Јавен повик за пријавување за учество на манифестацијата Тиквешки Гроздобер- Вински Карневал 2018 година

11 Апр 2018 by Општина Кавадарци in Огласи и соопштенија

Оваа година Тиквешкиот гроздобер ќе се одржи на 7, 8 и 9 ти септември. Општина Кавадарци веќе ги започна подготовките за оваа манифестација. Тиквешкиот гроздобер со својата традиција е од огромно значење за нашата општина. Оваа година се надеваме дека Тиквешкиот Гроздобер ќе го врати сјајот и ќе го претставиме Кавадарци во вистинско светло. Ние како граѓани на Општина Кавадарци можеме и треба да со свој придонес да учествуваме во оваа манифестација и по завршувањето да се гордееме со тоа што сме го постигнале.

Општина Кавадарци објавува Јавен повик за пријавување за учество на манифестацијата Тиквешки Гроздобер- Вински карневал 2018 год. Организаторот ќе биде задолжен за гостопримството и комфорот на учесниците. Право на учество имаат сите лица кои сакаат да настапуваат во групни маски и да го збогатат Винскиот карневал со иновативни идеи во духот на виното и традицијата на Тиквешкиот Гроздобер.

Поптолнетиот формулар испратете го на следната адреса: opshtina@kavadarci.gov.mk

Лице за контакт

Сања Крстиќ 072 307 225

Формулар за пријавување учество

Преземи документ

Public call for volunteers for manifestation Tikveshki Grozdober 2018

Преземи документ

Application form for participation in the event Tikveshki grozdober 2018

Преземи документ

ОПШТИНАТА ГО РАСЧИСТУВА ТЕРЕНОТ КАЈ СУДСКАТА ПАЛАТА

10 Апр 2018 by Општина Кавадарци in Урбанизам и Комунални дејности

Во рамките на акцијата за почисто Кавадарци, денеска општината со градежна механизација го расчистуваше просторот на спојот помеѓу обиколницата „Северен булевар“ со делот од Булеварот „Никола Минчев“.

Се рабортеше на површина од 10 хектари, каде оперативата на ЈП „Комуналец“ со булдожер расчистуваше простор покрај обиколницата, а машините на фирмите „Ја-Ми“ и „ВС-ГД“ од Кавадарци кои се вклучиа во акцијата како донатори го расчистуваа просторот покрај Булеварот „Никола Минчев“.

Акцијата, со која овој запуштен и руиниран терен се расчисти од обраснати делови, шут и отпад има за цел деградираниот простор најпрвин да го култивира, а потоа општината соодветно да го урбанизира.

Користа од ова акција покрај жителите на овој дел од градот ќе ја почуствуваат сите граѓани на Кавадарци

ПОШУМУВАЊЕ НА ПОРОЈНИЦАТА „ЃУРОВ ДОЛ“

5 Апр 2018 by Општина Кавадарци in Настани

Општина Кавадарци во рамките на програмата за екологија има предвидено и пошумување на еродираните површини. Особено внимание во овој дел се посветува на озеленувањето на поројниците во сливното подрачје на реката Луда Мара.

Во тој правец градоначалникот м-р Митко Јанчев покрена иницијатива за спроведување акција на пошумување на поројницата „Ѓуров дол“ чие сливно подрачје опфаќа површина од 46 хектари, а се наоѓа на ридот веднаш над Домот на културата во село Ваташа.

Градоначалникот Јанчев за денешната акција вели дека е само поочеток на поголем зафат со кој ќе се создадат предуслови за пошумување на поголемо пространство голини. Ерозијата од нив прави проблеми на жителите до Ваташа. Со ова пошумување, додава Јанчев, општината и Македонски шуми ќе создадат зелен појас којво иднина треба да го озелени и култивира овој деградиран терен и да ја сперчи ерозијата на теренот.

Партнер на општината во акцијата за пошумување на овие голини е ЈП „Македонски шуми“ подружница „Бор“ од Кавадарци чии вработени денеска ја започнаа акцијата која ќе се одвива во наредните неколку денови со крајна цел во оваа фаза да се пошуми 1 хектар од оголениот терен.

За текот на акцијата зборува Маре Васова помошник директор при дирекција ЈП „Македонски шуми“.

Согласно планот, овој простор целосно би требало да биде пошумен до крајот на 2019 година. Очекувањата се дека оваа акција за пошумување на голините над селото Ваташа пред се ќе ги заштити имотите на жителите од овојдел, а ќе се обезбеди и трајна заштита на земјиштето од ерозија.

ВЕЛИГДЕНСКИ „БАЗАР“

5 Апр 2018 by Општина Кавадарци in Настани

Под покровителство на градоначалникот и советото на општината, а во организација на Домот накултурата, денеска во Градската галерија се одржа традиционалниот „Велигденски Базар“ на кој учествуваа учениците од кавадаречките основни училишта.

На импровизирани штандови децата имаа изложено свои ракотворби изработени на часовите по ликовно. Предметите поврзани со симболикатана најголемиотшправославен христијански празник Велиген тиеги продаваа по симболични цени.

Купувачи беа нивните другарчиња од училиштата, потоа родители, наставници, како и граѓани кои денеска го посетиа велигденскиот пазар во Домот.

На крајот од „Базарот“ во името на покровителот и организаторот, директорот на домот Александар Малинков, на ситеучесници им додели благодарници заучество.

РАСЧИСТУВАЊЕ НА ПРОСТОРОТ ОКОЛУ СПОМЕНИКОТ 12 ВАТАШКИ МЛАДИНЦИ

5 Апр 2018 by Општина Кавадарци in Урбанизам и Комунални дејности

Општина Кавадарци спроведе акција за расчистување на околината на споменикот на 12 младинци кај Моклиште.

Во соработка со компанијата „Ја-Ми“ која донираше механизација, беа расчистени: пристапниот пат од спојот на регионалниот патен правец до споменикот, потоа обраснатиот простор на платото кај споменикот, како и пешачката патека која води од споменикот до одморалиштето кај воденицата.

Во акцијата, од обраснатите грмушки и наносите одземја беше расчистен и делот околу чешмата која се наоѓа на влезот.

Ова е само дел одактивностите што ќе ги превземе општина Кавадарци воделот на уредувањетона најзначајниот споменик од историјата на НОБ во Ваташа и Кавадарци.