Општината Кавадарци продолжува со интензивната комунална изградба. Денес се изврши пробивање на споредна улица на ул.“Илинденска“ со комплетна инфраструктура, вода, фекална и атмосферска канализација со квадратура од 330 квадрати.
Проширување на булевар „Македонија“ во должина од 60 метри со што би се зголемиле паркинг местата на овој дел од градот.
Поплочување на тротоарот од двете страни на ул.“Задругарска“ со што ќе продолжи на ул.“Пиринска“ од едната страна. Ќе се вградат вкупно 1600 квадрати бехатон коцки.
Кампањата за ревитализација на градските улици продолжува. Ангажираната оператива денеска изврши асфалтирање на улицата „Цар Самуил“ веднаш под спортскиот центар „Јасмин“.
Преку проект на Општина Кавадарци беше асфалтирана површина од 600м2.
Претходно ЈП „Комуналец“ на оваа улица постави атмосферска канализација.
И овој проект Општина Кавадарци го реализира на барање на граѓаните кои живеат во овој дел на градот.
Општината Кавадарци продолжува со интензивната комунална изградба. Согласно програмата, оператива на фирмата изведувач започна со асфалтирање на улицата „Доне Попов“.
Според проектот на општината, на оваа улица се врши реконструкција на површина од околу 1500м2. Претходно на делницата на оваа улица од спојот со ул. „Шишка“ во правец на населбата „Голи Оток“ беше отстранета гранитната коцка, а површината се подготви за асфалтирање.
Проектот за ревитализација на улицата „Доне Попов“ општината го изготви на барање на жителите преку Урбаната заедница „Страшо Пинџур“.
Асфалтирањето на оваа улица во многу ќе го олесни сообраќајот и движењето по улицата низ која транзитираат значаен број на автомобили и пешаци од локалното население.
