Автор: Општина Кавадарци

На иницијатива на општина Кавадарци и градоначалникот Јанчев, во зедничка донаторска акција неколку водечки кавадаречки фирми превзедоа активности за расчистување на дел просторот околу заобиколницата „Северен булевар“.

Се работи за акција со која на двете страни од „Северн булевар“ до спојот со булеварот „Никола Минчев“ се расчистува теренот од земја наноси и стар шут.

Проектот предвидува расчистување на  простор од 4 метри од двете страни на улиците и тоа на ниво на коловозната лента, односно ивичниците.

Во оваа фаза се работи на потегот од „Хотел ФЕНИ“ до спојот со Булеварот „Никола Минчев“ каде се расчистува делот до источниот влез од скали во зградата на граничната полиција „Југ“.

За оваа работа е ангажирана градежната механизација на фирмите:„Ја-Ми“ која учествува соеден багер и три камиони, потоа фирмата „ИГМ Трејд“ со два утоварачи и 10 камиони, како и дел од механизацијата на фирмата „Градба промет“ со еден багер.

Според планот акцијата за расчистување на теренот околу обиколницата треба да продолжи до мостот на реката Луда Мара.

Општина Кавадрци преку Јавното претпријатие „Комуналец“ работеше на испишување на хоризонталната патна сигнализација на семафорите кај раскрсницата на булеварот „Никола Минчев“ со булеварот „Македонија“.

Паралелно со исцртувањето на „зебрите“од пешачкитепремини, се исцртуваа и линиите кои го покажуваат правецот на движење на возилата.

На оваа позиција оперативата на фирмата работеше на поставување бекатон коцки на пешачките острови.

Овие две позиции се практично завршна фаза од изградбата на комплетното ново семафорско сообраќајно решение, второ во новиот центар на градот.

Претходно специјализираната фирма „Електро Софт инженеринг“ ДОО од Скопје согласно проектот  постави вкупно 10 столбови носачи на светлечките телаод семафорот, од кои 6 за возачи, 12 за пешаци и 4  одбројувачи на време.

Ова е шестата раскрсница во Кавадрци  каде сообраќајот ќе се регулира со семафор.

Оперативата на фирмата „Градба промет “од Кавадарци интензивно работи на изградбата на новиот кружен тек кај спојот на улицата „Блажо Алексов“ со Булевар „Видое Смилевски“.

Градежната механизација на изведувачот изврши тампонирање на дел од подлогата на една коловозна лента. Во оваа фаза од изградбата се профилира и втората коловозна лента, а полека се надзираат и контурите на идниот кружен тек.

На сегашната раскрсница кај мостот „Белка“ ќе се формира кружен тек со рабници. Согласно проектот на овој потег беше извршено вадење на стариот асвалт, се изврши спроведување подземна инсталација на сите надземни кабли, а  откако ќе завршат подготвителните работи ќе следува поставување  два слоја на нов асвалт.

Со ова ново сообраќајно решение ќе се подобри безбедноста во одвивањето на сообраќајот на возилата и пешаците во овој дел од градот кој претставува источен влез на градот од правецот на Неготино.

Вработените и механизацијатана фирмата „Павер трејд“ од Кавадарци работата на целосна реконструкција на жардинерата околу јаворот пред седумкатницата во центарот на Кавадарци.

Општина Кавадарци со овој проект создаде попријатни условиза одмор на граѓаните кои традиционално секојдневно минуваат дел од времето во чаршијата.

Според проектот старат жардинера е целосно отстранета, а на нејзино место ќе биде изградена нова со дрвени клупи за седење.

Претходно работниците откопаа и искастриа дел од кореновиот систем на јаворовото стебло кој ги деформираше плочките од плоштадот.

По изградбата на новата жардинера просторот во неа ќе биде хортикултурно уреден, подлогата  со плочките на плоштадот санирана и израмнета и побезбедна за движење на пешаците.