Заврши поплочувањето на дел од улицата „Боро Ваташки“ зад црквата во село Ваташа. Градежните работи ги изведе оперативата на фирмата „Ас Машини“ од Кавадарци.
Станува збор за проект на општината Кавадарци, реализиран на барање на жителите од овој дел, со кој се полочиа дополнителни 200м2 од оваа улица.
Општината за оваа намена издвои 618.084 денари, а парите се обезбедени од комуналната сметка на општинскиот буџет.
