СВЕТИ ТРИФУН 2017

14 Фев 2017 by Општина Кавадарци in Верски заедници

Со благослов за родна година и квалитетно грозје денеска се изврши симболично закројување на виновата лоза. Во храмот Свети Димитрија и годинава се закроиа трите црковни лози, а рачките им беа дарувани на присутните лозари православни верници кои потоа истите ги носат на своите лозови насади. На светиот чин на закројувањето претходеше света божествена литургија во црквата Св.Петка со која чиноначалствуваа тројца владици од МПЦ, Агатангел, Иларион и Тимотеј. Тие упатија молитви лозјата да дадат квалитетен род.

„Заеднички со народот присутен во црквата се помоливме да нашиот спасител Исус Христос, по молитвите на Свети Трифун да имеме бериќетна година. Навреме да има дожд, сонце, лозјата да бидат здрави и плодни. Како што велат нашите дедовци и прадедовци бочвите да бидат полни“ рече Митрополитот на Повардарската Епархија, г. Агатангел.

Честитка до лозарите упати и градоначалникот на Кавадарци, Александар Панов. „Оваа година да биде подобра од минатата односно од сите лоши години кои поминале. Нашите молитви да ни ги сослуша господ и да ни даде една благосостојба во лозарството и винарството и винариите навреме да го исплаќаат откупениот род“

Во чест на Свети Трифун се закројуваше и на градскиот плоштад во Кавадарци. Таму на импровизирани лози закроија градоначалникот Панов, претседателката на советот Горица Пеливанова-Вилхелм и пратеничката д-р Весна Пемова. Ученици од СОЗШУ „Ѓорече Петров“ изведоа драматургија посветена на Свети Трифун.

Лозарите уште во утринските часови ги посетија своите насади за да го извршат овој обред кој со векови се негува во Тиквешијата на празникот Свети Трифун.

ДЕЛЕГАЦИЈА ОД ЗБРАТИМЕНАТА ГРАДСКА ОПШТИНА „ПАНТЕЛЕЈ“-НИШ Р. СРБИЈА ВО ПОСЕТА НА КАВАДАРЦИ

14 Фев 2017 by Општина Кавадарци in Настани

Општина Кавадарци и градската општина Пантелеј од Ниш – Србија ја продлабочуваат соработката во делот на културата. Денеска на прием кај градоначалникот Александар Панов беа претставници од оваа општина. Воедно се одржа и состанок помеѓу директорите на две основни училишта, едно од Кавадарци и едно од Пантелеј за понатамошна соработка.

„Пред неколку месеци бев во Пантелеј да ја потпишам повелбата за збратимување и еве сега ги интензивираме тие побратимски и пријателски релации. До општина Пантелеј упатив покана да ни бидат гости на овој свечен ден за Кавадарци и упатувам благодарност за тоа што дојдоа. Разговараме за првите чекори за воспоставување на културните релации помеѓу двата града и се надевам дека следниот состанок ќе биде за предностите на двете општини и да направиме линк помеѓу двете стопанства за да си го најдеме заедничкиот интерес. Денеска имаме средба на двајца директори на основни училишта. “ рече градоначалникот Александар Панов.

Задоволни од соработката со општина Кавадарци се и гостите од Пантелеј. „Ние сме веќе една година во овој процес на соработка со еден братски пријателски народ со кој ние навистина сакаме да соработруваме., Прво што сакаме е да воспоставиме врски во делот на културата, може и спортот а покасно и контакти со бизнис заедниците на двете општини. Тука е и лозарството. Ние сме познат крај по лозарство уште во поранешна Југославија. Вие гледам сте не надминале но се надевам дека ќе ве стигнеме“ рече претставник од општина Пантелеј.

Јавна расправа Екологија на тема „Состојби и можни решенија за надминување на проблемот со сезонското загадување на воздухот со ПМ 10 честички“

10 Фев 2017 by Општина Кавадарци in Огласи и соопштенија

Општина Кавадарци организира Јавна расправа на тема: „Состојби и можни решенија за надминување на проблемот со сезонското загадување на воздухот со ПМ 10 честички“

Се повикуваат заинтересираните граѓани, како и претсавниците на НВО секторот на ден 15.02.2017 (среда) да присуствувата и да земат учество со свои дискусии во темата.

Јавната распара ќе се одржи во големата сала на Општината со почеток во12:00 часот.

ДРВЕНА БОЧВА ЌЕ ГИ ПРЕЧЕКУВА ПАТНИЦИТЕ НАМЕРНИЦИ

9 Фев 2017 by Општина Кавадарци in Uncategorized

Кавадарци доби бочва како еден од симболите на градот. Општината во вторникот на 7 февруари во средината на новиот кружен тек на улицата „Западен Булевар“ постави дрвена бочва која во иднина ќе ги пречекува патниците намерници потсетувајќи ги на вековната традиција на градот и регионот,

Се работи за дрвена бочва донација од Винарската визба „Тиквеш“, која е сместана на бетонски постамент во средината на новиот кружен тек. Оргиналната дрвена бочва од винскиот подрум на „Тиквеш“ има зафатнина од 9 000 литри, со димензии 3 х 2,5 х 1,5 метри, со тежина од близу 2 000 килограми. Бочвата е специјално репарирана да може на подолг временски период да одолее на временските прилики. Во вечерните часови новиот симбол на градот ќе биде амбиентално осветлен.

Новото градско обележје се поставува во пресрет на празникот на лозарите „Св. Трифун“-14 февруари. Истата е поставена на важна сообраќајница низ која се одвива регионалниот сообраќај од правец на Скопје преку Росоман, како и од Неготино кон Прилеп и обратно. Заедничката идеја за поставување на овој симбол произлезе од Секторот за Локален економскиразвој во општината и претставниците на ВВ „Тиквеш“ кои се дел од основачите на Кластерот за Вински туризам во општината Кавадарци.

„МАКЕДОНИЈА ВО РИТАМОТ НА ЕВРОПА” ВО 2017 ГОДИНА

7 Фев 2017 by Општина Кавадарци in Настани

Градоначалникот на општината Александар Панов и директорот на манифестацијата „Македонија во ритамот на Европа“ Игор Карадаревиќ го потпишаа договорот за соработка, според кој, Општината Кавадарци ќе биде дело од вкупно дваесетте македонски општини кои ќе земат учество во насанот од кој се бираат најдобрите македонски деца таленти.

По потшишувањето на договорот градоначалникот Панов рече дека ова е уште една убава можност на национално ниво да се промовираат талентираните деца од Кавадарци.

Игор Карадаревиќ изјави дека во Кавадарци од старт била прифатена оваа идејa и тоа без резевно од градоначалникот Панов. Истакна дека ова е убава можност талентираните деца да се претстават на националната телевизија МТВ, како и пошироко во Европа, бидејќи настанот ќе биде превземен од уште десет национални европски телевизии.

Веднаш после потшишувањето на договорот, претставниците на манифестацијата имаа работна средба со директорите на основните и средните училишта од Кавадарци. Тие беапоконкретно запознати со целите и начинот на организација на манифестацијата.

Што се однесува до настанот, станува збор за дипломатска детска манифестација, подржана од страна на амбасадорите на Европа и на Европската Унија. Општина Кавадарци е меѓу дваесетте општини: Охрид, Јегуновце, Битола, Куманово, Прилеп, Штип, Василево, Кочани, Гостивар, Дојран, Кичево, Велес, Кавадарци, Свети Николе, Дебарца, Радовиш, Новаци, Крива Паланка, Делчево и Градот Скопје кои што се избрани да бидат учесници на манифестацијата “Македонија во ритамот на Европа” во 2017 година.

Цел на манифестацијата е поттикнување, развивање, препознавање и зачувување на младите таленти, промоција на интеркултурализмот, толеранција, рамноправност на полови, почитување на човековите права, различностите, соработка и доживотно учење. Манифестацијата секоја година се одрлжува во земјата победник од претходната година.

Во 2017 година ќе се одржи во Скопје, а ќе се пренесува на Македонската радио-телевизија. Децата кои ќе ja претставуваат својата општина, ќе се претстават со изведба на јазикот на земјата чии амбасадор ќе биде определен за соработка со конкретната општина.

Победникот на манифестацијата за 2017 годна ќе биде избран врз основа на гласовите на публиката и гласањето на жирито од општините учесници по пат на CMC. Педесет насто од прибраните средства од CMC гласањето ќе бидат уплатени на сметка на општината победник, како наменски средства во буџетот за болници, училишта, детски градинки, спортски и културни установи и слично.

Децата победници ќе ja посетат земјата чија што Амбасда ja претставувале на натпреварот. Трошоците во целост ќе бидат покриени од страна на организаторот. Манифестацијата е поддржана од Министерството за локална самоуправа заедно со Секретаријатот за европски прашања.