ИЗГРАДБА НА КЕЈОТ НА ЛУДА МАРА НИЗ ВАТАША СПОРЕД ПРЕДВИДЕНАТА ДИНАМИКА

28 Мар 2019 by Општина Кавадарци in Урбанизам и Комунални дејности

Четвртата фаза од изградбата на кејот шеталиште по коритото на реката „Луда Мара“ се одвива непречени и според планот. Градежната оператива на фирмата „Градба промет“ од Кавадарци паралелно работи на земјаните работи како и бетонирањето на минорното корито на реката низ селото Ваташа.

Според динамиката деновиве интензивни работи се изведуваат на локацијата наспроти училиштето и болницата во Ваташа.

Согласно проектот треба да се изградат 770 должни метри нов кеј на потегот од паркингот кај зградите „Силекс“ до последниот мост на регионалниот пат.

За реализација на овој проект општината ќе инвестира 20 милони денари.

ПРОШИРУВАЊЕ НА ЗАПАДЕН БУЛЕВАР

21 Мар 2019 by Општина Кавадарци in Улици и тротоари

Општината Кавадарци зепочна со реализација на капиталниот сообраќајно-комунален проект за проширување на делница од транзитната улица „Западен булевар“.

Станува збор за изградба на целосно нова делница со вкупна широчина од 16 метри кад се гради коловозна лента со широчина од 12 метри, како и тротоари од двете страни на улицата секој со широчина од 2 метри.

Со овој проект практично се продолжува проширувањето на оваа значајна сообраќајниц од постојното решение со истите димензии од „Новата бензинска“ сега во должина од 1 километар во правец на Росоман.

Проектот предвидува и комплетна сообраќајна и светлосна инфраструктура, со што Кавадраци ќе добие нова современа сообраќајница на влезот од северната страна од и кон автопатот кон Росоман и Скопје.

ОДБЕЛЕЖУВАЊЕ НА ХОРИЗОНТАЛНАТА ПАТНА СИГНАЛИЗАЦИЈА НА 12 ЗАБАВУВАЧИ НА СООБРАЌАЈОТ

21 Мар 2019 by Општина Кавадарци in Сообраќај

Општина Кавадарци преку ангажираната оператива на специјализираната фирма „Бојта инг“ започна со одбележување на хоризонталната патна сигнализација на 12-те нови асфалтни легнати пречи.

Ова е завршна фаза од проектот за поставување на забавувачи на сообраќајот кои според сообраќајниот проект се изградиа на 8 локации на градските улици и тоа пред основните и средните училишта.

Се работи за асвалтни легнати пречки со должина од 6 и широчина од 4 метри, на кои се исцртуваат бели линии за означување пешачки премини-зербри. Претходно паралелно со нивното асвалтирање општината постави и вертикална патна сигнализација од сообраќајни знаци за предупредување.

Со овој проект општината очекува подобрување на безбедноста на пашаците, како и намалување на непрописното брзо возење низ значаен дел од градските улици.

САНИРАЊЕ СО АСВАСЛТИРАЊЕ НА ПОВОТ ОД НОВАТА АТМОСФЕРСКА НА ПЛОШТАДОТ

19 Мар 2019 by Општина Кавадарци in Улици и тротоари

Општина Кавадарци и ЈП „Комуналец“ завршуваат со реконструкцијата на постоечка атмосферска канализација за прифаќање на атмосферски води на дел од улицата „Тиквешко Востание“ од раскрсницата кај „Домот на културата“ во правец на „првиот триаголник“.

Деновиве се работеше на поставување на асвалт на рововите од новата линија, со што истите се санираа и се порамнија со нивото на постојниот асвалт

Вкупната должина на реконструираната делница е 317 метри, со два профили и тоа еден дел со должина од 104 м’ е изведен со цевки со дијаметар Ф500мм, а вториоти дел од 213 м’ со цевки со дијаметар Ф400 мм.

Постоечките сливници беа приклучени на новата атмосверска канализациона линија.

Со овој проект општината обезбеди поефикасно одводнување на центарот на градот од атмосверските води.

Реконструкција на вертикалната патна сигнализација

19 Мар 2019 by Општина Кавадарци in Проекти / Сообраќај

Реализацијата на сообраќајниот проект за подобрување на вертикалната патна сигнализација продолжува според утврдената динамика.
Денеска се спроведе монтажата на Полу порталните столбови-носачи на лантерните на раскрсницата на улицата „Илинденска“ со улицата „Мито Хаџивасилев-Јасмин“. Проектот предвидува овде да се постават три носачи и тоа два на улицата „Илинденска“ и еден на ул.„Мито Хаџивасилев-Јасмин“.
Претходно оперативата на изведувачот „Конструктор“ од Кочани, ги постави 4-те мали столбови за пешачките семафори. Во првата фаза беше извршена целосна реконструкција на подземната елекрична инсталација.
Полупортални столбови ќе бидат поставени и на преостаните две раскрсници предвидени за реконструкција на семафорите и тоа три кај „Старата автобуска“ и 2 столба на бул. „Моша Пијаде“ на раскрсницата кај ООУ „Гоце Делчев“.
Ова е прв сеопфатен зафат за реконструкција на семафорите од нивното поставување во седумдесеттите години од минатиот век.