Асфалтирање на ул.„Сава Ковачевиќ“

17 Мај 2021 by Општина Кавадарци in Улици и тротоари

Општина Кавадарци во населба Глишиќ раелизира градежен проект за обновување на ул.„Сава Ковачевиќ“. Денес се поставува нова асфалтна подлога со дебелина од 7 сантиметри. Проектот предвидува реконструкција на улицата во должина од 300 метри каде ќе се асфалтира површина од 1800 метри квадратни.

Претходно на оваа делница се постави линија за атмосферска канализација со решетки за зафаќање на површинските води. Работите кои започнаа денес ги изведува фирмата „Градба промет“ од Кавадарци.

ИСПРАВКА НА ЈАВЕН ПОВИК ЗА ПРИБИРАЊЕ НА БАРАЊА ЗА ПОСТАВУВАЊЕ НА УРБАНА ОПРЕМА

14 Мај 2021 by Општина Кавадарци in Актуелни информации / Огласи и соопштенија

Градоначалникот на Општина Кавадарци ја дава следната,

ИСПРАВКА НА

ЈАВЕН ПОВИК ЗА ПРИБИРАЊЕ НА БАРАЊА ЗА ПОСТАВУВАЊЕ НА УРБАНА ОПРЕМА НА ЈАВНИ ПОВРШИНИ НА ТЕРИТОРИЈАТА НА ОПШТИНА КАВАДАРЦИ

Општина Кавадарци на ден 04.05.2021 година на веб страната објави јавен повик за прибирање на барања за поставување на урбана опрема на јавни површини на територијата на општина Кавадарци во место викано „12-те Ваташки другари” на 4 определени локации.

Се врши исправка во делот на рокот на пријавување кој треба да гласи:

Рокот за поднесување на барањата е најдоцна до 28 Мај 2021 година.

Оваа исправка има правно дејство со денот на објавување на јавниот повик на веб страната на општината, односно од 04.05.2021 година.

Повикот со исправката можете да го најдете на следниот линк:

http://arhiva.kavadarci.gov.mk/%d1%98%d0%b0%d0%b2%d0%b5%d0%bd-%d0%bf%d0%be%d0%b2%d0%b8%d0%ba-%d0%b7%d0%b0-%d0%bf%d1%80%d0%b8%d0%b1%d0%b8%d1%80%d0%b0%d1%9a%d0%b5-%d0%bd%d0%b0-%d0%b1%d0%b0%d1%80%d0%b0%d1%9a%d0%b0-%d0%b7%d0%b0-%d0%bf/

ПРОШИРУВАЊЕ НА УЛИЦАТА „8-ми СЕПТЕМВРИ“ КАЈ ВВ „ТИКВЕШ“

14 Мај 2021 by Општина Кавадарци in Проекти

Општина Кавадрци започна со реализација на нов комунален проект во урбаната населба „Бел Камен“.

Оперативата на „Градба промет“ од Кавадарци изведува градежни работи на проширување на делница од улицата „8^-миСептември“ на потегот од ВВ „Тиквеш“ до спојот со улицата „Бел камен“ во должина од 200 метри.

На оваа локација ќе се оформи нова коловозна лента од 7 метри со тротоар на двете страни секој со ширина од 2 метри.