Категорија: Урбанизам и Комунални дејности

Во тек е редовното кастрење на дрворедите кое Општина Кавадарци го реализира преку Јавното претпријатие „Комуналец“.
Работите ги извршува организационата единица „Паркови и зеленило“, а се работи на интервенција на дрворедите со кастрење на обраснати гранки, како и отстранување на сувите гранки кои се потенцијална опасност за пешаците и возачите.
Во оваа фаза со акцијата на општината се опфатени улиците: „Тиквешко востание“ и „Илинденска“.
Покрај ЈП „Комуналец“ во акцијата како помагател со механизација и работна рака е вклучена и општествено одговорната компаниа: „Матал Апостолов“.

Оперативата на ангажираната фирма „Патио монт“ го реализира проектот за изградба на тротора во селото Сопот. Поплочена е делница од тротоарот на главната улица на локација наспроти селките гробишта.
Согласно проекото на локацијата прво се расчистуваше и порамнуваше теренот, по што се поставија мали рабници и тампон, а во завршната фаза и бехатон плочки.
Проектото е во склоп на програмата за комунална изградба, а се реализира на барање на жителите од Сопот.