Категорија: Актуелни информации

Денска во хотел Фени со почеток во 18:00часот се одржува втората форумска сесија на која на присутните ќе им биде претставен начинот на кој се собираат приходите во Буџетот на општина Кавадарци.

Граѓаните кои учествуваа во првата форумска сесија од „Буџетскиот форум“ беа доста активни во давањето свои предлози околу креирањето на буџетот за следната година. Учестуваа повеќе работни групи од разни свери.

Градоначалникот на Кавадарци, Алексаднар Панов, првата сесија ја оцени за мошне успешна и е задоволен од одзивот на граѓаните.

Очекуваме предлози од граѓаните на денешната сесија и за тоа како да се зголемат буџетските приходи, рече модераторот на Форумот во заедницата, Елизабета Ѓорѓиевска.

Кавадарци беше домаќин на регионалниот натпревар Детски семафор. Во сите категории натпреварувачите од Кавадарци со освоено прво место, а со свои екипи учествуваа основните и средни училишта од градот домаќин, Велес и Неготино. Натпреварот го следеше стручна комисија, а учениците на градскиот плоштад и пред публиката и случајните минувачи не се штедеа за да ги покажат своите познавања во управувањето со велосипед и мопед.

Според прикажаното и оценките на комисијата резултатите се следни. Во натпреварот од големата група машки првото место го освои Ристе Цветков од ООУ „Тоде Хаџи- Тефов“ Кавадарци, второто Филип Стојанов од „Гоце Делчев“ Неготино, а третото Димитар Велков од „Јордан Хаџи-Константинов Џинот“ од Велес.

Во големата група женски првото место повторно за Кавадарци со ученичката Наталија Ридова од ООУ „Тошо Велков-Пепето“, второто го освои Мартина Аврамова од „Јордан Хаџи-Константинов Џинот“ Велес и третото Анастасија Ефтимова од „ Гоце Делчев“ Неготино. Во категоријата детски семафор мала група машки првото место го освои Никола Крстевски од ООУ „Страшо Пинџур“, второто и третото место им припадна на Филип Димитров и Кристијан Лазаров од „Гоце Делчев“ Неготино

Во истата категорија конкуренција женски првото место го освои Вероника Здравковска од Велес, второто Мартина Колева од Димката Ангелов Габерот Кавадарци и третото Добрица Станковиќ од Гоце Делчев Неготино.Во натпреварот од сообраќајно техничката култура на младите според бодувањето и оценката на жирито првото место го освои Бојан Ѓорчев од Гимназијата „Добри Даскалов“ Кавадарци, второто Ѓоре Давчев од „Јовче Касличиев“ Велес и третото Мартин Сугарев од „Кочо Рацин“ Велес.

Најдобрите од регионалниот натпревар во Кавадарци во неделата забележаа учество на државниот во Скопје. Инаку пред практичниот дел од Детски семафор на градскиот плоштад учениците поминаа низ тестирањето кое се одржа во ООУ Димката Ангелов Габерот. Кавадарци по втор пат беше домаќин на регионалниот Детски семафор.

Осумнаесет велосипедисти од Велосипедската федерација на Македонија денеска пристигнаа во Кавадарци како дел од велосипедската трка која се одржува во повеќе етапи низ земјава по повод одбележувањето на денот на независноста на Република Македонија.

Велосипедистите на градскиот плоштад ги пречека градоначалникот Александар Панов кој нагласи дека е почестен од тоа што во рутата е влезено и Кавадарци.„Спомнавме нешто што возминатиот период не успеавме да го завршиме. Иако возобновивме многу турнири, „Ваташкиот велосипедски меморијал“ не успеавме да го возобнобвиме. Си зедов обврска заедно со луѓето од федереацијата да го вратиме на нивото на кое што беше во време на бивша Југославија“ рече Панов.

Трката е организирана од Велосипедската федерација на Македонија поддржана од Агенцијата за млади и спорт и Републичкиот сојуз на спортови. „Секако дека оваа трка не би се остварила без подршка од локалните самоуправи во општините каде што поминува. Турата започна на 1 септмеври. Дел има натпреварувачки карактер, како на пример првата етапа Скопје – Кичево. Останатиот дел е рекреативен, со цел промоција на велосипедизмот со главна идеја зацртување на картата за етапите за 2014 каде што ќе помине трката следната година. До година трката во целост ќе има натпреварувачки карактер. Федерацијата ќе има за цел да донесе 10-тина држави учесници и десетина домашни екипи“ рече секретарот на Велосипедската федерација, Сашко Ванчевски кој нагласи дека во разговор со градоначалникот на Кавадарци ги воспоставиле почетните контакти за возобновување на трката која опстојуваше 35 години, „Ваташки меморијал“. „Сите ние кои учестувавме на таа трка имаме убави спомени“ рече Ванчевски.

Младите имаат голема желба и професионално да возат велосипед, ни рече денеска селекторот на велосипедската федерација Марјан Пецовски. „Имаме голем интерес од млади велосипедисти во Велосипедската федереација, односно во нашите членки- велосипедските клубови. Тука имаме млади кандидати кои се потенцијални учесници за следната година. Оваа година ја трасираме траката низ Македонија и се надеваме дека следната година со успех ќе ја спроведиме и натпреварувачки.“ рече Пецовски.

На срединато од летото општината Кавадарци согласно програмата за комунална изградба 2013 година вложи 500.000 денари во реконструкција и адаптација на локалниот патен правец кон селото Галиште. Оперативата на кавадаречката фирма „Градба промет“ ги заврши работите на овој локален пат во вкупна должина од 19,5 километри. Станува збор за земјен пат  кој ги поврзува селата Ќесендре и Галиште каде се работеше на пробивање на целосно нова траса во должина од 4,5 километри, како и на расчистување и реконструкција на останатите 15 километри.

Со овој зафат општината за прв пат  го стави во употреблива состојба овој пат кој досега беше користен од жителите на овие села кои мораа до таму да патуваат по многу тешки услови, само содобиток, трактори а најхрабрите и со џипови. По извршените зафати патот од Кавадрци до селото Галиште е целосно употреблив за  џипови,трактори и товарни возила. Вкупната широчина на патот е 5,5 метри што е согласно нормите за локални патишта. Во истовреме се интервенираше и на локалниот пат Раец-Ќесендре каде беа изведени работи на расчистување на вегетацијата како и санирање на критичните места.