2 ФАЗА ОД РЕНОВИРАЊЕТО НА ЗГРАДАТА ОД ПОДРАЧНОТО УЧИЛИШТЕ ВО СЕЛОТО МАРЕНА

13 Мар 2018 by Општина Кавадарци in Образование и наука

Согласно програмата за комунална изградба општина Кавадарци го реализира проектот за реконструкција на старата зграда на подрачното училиште „Страшо Пинџур“ во селото Марена.

Во тек се работите од втората фаза со која се опфатени поставување на термо изолациона фасада, како и целосна замена на дрвената столарија со енергетски ефикасни ПВЦ врати и прозорци.

Во училиштето во село Марена учат вкупно 35 ученици од прво до петто одделение поделени во 5 паралелки.

По завршувањето на градежните работи општината во многу ќе ги подобри условите за редовно и непречено одвивање на наставата и воспитно образовниот процес.

За оваа намена локалната самоуправа инвестира вкупно 1.085.000 денари, пари од оперативниот буџет.

Претходно општина Кавадарци во првата фаза од реновирањето во целост го обнови покривот, а беа изведени и работи на санација на училниците и ентериерот во дотраената и стара училишна зграда.

ЈАВЕН ПОВИК бр.1/2017 за прибирање на апликации за финансиска подршка од буџетот на Општина Кавадарци за 2018 година, наменети за спортисти, спортски клубови, професионални клубови регистрирани на подрачјето на општина Кавадарци, општински и училишни сојузи

5 Дек 2017 by Општина Кавадарци in Огласи и соопштенија / Спорт

Врз основа на член 3 од Правилникот за начинот, постапката и критериумите за финансирање на прграми, проекти, натпревари и манифестации од областа на спортот од интерес на Општина Кавадарци бр.07-873/29 од 28.02.2014 година (“Сл.Гласник на Општина Кавадарци” бр.13/2014) ,

ОПШТИНА КАВАДАРЦИ – ЛОКАЛНА САМОУПРАВА

Објавува ЈАВЕН ПОВИК бр.1/2017 за прибирање на апликации за финансиска подршка од буџетот на Општина Кавадарци за 2018 година, наменети за спортисти, спортски клубови, професионални клубови регистрирани на подрачјето на општина Кавадарци, општински и училишни сојузи

Јавен повик

Преземи документ

Пријава

Преземи документ

5 МИЛИОНИ ДЕНАРИ ЗА РЕКОНСТРУКЦИЈА НА УЧЕНИЧКИОТ ДОМ

10 Мај 2017 by Општина Кавадарци in Образование и наука

Градоначалникот на Кавадарци Александар Панов изврши Увид во работите на реконструкцијата просториите во ученичкиот дом „Крсте Петков Мисирков“ во Кавадарци. Се обновуваат ѕидовите, се менува столаријата, се реновираат санитарните јазли и ентериерот. Проектот е на Владата и Министерството за образование и наука вреден околу пет милиони денари Со сретства од општината, претходно беше извршена замена на подовите во домот.

Градоначалникот Панов информираше дека со финансиски средства од локалниот буџет ќе се набават нови душеци за креветите во интернатот како заокружување на рновирањет. „Со тоа ќе имаме комплетно реконструирани институции од ваков вид во општината, без разлика што домот не е под надлежност на локалната самоуправа“ нагласи градоначалникот.

Директорката Трајанка Толева појасни дека се реновира целиот втори кат, 14 простории плус ходници. Ова е прва реконструкција во домот кој постои околу четири децении.

Советникот во Советот на општина Кавадарци, Ристо Сакалиев, потсети на времето кога и самиот престојувал во овој дом, посакувајќи учениците кои престојуваат тука, да имаат што е можно подобри услови за живот додека се школуваат.

Капацитетот на ученичкиот дом е сто ученици. Реновирањето треба да заврши до крајот на месец август и домот подготвен да ги прими новите корисници.

ОПШТИНАТА ПОМАГА И ВО ДУХОВНИОТ ЖИВОТ НА ГРАЃАНИТЕ

24 Апр 2017 by Општина Кавадарци in Верски заедници

Општината под раководство на градоначалникот Александар Панов во склад со своите можности и овластувања активно помага и во одвивањето на Духовниот живот во градот и општината.

Согласно изборната програма 2009-2013 година беше предложен проект за изградба на нова соборна црква, како придонес на локалната самоуправа во збогатување на црковниот живот.

Општината во соработка со МПЦ, бизнис заедницата и граѓаните Донираа сретства со кои се изгради Соборната црква Света преподобна Параскева– Св.„Петка“.

Овој нов храм е дело на архитект Трајче Грков, го ѕидаа македонски нејмари каменорезци од тајфата на мајсторот Ристо Грозданоски од Мала Преспа, додека фрескоживописот кој сеуште е во фаза на живописување е дело на авторот Павел Апостоловски. Локацијата ја обезбеди Општината, а парите во најголем дел се донација од ФЕНИ Индустри, Кожувчанка, Градба Промет и останатиот бизбнис сектор од Кавадарци, како и од граѓаните.

Денсека црквата која плени со својата убавина е средиште на духовниот живот на православните христијани. Општина Кавадарци има донирано и сретства за реконструкција и зачувување на останатите цркви и манастири во општината. Во соработка со надлежните институции општина Кавадарци помогна во реконструкции на Полошкиот, Моклишкиот и Бошавскиот манатсир.

Општината донираше и во зафати на покриви, поплочување, пристапи и други зафати на црквите во селата: Марена, Сопот, Возарци, Бегниште, Мрежичко, Клиново, Драгожел. Општината помогна и во изградбата на новата црква во селото Брушани, а донираше и помала помош во други верски објекти во руралниот дел.

Во неколку наврати Општина Кавадарци има донирано и за обновување на џамијата во Кавадарци, како и во обезбедување на инфраструктура и пристапни патекиод бекатон до муслиманските гробишта на „Тепето“.

ПРИВРШУВА САНАЦИЈАТА НА ГРАДСЈИОТ СТАДИОНИ СЕВЕРНАТА ТРИБИНА

21 Апр 2017 by Општина Кавадарци in Спорт

Општината Кавадарци после превземањето на Градскиот стадион, систематски работи на санирање на инфраструктурата. Деновиве во завршна фаза се работите околу поставувањето на дрвени седишта на северната тибина. Претходно оперативата на фирмата „Градба промет“ од Кавадарциизврши санација на рушениот ѕид на спојот меѓу источната и северната трибина, апотоа беа санирани големите оштетувања на бетонот на просторот за седење. По таа санација се пристапи кон поставување на дрвените седишта. Со овој зафат во многу се подобриа условите за следење на натпреварите на ГФК „Тиклвеш“. Овој зафат се финансира од програмата за комунална изградба, а парите се од општинскиот буџет.

Во посета на објектот беше градоначалникот Александар Панов. Тој изрази задоволство од квалитетот на работата, а посетата ја искористи во присуство на медиумите да потсети дека Општината под негово водство континуирано вложува во подобрување на инфраструктурата во спортот. Панов нагласи дека во периодот 2013-2017 според Програмата за сопорт и млади, од опшптинскиот Буџет, се обезбедени вкупно 15.200.000 денари. Од овие сретства на спортските клубови и здруженија се исплатени 11.180.000 денари. Останатите се вложени во проекти, турнири и манифестации.