СООПШТЕНИЕ За организирање на Јавна Презентација и Јавна Анкета

8 Апр 2021 by Општина Кавадарци in Актуелни информации / Огласи и соопштенија

По Локална урбанистичка планска документација за Е2 – Комунална супраструктура (Фотоволтна централа) на КП бр. 8000/1, КП бр. 8000/2 и КП бр. 8000/3, К.О. Кавадарци вон град, Општина Кавадарци

Граници на опфатот се :

– На север – КП бр.9613/1 КО Кавадарци град

– На исток – КП бр.4465 КО Кавадарци град

– На југ – КП бр.8000/4, КП бр.7999/4 КО Кавадарци град

– На запад – КП бр.8001 КО Кавадарци град

Опфатот е со површина од 1,6ха.

Јавна Презентација и јавна анкета по Локална урбанистичка планска документација за Е2 – Комунална супраструктура (Фотоволтна централа) на КП бр. 8000/1, КП бр. 8000/2 и КП бр. 8000/3, К.О. Кавадарци вон град, Општина Кавадарци ќе се спроведе со излагање на Локална урбанистичка планска документација во просториите на Општина Кавадарци.

Јавната анкета трае 5 дена, од 13.04.2021 до 19.04.2021 година, секој работен ден од 8:30 до 16 :30 часот.

Во споменатиот рок, заинтересираните граѓани и правни лица можат да доставуваат писмени забелешки, предлози и мислења на анкетните листови.

Јавна Презентација со стручно презентирање на планската документација ќе се одржи на ден 16.04.2021 година во 11:00 часот во просториите на Општина Кавадарци (Голема сала).

Одржување на Јавна презентација и Јавна анкета за Локална урбанистичка планска документација за Е2 – Комунална супраструктура (Фотоволтна централа) на КП бр. 8000/1, КП бр. 8000/2 и КП бр. 8000/3, К.О. Кавадарци вон град, Општина Кавадарци ќе се оджи согласно Уредбата со законска сила за дополнување на Уредбата со законска сила за примаена на Законот за просторно и урбанистичко планирање за време на вонредна состојба (,,Службен весник на Република Македонија“ бр. 116/2020). Кај присутните лица на Јаната презентација и јавна анкета задолжтелно треба да се запази минимум потребното растојание помеѓу лицата пред и внатре во објектот, да обезбедат спроведување на задолжителна дезинфекција на раце при влез во објектот и задолжително носење на заштитна маска, марама или шал со кој ќе бидат покриени устата и носот на учесниците во јавната презентација и јавната анкета.

ПОДОБРУВАЊЕТО НА ЈАВНОТО УЛИЧНО ОСВЕТЛУВАЊЕ ВО ЗАВРШНА ФАЗА

6 Апр 2021 by Општина Кавадарци in Проекти

Општината Кавадарци деновиве привршува со реализацијата на проектот за подобрување на постојната мрежа од Јавното улично осветлување во градот. Досега се реализирани над 90% од предвидените работи. Проектот има за цел да го подигне нивото на осветлување на улиците, и да заштеди на потрошувачката на еелектрична енергија.

Ангажираната оператива за одржување на Јавното улично осветлување во изминатите шеесет дена работеше на замена на старите ЛЕД ламби со нови ЛЕД ламби, како и на монтажа на високоефикасни ЛЕД ламби со јачина од 19 W .

Проектот опфати 30 улици со 41 локација, каде досега се изврши замена на вкупно 300 светилки. Со ова се создадат услови за непречено и безбедно движење на граѓаните во ноќните часовои.

Паралелно со овие активности се одвиваше и тековното одржување на мрежата од јавното улично осветлување во градот и селата.

Во општината во тек е тендерска постапка за подобрување на уличното осветлување во градот и населбита околу Тиквешкото езеро за изградба на нови линии во мрежата.

OОМБУ „Лазо Мицев Рале“ го одбележа патрониот празник – се отвора паралелка за средно образование

6 Апр 2021 by Општина Кавадарци in Настани

Градоначалникот Митко Јанчев, секретарот на општината, претседателот на советот и советници, Делегации од ОМБУ „Лазо Мицев Рале“, денеска положија свежо цвеќе на спомен бистата на патронот. Со тоа почна одбележувањето на патрониот празник на училиштето.

Директорот, Златко Јованов се осврна на досега сработеното и најави дека добиена е согласност за отворање на паралелка за средно образование.

Градоначалникот Митко Јанчев честитајќи го патрониот празник нагласи дека музичкото училиште во Кавадарци е расадник на млади таленти и е од големо значење за општината. Најави дека од мај ќе започне уписот на ученици за средно музичко образование во новата паралелка што ќе се отвори.

На денешното одбележување на патрониот празник беа прогласени и учениците првенци на генерација. Од класата по пијано кај професор Весна Павлова првенец на генерацијата е Иван Стојанов. Од класа балет кај проф. Билјана Грозданова првенец е Тијана Спанџова. Костадин Мишев е ученик првенец на геренација од класата по традициски инструменти кај проф. Горан Јанев, Стеван Мустеников во класата по хармоника кај проф. Стеван Волчев, Илина Бошева од класата пијано кај проф. Ѕвонко Богев и Бени Шаќири првенец на генерација од класата по кларинет кај проф. Александар Ангелов. За 10 години работен стаж во училиштето беа наградени педагог Јасминка Кузманов и професорот по кларинет Лазар Соколов.

Беше изведена и кратка музичка програма од учениците.

Одлуки за избор на кандидати по Интерен оглас бр.03/2021 на Општина Кавадарци

5 Апр 2021 by Општина Кавадарци in Актуелни информации / Огласи и соопштенија

ПОПЛОЧЕН КРАК ОД ул.„ИЛЧО ДИМОВ“

5 Апр 2021 by Општина Кавадарци in Улици и тротоари

Оперативата на фирмата „АС Машини“ од Кавадарци заврши со реализација на општински комунален проект во Ваташа.

На крак од улицата „Илчо Димов“ се поставија рабници и бехатон коцки, со што се урбанизраше уште една улица во Ваташа во должина од околу шеесеттина метри.

Проекто е на барање на жителите од тој дел на Ваташа.