Општина Кавадарци – Страница 272

ОБЈАВА бр.1/2018 За продажба на движни ствари – патнички моторни возила по пат на електронско јавно наддавање

11 Мај 2018 by Општина Кавадарци in Огласи и соопштенија

Врз основа на член 2 став 1 точка 4 алинеја 2, член 4, 24, 25, 26, 27, 28, 29, 46, 47, 48 и член 49 од Законот за користење и располагање со стварите во државна сопственост и со стварите во општинска сопственост („Сл.весник на РМ“ бр.78/15, бр.106/15, бр.153/15, бр.190/16 и бр.21/18), Одлука за продажба на движни ствари – моторни возила во сопственост на Општина Кавадарци по пат на електронско јавно наддавање бр.08-2175/25 од 24.04.2018 година донесена од Советот на Општина Кавадарци („Сл.гласник на Општина Кавадарци“бр.11/18), и Извештај за извршена процена за утврдување на пазарна вредност на транспортни средства бр.13-1404/2 од 05.04.2018 година изработен од ДТЛППУТ„Оптима Логистик АГ“ ДООЕЛ Кавадарци, Комисијата за недвижни и движни ствари сопственост на Општина Кавадарци објавува:

ОБЈАВА бр.1/2018 За продажба на движни ствари – патнички моторни возила по пат на електронско јавно наддавање (Прва објава)

1. ПРЕДМЕТ НА ПРОДАЖБА СО ЕЛЕКТРОНСКО ЈАВНО НАДДАВАЊЕ

Предмет на оваа објава со електронско јавно наддавање е продажба на движни ствари – патнички моторни возила сопственост на Општина Кавадарци, кои се продаваат согласно Одлука за продажба на движни ствари – моторни возила во сопственост на Општина Кавадарци по пат на електронско јавно наддавање бр.08-2175/25 од 24.04.2018 година донесена од Советот на Општина Кавадарци („Сл.гласник на Општина Кавадарци“бр.11/18).

2. ПОДАТОЦИ ЗА ПАТНИЧКИТЕ МОТОРНИ ВОЗИЛА КОИ СЕ ПРЕДМЕТ НА ПРОДАЖБА, ПОЧЕТНАТА ЦЕНА НА ВОЗИЛАТА, БАНКАРСКА ГАРАНЦИЈА, МИНИМАЛЕН ЧЕКОР, ВРЕМЕ НА ПОЧЕТОК НА ЈАВНОТО НАДДАВАЊЕ

Податоци за возилото		Проценета почетна цена	Банкарска гаранција	Минимален чекор	Час / почеток
1	Моторно возило марка MERCEDES-BENZ E 200 KOMPRESOR– Регистарски број: KA-0001-AB- Прва регистрација: 18.10.2005 година;- Година на производство: 2005 – Вид на возило: M1 PATNICKO – Марка и Тип на мотор: MERCEDES-BENZ E 200 KOMPRESOR; – Број на шасија: WDB2110421A21A882167 – Број на мотор: 27194830960031 – Носивост или број на места: 5 – Сила и зафатнина на мотор: 120KW/1796 cm3; – Врста на гориво: BENZIN – Боја: CRNA/20	286.758,00 денари	5.735,00 денари	Без ограничување	09:30 часот
2	Моторно возило марка AUDI A4– Регистарски број: VЕ-988-KN;- Прва регистрација: 31.10.2003 година;- Година на производство: 1995; – Вид на возило: PATNICKO; – Марка и Тип: AUDI A4; – Број на шасијата: WAUZZZ8DZTA108455; – Број на мотор: ADP080328; – Места за седење: 5 – Сила и работна зафатнина на моторот: 74KW/ 1596cm3; – Боја: t.crvena 77.	86.339,00 денари	1.727,00 денари	Без ограничување	10:00 часот
3	Моторно возило марка FIAT 323 LINEA – Регистарски број: KA-0638-AB;- Прва регистрација: 17.05.2012 година;- Година на производство: 2011; – Вид на возило: PATNICKO; – Марка и Тип: FIAT 323 LINEA; – Број на шасија: ZFA32300003124706; – Број на мотор: 3884212; – Mеста за седење: 5; – Сила и работна зафатнина на моторот: 66KW; – Боја: CRVENA MET	279.726,00 денари	5.595,00денари	Без ограничување	10:30 часот

ВО ПАРКОТ НА РЕВОЛУЦИЈАТА ОДБЕЛЕЖАН ДЕНОТ НА ЕВРОПА

10 Мај 2018 by Општина Кавадарци in Настани

Општина Кавадарци во чест на Денот на Европа, го организираше традиционалниот настан под мотото „Учиме заедно за Европа“ како дел од останатите триесеттина градови во Македонија што се вклучиа во организацијата на овој традисионален настан во организација на канцеларијата на ЕУ во Македонија и ЗЕЛС.

Во паркот на Револуцијата пред граѓаните се претставија учениците од ОМБУ „Лазо Мицев-Рале“, членовите на балетските студиа „Венус“ и „Модерен Балет-Старс“, детскиот хор при фестивалот „Ластарчиња“ како и деца од повеќе невладини организации.

Членови на НВО организации на импровизиран штанд ги претставиа основните карактеристики на Обединетото кралство Велика Британија, Словенија, Романија и Естонија.

Учесниците на манифестацијат песни и игри на платото во паркот на Револуцијата презентираа и неколку социјални игри од земјите членки на Европската Унија.

ЦВЕЌЕ ВО ЧЕСТ НА ДЕНОТ НА ПОБЕДАТА НАД ФАШИЗМОТ

9 Мај 2018 by Општина Кавадарци in Настани

Кавадарци достоинствено и скромно, денеска го одбележа 9 Мај, Денот на победата над фашизмот.

Во чест на 73 годишнината од големиот ден, денеска делегација од сојузот на борци и почитувачи на НОБ, од Советот на општината, кабинетот на градоначалникот, во која беа и претставници на општествено политичкиот живот од општината, положија букети свежо цвеќе пред споменикот на Слободата и револуцијата на градскиот плоштад.

Денот кога Европа го победи фашизмот, е историски поврзан и со антифашистичката борба на македонскиот народ кој на страната на прогресивните сили преку НОБ учествуваше во големата победа, преку која го оствари вековниот стремеж на македонскиот народ за слобода и сопствена држава.

Кавадарци во таа борба даде над 330 жртви кои го положија својот живот за Македонија.

АСВАЛТИРАНА ДОГРАДБАТА НА ПАРКИНГОТ „ОРЦЕ НИКОЛОВ“

9 Мај 2018 by Општина Кавадарци in Урбанизам и Комунални дејности

Градежната фирма „Инвест груп“ со својата оператива ја заврши последната фаза од комуналниот проект на општина Кавадарци со кој на постојниот паркин простор се доградуваат дополнителни 570м² нов паркинг.

Овој комунален проект општината го реализира на теренот под хотелот „Уни палас“ 1, помеѓу колективните згради на Булеварот „Кочо Рацин“ и индивидуалните станбени објекти на улицата „Орце Николов“.

Општината претходно започна со расчистување на теренот во овој запуштен, узурпиран и деградиран простор. Паралелно се одвиваше и акција со која општината ги отстрани диво поставените лимени гаражи кои го нарушуваа урбаниот простор и беа непријатна глетка за станарите и минувачите.

Пред асвалтирањето беа превземени земјани работи за подготовка на теренот каде на постојниот паркинг се врши доградба на дополнителеннов асвалтиран паркинг простор.

Во завршната фаза од овој проект општината планира и хортикултурно уредување на тревни површини. По целосната реализација на овој инфраструктурно-хортикултурен проект ревитализираниот и урбанизиран простор ќе биде во целосна функција на граѓаните и жителите од овој дел на Кавадарци.

НОВ АСВАЛТ НА УЛИЦАТА „4 ЈУЛИ“

8 Мај 2018 by Општина Кавадарци in Урбанизам и Комунални дејности

Оперативата на фирмата „Инвест груп“ денеска на улицата „4 Јули“ постави нова асвалтна подлога на вкупна површина од 1200м²,со дебелина од 5 сантиметри.

Новиот асвалт се постави на потегот од спојот на улица „4 Јули“ со улицата „Илинденска“ до спојот со улицата „Љубашка“.

За реновирање на асвалтната подлога општината инвестира 859.000 денари, пари од сметката на буџетот наменети за комунална изградба.

Според програмата за комунална изградба, општина Кавадарци најпрвин преку Јавното претпријатие „Комуналец“ изврши комплетна замена на старата и дотраена бетонска канализациа со профил фи150мм, со нова ребраста цевка чии профил изнесува фи 250мм. Беа обновени вкупно100 должни метри, со 12 пропратни приклучоци.

Со овој проект општината Кавадарци изврши целосна ревитализација на подземната и надземната инфраструктура на оваа улица, која се наоѓа во централното градско подрачје.