од одбележувањето на „Денот на пожарникарите“.

Свеченоста започна со дефиле на расположивите противпожарни возила низ централните улици, а продолжи со демонстрација на показни вежби со кои се симулираше: инервенција на извлекување на човек од возило во сообраќајна несреќа како и класично гаснење на пожар на височини. На тој начин во јавноста беше претставена територијаланата единица за противпожарна заштита Кавадарци, која со доаѓањето на градоначалникот г. Митко Јанчев на чело на Општината беше целосно обновена.

Во изјава градоначалникот Јанчев ги потенцираше преземените зафати во изминзтиот период со кои ПП единицата се комплетиташе, како кадровски така и материјално-технички. Најпрвин се реновираа постојните простории на зградата на Пожарниот дом, потоа на конкурс на работа се примени 16 нови пожарникари, со што се комплетира кадровскиот потенцијал кој сега изнесува 26 вработени пожарникари. По пат на донација се обезбедија неколку специјализирани возила, а набавена е и опрема за интервенции.

Со овие потези територијалната ПП единица од Кавадарци е целосно обновена и подготвена за дејствување на терен во функција на заштита на материјалните добра и на граѓаните.

Предадена во употреба новата концертна сала во ОМБУ

22 Мај 2018 by Општина Кавадарци in Настани

На свечен начин беше предадена во употреба новата концертна сала во ОМБУ „Лазо Мицев-Рале“ во Кавадарци. На свеченоста присуствуваа: градоначалникот Митко Јанчев, земеник помошник администраторката на Бирото на УСАИД за Европа и Евроазија Гречен Биркл, потполковникот Ерик Рајс од Военото аташе на САД, и претставници на УСАИД.

Концертната сала општината ја градеше со помош на УСАИД, Европската команда на САД и бизнис секторот. Исто така со денешната свеченост се означи и крајот на реновирањето на просториите на музичкото училиште.

Градоначалникот Јанчев во своето обраќање на свеченоста ја нагласи важноста од зајакнувањето на граѓанските вредности кај младите, со цел тие да станат активни учесници во своите заедници и да градат силни пријателства со врсниците.

Од УСАИД во изјавата за медиумите ја нагласија важноста на овој објект кој во партнерство со општината се градеше во изминатиот период.

„Горда сум на ова широко партнерство помеѓу Европската команда на САД, УСАИД, општините и локалните заедници воспоставено за реновирање на училиштата. Преку оваа партнерство, од 2011 година, Европската команда на САД има инвестирано над 1,5 милиони долари за реновирање на 63 училишта, вклучувајќи го и вашето, паралелно работејќи на развојот на етничката кохезија во Македонија“ истакна Биркл.

„Новата концертна сала е од големо значење и за училиштето, Учениците од ОМБУ „Лазо Мицев Рале“ од Кавадарци од денеска понатаму ќе можат наученото да го презентираат на концерти во новата концертна сала“ рече директорот Златко Јованов.

РЕВИТАЛИЗАЦИЈА НА ЈАВНОТО ОСВЕТЛУВАЊЕ ВО ГРАДСКИОТ ПАРК

21 Мај 2018 by Општина Кавадарци in Урбанизам и Комунални дејности

Започнаа работите на обновување на електричната мрежа од јавното осветлување во градскиот парк. Откако неодамна градоначалникот г.Митко Јанчев го обзнани проектот за ревитализација на јавното осветлување во градскиот парк „Љупчо Шкартов“, изведувачот започна со нејзино обновување.

Во наредниот период ќе се работи на целосна обнова на подземната електрична мрежа и тоа на потегот од влезот во паркот пред „Бриони“ се до платото на спомен костурницата.

Со завршувањето на работите патеките во паркот ќе бидат целосно осветлени а паркот освен дење ќе биде достапен за граѓаните и во ноќните часови.