Асфалтирање на ул.Зелен пазар

25 Фев 2022 by Општина Кавадарци in Урбанизам и Комунални дејности

Денес се асфалтира ул.Зелен пазар, на површина од 1200 м/2. Тоа значи дека за првпат куќите кои се лоцирани на таа улица, ќе добијат пристап со нивните возила, а сообраќајницата ќе биде двосмерна заради влез и излез на паркингот на пазарот.

Со оваа сообраќајница ќе постои и кружно движење на сообраќај со ул.Цано Поп Ристов, Зелен пазар и 7-ми Септември, со што движењето во градот нема да биде отежнато како што беше досега. Со асфалтирање на оваа улица и монтирањето на тезгите, пазарот би бил пуштен во употреба за неполн месец.

Целосно е завршен патот од Браната ХЕЦ Тиквеш до населба Голеш и с.Шешково

18 Ное 2021 by Општина Кавадарци in Актуелни информации / Улици и тротоари

Целосно е завршен патот од Браната ХЕЦ Тиквеш до населба Голеш и с.Шешково, кој е комплетно тампониран во должина од 8 километри.

Од утре се продолжува во с. Ќесендре, Клиново, Куманичево и Драдња.

Изведувач е фирмата Портланд ОПЦ Струмица.

Асфалтирање на улици во УЗ Задругар

27 Окт 2021 by Општина Кавадарци in Улици и тротоари

Денес се започна со асфалтирање на улици од УЗ Задругар. Се асфалтира ул.Галишка, ул.Наца Пинџурова и краци од ул.Црноречка, на површина од 2300 метри квадратни. Изведувач на работите е Ескаватори од Скопје.

Поставени се тоалетни кабини на шест локации во Кавадарци

27 Окт 2021 by Општина Кавадарци in Урбанизам и Комунални дејности

Поставени се 10 тоалетни кабини на шест локации во Кавадарци и тоа дел поединечни, а дел се дупли, на следниве локации: Градски парк “Љупчо Шкартов”, храм св.Петка, Спортска сала “Јасмин” (градско игралиште), ул.7-ми Септември (портокалот), Градски плоштад и ул.”Страшо Пинџур” во с.Ваташа.

Тоалетните кабини се комплетно опремени а изведувач е ДПТУ “Метал Апостолов” ДООЕЛ Кавадарци. Вредноста на целиот проект изнесува 1.011,850,оо денари.

Поплочување на тротоар на ул. Методија Џунов Џикот

20 Окт 2021 by Општина Кавадарци in Улици и тротоари

Поплочување на тротоар на ул.Методија Џунов Џикот и уредување на дол Калница каде што треба да се стави и настрешница. Изведувач на работите е фирмата Павер Трејд, вкупната квадратура за поплочување е 1920 метри квадратни.