АСФАЛТИРАНА УЛИЦАТА „НАРОДНА МЛАДИНА“

5 Авг 2020 by Општина Кавадарци in Улици и тротоари

Ангажираната оператива на фирмата „Градба промет“ од Кавадарци денеска изврши асфалтирање на делница од улицата „Народна младина“.

Согласно проектот беаше асфалтирана површина од 850 метри квадратни. Претходно на истата делница општината како дел од проектот спроведе тампонирање, се поставиа нови рабници и се изврши поплочување на тротоарите.

Денешното асфалтирање на улицата „Народна младина“ е само дел од проектот на општината што ги опфаќа градежните работи и на улиците „Егејска“, „Бел камен“ и „Индустриска“.

За реализација на овој проект општината има предвидено финансиски средства во износ од 11.244.194 денари.

НОВИ ДИТСКИ ЗАБАВНИ ПАРКОВИ „БЕЛКА“ И „КИРО СПАНЏОВ“

5 Авг 2020 by Општина Кавадарци in Урбанизам и Комунални дејности

Нови два детски забавни паркови изгради општината во рамките на програмата за комунална изградба.

Ангажираната оператива на фирмата „Метал Апостолов“ од Кавадарци, денеска ги поставуваше последните реквизити во игралиштето на улицата „Киро Спанџов“.

Претходно нов детски забавен парк беше изграден и на локација кај зградите „Белка“.

Согласно проектото двете игралишта се поставени на бетонска основа покриена со специјална гумена подлога. Од безбедносни причини реквизитите се од масивно дрво. Терените се оградени со жица. Околу нив општината ќе изврши и хортикултурно уредување.

Двата детскио забавни паркови се изградени на барање на жителите кои гравитираат на соодветните локации.

ЗАВРШИ АСФАЛТИРАЊЕТО НА ПОСЛЕДНАТА ДЕЛНИЦА ОД ПАТОТ СТРАГОВО-КРЊЕВО

29 Јул 2020 by Општина Кавадарци in Улици и тротоари

Точно според планот денеска попладне заврши асфалтирањето на последната делница од локалниот пат Страгово-Крњево. Општината Кавадарци преку ангажираната оператива на фирмата „Градба промет“ заврши со поставувањето на завршниот слој асфалт на последните метри од реконструираниот патен правец.

Оваа делница е најкусата врска на Кавадарци со Бошавијата. Со нејзиното целосно асфалтирање се заокружи значаен проект на локалната власт во напорите на заживување на овој некогаш исклучително витален регион, богат со природни ресурси.

Во последната фаза беше опфатено проширување, тампонирање и асфалтирање на последните 1 600 метри од патот. После асфалтирањето останува уште доуредувањето на канафките и пропустите, по што во наредните денови се очекува и предавање во употреба на оваа патна делница, која во изминатите 3 дена беше целосно затворена за сообраќај.

Сега од Кавадарци до селото Крњево преку Ладно Долче и Страгово ќе се патува по проширен и асфалтиран пат, многу побезбедно и побрзо.

Aсфалтирање на делница од локалниот пат Ладно долче-Страгово-Крњево.

28 Јул 2020 by Општина Кавадарци in Uncategorized / Улици и тротоари / Урбанизам и Комунални дејности

Опертивата на фирмата „Градба Промет“од Кавадарци зaпочна со Ова е последната фаза од ревитализацијата на овој значаен и фрекфентен локален патен правец кој е најкратката врска на Кавадарци со бошавијата. Општината претходно имаше повеќе градежни активноси меѓу кои и проширување на постоечкиот пат во ширина од 5,5.метри.
Согласно проектот целосно беше отстранет на стариот и дотраен асфалт, се изврши проширување, порамнување и тампонирање со набивање на трасата. Одводнувањето е решено долж целата траса со трапезни земјани канавки, а на одредени места се поставени армирано бетонски цевасти пропусти. Завршната фаза на поставување на целосно нов асфалт започна вчера а ќе се работи и во наредните два дена.
Инвеститор е Општина Кавадарци со добиени финансиски средства за под-заем, финансирани преку проектната единица и МСИП проектот за подобрување на општинските услуги на Министерство за финансии, поддржан од Светска Банка, со цел за подобрување на квалитетот на животот на месното население. Со реконструкцијата на оваа делница се заокружува функционалноста на овој локален пат во должина од 8 километри, од спојот со регионалниот пат Кавадарци-Мушов гроб на Витачево, до спојот со регионалниот пат Конопиште-Крњево-Барово-Демир Капија.

Обележување на хоризонтална и вертикална сообраќајна сигнализација на Западен булевар

23 Јул 2020 by Општина Кавадарци in Сообраќај

Проектот за пробивање на Западен булевар е во завршните фази. Денес се работи на сообраќајната сигнализација.
Комплетно се уредуваат коловозните ленти со хоризонтална и вертикална сообраќајна сигнализација на Западен булевар , на спојот со ул.Ресавска со регионалниот пат и ул.Јован Планински.
Поставени се сообраќајни знаци и се обележани околу 400 метри квадратни.
Овој проект е веќе со години баран од жителите на овој дел од градот и ќе биде од големо значење за Општина Кавадарци. Проектот е со финансиска вредност од 16 440 158 денари.