Категорија: Урбанизам и Комунални дејности

Градежната фирма „Инвест груп“ со својата оператива ја заврши последната фаза од комуналниот проект на општина Кавадарци со кој на постојниот паркин простор се доградуваат дополнителни 570м² нов  паркинг.

Овој комунален проект општината го реализира на теренот под хотелот „Уни палас“ 1, помеѓу колективните згради на Булеварот „Кочо Рацин“ и индивидуалните станбени објекти на улицата „Орце Николов“.

Општината претходно започна со расчистување на теренот во овој запуштен, узурпиран и деградиран простор. Паралелно се одвиваше и акција со која општината ги отстрани диво поставените лимени гаражи кои го нарушуваа урбаниот простор и беа непријатна глетка за станарите и минувачите.

Пред асвалтирањето беа превземени земјани работи за подготовка на теренот каде на постојниот паркинг се врши доградба на дополнителеннов асвалтиран паркинг простор.

Во завршната фаза од овој проект општината планира и хортикултурно уредување на тревни површини. По целосната реализација на овој инфраструктурно-хортикултурен проект ревитализираниот и урбанизиран простор ќе биде во целосна функција на граѓаните и жителите од овој дел на Кавадарци.

Оперативата на фирмата „Инвест груп“ денеска на улицата „4 Јули“ постави нова асвалтна подлога на вкупна површина од 1200м²,со дебелина од 5 сантиметри.

Новиот асвалт се постави на потегот од спојот на улица „4 Јули“ со улицата „Илинденска“ до спојот со улицата „Љубашка“.

За реновирање на асвалтната подлога општината инвестира 859.000 денари, пари од сметката на буџетот наменети за комунална изградба.

Според програмата за комунална изградба, општина Кавадарци најпрвин преку Јавното претпријатие „Комуналец“ изврши комплетна замена на старата и дотраена бетонска канализациа со профил фи150мм, со нова ребраста цевка чии профил изнесува фи 250мм. Беа обновени вкупно100 должни метри, со 12 пропратни приклучоци.

Со овој проект општината Кавадарци изврши целосна ревитализација на подземната и надземната инфраструктура на оваа улица, која се наоѓа во централното градско подрачје.

Непрекинатата комунална изградба во општина Кавадарци се одвива и во Месните заедници.

Деновиве оперативата на кавадаречката фирма „Павер трејд“ работи на полочување во селото Возарци.

На барање на жителите од селото, општината  излезе во пресрет и како приоритет спроведе проект за поплочување на дел од улица, како и на патека до дворот на училиштето.

Во долниот дел од селото под регионалниот пат кон Прилеп се изврши поплочување на површина од 320м² како дел од последната селска улица покрај десниот брег на Црна Река.

Со бекатон коцки беа покриени и 40м², пешачка патека на источната страна од спортскиот терен во дворот на подрачното училиште во селото Возарци.

За реализација на овој проект општината инвестираше парите од сметката на буџетот наменети за комунална изградба.

Во рамките на комуналната изградба општина Кавадарци продолжи со ревитализацијата на повеќе улици во градот.

Механизацијата и работниците од фирмата „Инвест груп“ работеа  на асвалтирање на улицата „Јане Сандански“. Се изврши поставување на нов слој асвалт во должина од 160 метри и тоа од спојот со улицата „Задругарска“ до спојот со улицата „Народен фронт“.

Со овој проект општината им излезе во пресрет на барањата на граѓаните за санирање на оштетувањта на нивната улица.

Оперативата на фирмата „Инвест груп“ изврши асвалтирање на крак од улицата „Диме Туриманџов“ на површина од 200 м².

Со овој зафат општина Кавадарци изврши ревитализација на дел од оваа улица до спојот со улицата „9 Бригада“ кој беше значително оштетен.

Асвалтирањето на шеесетте метри од улицата е во рамките на комуналната изградба, а се финансира од буџетото на општина Кавадарци.