Категорија: Урбанизам и Комунални дејности

Општина Кавадарци продолжува со интензивната комунална изградба. Механизацијат на фирмата „Инвест груп“ од Неготино работеше на асвалтирање на крак од улицата „Црноречка“.

Асвалтна маса со дебелина на слојот од 8 сантиметри, беше поставена на должина од 400 метри, врз пртеходно поставениот тампон на улицата која е широка 5,5 метри. Со овој проект се асвалтираше уште еден крак од улицата „Црноречка“.

При изведувањето на работите во увид на терен беше присутен и градоначалникот Митко Јанчев. Тој изрази задоволство од извршената работа.

Оперативата на фирмата „АС Машини“ од Кавадарци започна со партерното уредување на дворот од  новата градинката.

Бекатон плочките ќе бидат поставени на поголемиот дел од дворната површина, а на останатиот  простор од  дворот ќе биде извршено хортикултурно уредување обградено со ивичници.

Во овој објект ќе бидат згрижени околу 100 деца од предучилишна возраст, а општината очекува тоа да го ублажи сегашниот недостиг од места во детската градинка.

Општината Кавадарци планира да се изгради нов објкет за згрижување на поголем број деца со што би се решил проблемот на недостиг на места во детската градинак.

Градоначалникот и Општината сериозно работат на проектот нов современ објект на детската градинка.

Продолжува интензивната комунална изградба во Кавадарци. Градежната механизација на фирмата „Градба промет“ ги изведува земјените работи од подготовката за асвалтирање на дел од улицата „Домовица“.

Во должина од 100 метри се врши формирање на коловозната лента, која се надоврзува на постојниот асвалт.

Улицата е со широчина од 5,5 метри, по што ќе следи поставување на рабници, како и тампонирање. На крајот ќе изврши асвалтирање.

Општината за овој проект има наменето 897.500 денари, средства обезбедени од буџетот – програма за комунална изградба.

Општината Кавадарци преку оперативата на фирмата „Инвест груп“ продолжува со проектот за реконструкција на тротоарот од улицата „Страшо Пинџур“.

Во оваа фаза се работи на бетонирање со зрматура на делницата од левата страна на улицата во правец од Кавадарци кон Ваташа со вкупна должина од 350 метри. Предвидено е да се изврши поставување на фин бетон на тротоарот од спојот со „Желков дол“ се до платото пред зградите бр 63 пред објектото на МЗ „Слога“.

На овој дел стариот трортоар беше целосно руиниран и небезбеден за нормално движење на пешаците.

Општината со неговата реконструкција ќе создаде услови за побезбедно движење  на граѓаните од Ваташа и Кавадарци кои интензивно го користат овој тротоар.

Во рамките на  пролетната акција за расчистување, на запуштените површини, општината Кавадарци во соработка со донаторот „Ја-Ми“, деновиве го расчистува просторот околу спортската сала „Јасмин“.

Механизацијата на „Ја-Ми“ 1 багер и 2 камиони, потпомогнати со скипер и работници од ЈП „Комуналец“ работи на очистување на шут, кастрење на  дрва, како и на отстранување на обраснати грмушки и трева.

Се расчистува просторот на јужната и западната страна од фудбалското игралиште, како и површината покрај атлетската патека, каде имаше бујна несредена вегетација.

Општината има за цел овој простор да го уреди и да го култивира, со оглед на тоа дека фудбалскиот терен и атлетската патека се едно од омилените места за рекреација на граѓаните.